اقتوبە وبلىسىندا قۇقىق قورعاۋ ورگاندارىنىڭ جەدەل-الدىن الۋ ءىس-شارالارىنىڭ ارقاسىندا قىلمىس دەڭگەيىنىڭ تومەندەۋى بايقالادى. اتاپ ايتقاندا, اسا اۋىر قىلمىستار سانى 25% ازايدى, ورتاشا اۋىرلىقتاعى قىلمىستار سانى 2,7 ەسەگە, اۋىر ەمەس قىلمىستار 2,3 ەسەگە ازايدى. توناۋ 3,3 ەسەگە, بۇزاقىلىق – 30%, بوتەن م ۇلىكتى ۇرلاۋ – 2,6 ەسەگە, پاتەر ۇرلىعى-2,4 ەسەگە جانە مال ۇرلىعى 13 ەسەگە ازايدى.
جالپى قوعامدىق ورىنداردا قىلمىس 44% تومەندەدى, جاسوسپىرىمدەردىڭ قىلمىسى 31,6% تومەندەدى. وسىنىڭ بارلىعى تج جاعدايىندا ۋاكىلەتتى ورگاندار قابىلداعان الدىن الۋ شارالارىنىڭ ناتيجەلىلىگىن كۋالاندىرادى. اقتوبە وبلىسىنىڭ پوليتسيا دەپارتامەنتى 16 ناۋرىزدان باستاپ قىزمەت اتقارۋدىڭ ەرەكشە تارتىبىنە كوشتى. وبلىستا قۇقىقتىق ءتارتىپتى قامتاماسىز ەتۋ ماقساتىندا قوعامدىق ورىنداردا جانە كوشەلەردە پاترۋلدەۋ كۇشەيتىلدى. پوليتسيانىڭ كەشەندى كۇشتەرى جاساقتارىنىڭ تىعىزدىعى ارتتى. كارانتيندىك, جۇقپالى وبەكتىلەردى قورعاۋ ءۇشىن پاترۋلدىك ناريادتار قويىلدى.
