رەسپۋبليكاداعى قىلمىس دەڭگەيى 10 مىڭ تۇرعىنعا شاققاندا 118 تىركەلگەن قىلمىستى قۇرادى. وبلىستار مەن رەسپۋبليكالىق ماڭىزى بار قالالار بولىنىسىندە 10 مىڭ تۇرعىنعا شاققانداعى ەڭ جوعارى قىلمىس دەڭگەيى الماتى, شىمكەنت, نۇر-سۇلتان, شىعىس قازاقستان, باتىس قازاقستان, قوستاناي جانە اقمولا وبلىستارىندا, ەڭ تومەنگى تۇركىستان وبلىسىندا بايقالادى.
اۋىر جانە اسا اۋىر قىلمىستار سانى وتكەن جىلدىڭ ۇقساس كەزەڭىمەن سالىستىرعاندا 119,8%-عا ارتتى. قىلمىستار قۇرىلىمىندا ولاردىڭ ۇلەس سالماعى 20,3% (2019 جىلدىڭ 1-توقسانىندا - 9,3%), اۋىرلىعى ورتاشا جانە تومەن 33,8% (66,5%) جانە 12,4% (14.0%) قۇرادى.
2020 جىلدىڭ 1-توقسانىنىڭ ناتيجەلەرى بويىنشا تىركەلگەن قىلمىستاردىڭ ىشىندەگى ەڭ ۇلكەن ۇلەستى مەنشىككە قارسى قىلمىستار الادى - 72,7% (2019 جىلدىڭ 1-توقسانىندا - 76,4%), ولاردىڭ كوپشىلىگى باسقا بىرەۋدىڭ مۇلكىن ۇرلاۋ - 23,7 مىڭ وقيعا ( 39,4 مىڭ وقيعا.) ايتا كەتۋ كەرەك, قىلمىستىڭ وسى توبىندا وتكەن جىلدىڭ سايكەس كەزەڭىمەن سالىستىرعاندا الاياقتىق جاعدايلارى 10,2% -عا وسكەنى بايقالادى.
ادامعا قارسى قىلمىستار سانى 3230 وقيعانى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 9,8% -عا از. ادام ساۋداسى - 50,0%, زورلاۋ - 36,6%, ادام ۇرلاۋ - 34,8%, قورقىتۋ - 19,5% قىلمىستارى بويىنشا تومەندەدى.
سونىمەن قاتار ادام ءولتىرۋ سانى وتكەن جىلدىڭ ۇقساس كەزەڭىمەن سالىستىرعاندا 26,1% -عا ارتتى.
رەسپۋبليكادا ادام ءولتىرۋ دەڭگەيى 100 مىڭ تۇرعىنعا شاققاندا 1,5 قۇرايدى. وبلىستار مەن رەسپۋبليكالىق ماڭىزى بار قالالار بولىنىسىندە 100 مىڭ ادامعا شاققانداعى ادام ءولتىرۋدىڭ ەڭ جوعارى دەڭگەيى پاۆلودار, جامبىل, قاراعاندى, اقمولا وبلىستارىندا, ەڭ تومەنى تۇركىستان وبلىسىندا بايقالادى.
رەسپۋبليكانىڭ قۇقىق قورعاۋ ورگاندارى قىلمىس جاساعان 21,2 مىڭ ادامدى انىقتادى (2019 جىلدىڭ 1-توقسانىمەن سالىستىرعاندا 17,5% -عا از), 9,2 مىڭ ادام قىلمىستىق جاۋاپكەرشىلىككە تارتىلدى (5,6% از). قىلمىس جاساعان بارلىق انىقتالعان ادامداردىڭ كوپشىلىگى جۇمىسسىزدار - 83,8% (2019 جىلدىڭ 1- توقسانىندا 84,2%) قۇرادى.
ورتاشا العاندا قازاقستاندا قىلمىس جاساعان ءاربىر سەگىزىنشى ادام ماس كۇيىندە, ءار توعىزىنشىسى دەرلىك – توپ قۇرامىندا بولعان.
قىلمىس جاساعان ادامداردىڭ جالپى سانىنان 510 ادام نەمەسە 2,4% - كامەلەتكە تولماعاندار, بۇل وتكەن جىلدىڭ سايكەس كەزەڭىمەن سالىستىرعاندا 25,2% -عا از.
ولاردىڭ ىشىندە تومەندەگى جاس ارالىعىندا جاسالعان قىلمىستار:
14-15 جاس - 89 (2019 جىلدىڭ 1-توقسانىندا - 162) ادام نەمەسە كامەلەتكە تولماعان قۇقىق بۇزۋشىلار سانىنىڭ 17,5% (23,8%);
16-17 جاس - 421 (520) ادام نەمەسە 82,5% (76,2%).
