جۇمىلا كوتەرگەن جۇك جەڭىل

قاڭتار ايىنىڭ سوڭىندا ەلباسى نۇرسۇلتان نازارباەۆ ادەتتەگىدەي ءوزىنىڭ جىل سايىنعى قازاقستان حالقىنا جول­داۋىن جاريالادى. 2020 جىلعا دەيىنگى دامۋ ستراتەگياسىن جۇزەگە اسىرۋعا ارنال­عان مەملەكەت باسشىسىنىڭ “جاڭا ون­جىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى جولداۋىن پودپولكوۆنيك قايرات اقتانوۆ پارمەن ەتەتىن ءىىم ىشكى اسكەرلەرىنىڭ 6637 اسكەري ءبولىم باسشىلىعى مەن جەكە قۇرامى دا قىزۋ تالقىعا سالدى. ەلباسىنىڭ جولداۋىن بۇكىل قازاق­ستان­دىقتارمەن بىرگە, ىشكى اسكەرلەردىڭ 6637 اسكەري ءبولىمىنىڭ باسشىلىعى باستا­عان باسقارما وفيتسەرلەرى مەن جەكە قۇرامى تەلەارنادان تىكەلەي ەفير ارقىلى تىڭدادى. باسى قايىرىلعان قىرۋار ءىس سارالانىپ, اتقارىلار جۇمىستار تىلگە تيەك بولعان ەلباسىنىڭ جولداۋىنان ءبولىم قىزمەتكەرلەرى جاڭا ونجىلدىقتا ەلىمىزدىڭ قارىشتاپ دامۋىنا سەبەپشى بولار جاڭا مۇمكىندىكتەرمەن تانىستى. الداعى ونجىلدىقتا اتقارىلار جۇ­مىستىڭ اۋقىمى كەڭ. سوندىقتان دا “كوپ تۇكىرسە كول بولار” دەمەكشى, ەلباسى ءاربىر قازاقستاندىقتى قازاقستاننىڭ دامىپ, گۇلدەنۋى جولىندا, بىرلىگىمىز بەن ىن­تى­ماق­تاستىعىمىزدى نىعايتۋدا بىرگە قي­مىل­داۋعا شاقىردى. ال اسكەريلەر اركەز ەلىمىزدىڭ زاڭدى سايلانعان پرەزيدەنتىنە كومەككە كەلۋگە دايىن. ەڭ باستىسى – ەكونوميكانى جاھان­دان­دىرۋعا دايىنداۋ جانە ونىڭ سىرتقى قاۋىپتەردە دە تۇراقتىلىعىن ارتتىرۋ ماقساتىندا ەلباسى قۇقىقتىق ورتانى قالىپتاستىرۋدى ودان ءارى جالعاستىرۋ ۋاقىت وزدىرماي شەشۋدى تالاپ ەتەتىن ءۇش مىندەتتىڭ ءبىرى ەكەنىن ەرەكشە اتاپ ءوتتى. وسى ورايدا, قۇقىقتىق ءتارتىپ اسكەرى بولىپ سانالاتىن ىشكى اسكەرلەردىڭ سار­دارلارى مەن ساربازدارى ەلباسى جول­داۋىندا ايشىقتالعان ۇلتتىق قاۋىپسىزدىكتى نىعايتىپ, قۇقىق قورعاۋ جۇيەسىن رەفور­مالاۋ باعىتىنداعى جۇمىستاردى ءبىر اۋىزدان قولداپ, وزدەرىنىڭ سۇبەلى ۇلەستەرىن قوسۋعا ساقاداي ساي ەكەنىن ءبىلدىردى. ەلباسى جولداۋى قىزۋ تالقىعا ءتۇسىپ, جەكە قۇرام اراسىندا ونىڭ نەگىزگى باعىت­تارىن ءتۇسىندىرۋ-ناسيحاتتاۋ جۇمىستارى قىزۋ ءجۇرىپ جاتىر. 6637 اسكەري ءبولىمىنىڭ قىزمەتكەرلەرى قازاق ەلىنىڭ “ستراتەگيا – 2020” جوسپارى كوشباسشىلىققا اپارار قازاقستاندىق سارا جول بولىپ تابىلا­تى­نىن سەزىنەدى جانە جاڭا ونجىلدىقتا مەم­لەكەت باسشىسى بەلگىلەگەن جاڭا ءمۇم­كىن­دىكتەر مەن وراسان زور مىندەتتەردى ۇيىس­تىرۋشى ۇلتتىق ستراتەگياسىز ورىن­داۋ مۇمكىن ەمەس ەكەنىن دە جاقسى تۇسىنەدى. وتانعا رياسىز قىزمەت ەتۋگە نىق بەل بۋعان 6637 اسكەري ءبولىمىنىڭ ساردارلارى مەن ساربازدارى, كەزىندە اسكەري انت قابىلداي وتىرىپ, اقتىق دەمى قالعانشا ەگەمەندى قازاق ەلىنە, ونىڭ حالقىنا ادال قىزمەت ەتىپ, ەل پرەزيدەنتى بەلگىلەگەن مىندەتتەردى مۇلتىكسىز ورىنداۋعا مىندەت العان بولاتىن. بۇل جولى دا ءبىزدىڭ اسكەري قىزمەتشىلەرىمىز ەلباسى باستاعان باستامانى قوستاپ, ەلمەن ەتەنە بىرگە ەكەنىن تاعى ءبىر مارتە دالەلدەدى. 6637 اسكەري ءبولىمىنىڭ كومانديرى پود­پول­كوۆنيك قايرات اقتانوۆ ءبولىمنىڭ جەكە قۇرامى قاشاندا ەلىمىزدىڭ پرەزيدەنتىنىڭ ساياساتىن قولدايتىنىن جانە ن.ءا.نازار­باەۆ­تىڭ اتاپ وتكەنىندەي 2030 جىلعا دەيىنگى دامۋ ستراتەگياسىندا ايقىندالعان ماقساتتاردى جۇزەگە اسىرا وتىرىپ, تاۋەل­سىزدىگى بەكەم, ەكونوميكاسى وركەندەگەن, ساياسي تۇراقتىلىعى ورنىققان قازاق­ستان­دى قۇرۋ تۋرالى ميسسيامىزدى تابىستى ورىنداۋدا” نامىستى قولدان بەرمەيتىن قاعيداتتاردى باسشىلىققا الاتىنىن اتاپ ءوتتى. اركەز جەكە قۇراممەن كەزدەسۋ بارىسىندا ءبولىم كومانديرى ەلباسى بىزگە سەنىپ تاپسىرعان باستى ماقسات-مىندەتتەردى ورىنداۋدا “داستۇرگە ادال نامىسكەر, ەل قورعانى – ىشكى اسكەر” دەگەن ىشكى اسكەرلەردىڭ ۇرانىن باسشىلىققا الۋدى قاداپ تاپسىردى. داناگۇل العوجينا, 6637 اسكەري ءبولىمىنىڭ ءباسپاسوز قىزمەتكەرى. سولتۇستىك قازاقستان وبلىسى.