اناسى جانارگۇل نىعمەتوۆانىڭ ايتۋىنشا, ءالفيا «مەلوديا» تەاتر ستۋدياسىندا ۇستازى انيا تساتينياننىڭ جەتەكشىلىگىمەن ۆوكالدان ءدارىس الىپ ءجۇر. «جاس وركەن» كونكۋرسىنا ونىڭ وتكەن جىلعى جەتىستىگى تۋرالى اقپاراتتى جولداپتى. بىلتىر جاس ءانشى التى رەت حالىقارالىق كونكۋرستىڭ جەڭىمپازى ءارى جۇلدەگەرى اتانعان ەدى. سونداي-اق, ەكى مارتە رەسپۋبليكالىق جانە وبلىستىق بايقاۋدىڭ ۇزدىگى دەپ تانىلدى. وتكەن جىلدىڭ سوڭىندا ن.ءجانتورين اتىنداعى وبلىستىق فيلارمونيادا جەكە كونتسەرتىن وتكىزدى.
–قازىر ءالفيا قازىر مامانداندىرىلعان مەكتەپ-ينتەرناتتىڭ 8-سىنىبىندا وقيدى. ۆوكالدان وزگە فورتەپيانو مەن دومبىرادا, قوبىزدا ويناۋدى ۇيرەنىپ الدى. سوڭعى كەزدە شاحمات ويناعاندى دا جاقسى كورەدى. جاقىندا كوزى ناشار كورەتىندەر مەن كورمەيتىن بالالار اراسىندا شاحماتتان وتكەن وبلىستىق سايىستا ءبىرىنشى ورىندى يەلەندى. قازىر توقىما ءىسىن دە جاقسى مەڭگەردى, -دەيدى اناسى جانارگۇل نىعمەتوۆا.
جۇماسات عازيز
اتىراۋ وبلىسى
