قازاقستان • 16 ءساۋىر، 2020

قاراعاندى وبلىسىندا ميگ-31 ۇشاعى اپاتقا ۇشىرادى

158 رەت كورسەتىلدى

قاراعاندى قالاسىنىڭ ماڭىندا جاۋىنگەرلىك كەزەكشىلىكتى اتقارۋعا دايىندىق بويىنشا جوسپارلى ۇشۋلاردى ورىنداۋ بارىسىندا قازاقستاننىڭ اسكەري-اۋە كۇشتەرىنىڭ ميگ-31 ۇشاعى اپاتقا ۇشىرادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

-  وقيعا قاراعاندى قالاسىنىڭ اۋەجايىنان وڭتۇستىككە قاراي ورنالاسقان جەردە ورىن الدى. ۇشقاننان كەيىن قوزعالتقىشتاردىڭ بىرىندە ءورت شىقتى. كاتاپۋلتتەۋگە كوماندا العاننان كەيىن اسكەري ۇشقىشتار ۇشاقتى ەلدى مەكەننەن اۋلاققا قاراي باعىتتادى. حالىققا ەشقانداي قاۋىپ توندىرمەيتىنىنە كوز جەتكىزگەننەن كەيىن ەكيپاج كاتاپۋلتتەلدى. ۇشقىشتار امان، - دەلىنگەن حابارلامادا.

قورعانىس ءمينيسترىنىڭ بۇيرىعىمەن اۆياتسيالىق وقيعانى تەكسەرۋگە كوميسسيا تاعايىندالدى.

وقيعا ورنىنا اسكەري-اۋە كۇشتەرىنىڭ ىزدەستىرۋ-قۇتقارۋ قىزمەتىنىڭ جاساعى كەلدى.

سوڭعى جاڭالىقتار

ۇقساس جاڭالىقتار