وسىعان وراي پوليتسيا قىزمەتكەرلەرى تۇندە سەبەپسىز جۇرگەندەردى انىقتاپ, توقتاتۋ ءۇشىن رەيدكە شىعادى.
–ماسەلەن, 12 ءساۋىر كۇنى كەشكى ساعات 21:20 شاماسىندا پوليتسيا باسقارماسىنىڭ «باتىس 25» ەكيپاجىمەن اتىراۋ قالاسىنداعى ساتباەۆ-پۋشكين كوشەلەرى قيىلىسىندا كەتىپ بارا جاتقان «Mercedes Benz» اۆتوكولىگى انىقتالدى. ەكيپاج قىزمەتكەرلەرى توقتاتپاق بولعانمەن, كولىك جۇرگىزۋشىسى تالاپتى ورىنداماعان. داۋىس كۇشەيتكىش قۇرالىمەن بىرنەشە رەت قايتالاعاننان كەيىن جۇرگىزۋشى كولىگىن قۇلمانوۆ كوشەسى بويىنداعى «اتىراۋ» ساۋدا ورتالىعى تۇسىندا توقتاتقان. جۇرگىزۋشىلىك قۇجاتى جوق ازاماتتىڭ دارىگەرلىك ساراپتاما قورتىندىسىمەن «ورتا» دارەجەلى ماس ەكەندىگى دە انىقتالدى, -دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پوليتسيا قىزمەتكەرلەرى «مercedes Benz» اۆتوكولىگىنىڭ جۇرگىزۋشىسىنە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 4 بىردەي بابىمەن اكىمشىلىك حاتتامالار تولتىرىلىپ, سوتقا جولدادى. اتىراۋ قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن اتالعان كودەكستىڭ 601-بابىمەن (جول بەلگىسى تالابىن ورىنداماۋ) 4167 تەڭگە مولشەرىندە ايىپپۇل, 613-بابىمەن (پوليتسيا قىزمەتكەرىنىڭ اۆتوكولىكتى توقتاتۋ تالابىن ورىنداماۋ) 41670 تەڭگە مولشەرىندە ايىپپۇل سالۋ, 608-باپپەن (جۇرگىزۋ قۇقىعى جوق, الكوگولدىك ىشىمدىك ىشكەن ماسايۋ كۇيدە اۆتوكولىكتى باسقارۋ) 20 تاۋلىككە قاماققا, 478-باپپەن (توتەنشە جاعداي رەجيمى كەزىندە پوليتسيا قىزمەتكەرلەرىنىڭ زاڭدى تالابىن ورىنداماۋ) 10 تاۋلىك قاماققا الۋ بەلگىلەنگەن. قورىتىندىسىندا اتىراۋ قالاسىنىڭ 1986 جىلى تۋعان تۇرعىنىنا 45837 تەڭگە مولشەرىندە ايىپپۇل سالىنىپ, 30 تاۋلىككە اكىمشىلىك قاماققا الىندى.
قازىر اتىراۋ وبلىستىق پوليتسيا دەپارتامەنتىنىڭ وزىندىك قاۋىپسىزدىك قىزمەتى «باتىس 25» ەكيپاجىنىڭ قىزمەتكەرلەرىمەن قۇقىق بۇزۋشىنى ۇستاۋ كەزىندەگى زاڭدىلىقتىڭ ساقتالۋىنا قاتىستى قىزمەتتىك تەرگەۋ جۇرگىزۋدى قولعا الدى.
جۇماسات عازيز
