15:46
رەسەيدە ءبىر كۇندە تاعى 1 786 ادام ۆيرۋس جۇقتىردى
بۇل - وسىعان دەيىن تىركەلگەن ەڭ كوپ ءبىر كۇندىك كورسەتكىش. رەسەيدە بارلىعى 11 917 ادام كوروناۆيرۋس جۇقتىرعان.
قايتىس بولعاندار سانى 94 ادامعا جەتتى.
795 ادام ساۋىعىپ, اۋرۋحانادان ەمدەلىپ شىقتى.
12:21
يەمەندە العاشقى جاعداي تىركەلدى
يەمەننىڭ حادراماۋت پروۆينتسياسىندا كوروناۆيرۋس جۇقتىرعان العاشقى ادام تىركەلدى.
ەلدىڭ دەنساۋلىق ساقتاۋ وكىلدەرىنىڭ سوزىنە سەنسەك, ناۋقاستىڭ جاعدايى قالىپتى.
ەلدەگى ناشار گۋمانيتارلىق جاعدايدى ەسكەرگەن بىرىككەن ۇلتتار ۇيىمى پاندەميا سالدارى اۋىر بولاتىنىن ەسكەرتكەن ەدى.
جانجال اۋماعىندا تۇرىپ جاتقان حالىقتىڭ دەنساۋلىعى ونسىز دا ناشار, مەديتسينا سالاسىنىڭ دەڭگەيى تومەن, ەلدە اشتىق تا بەلەڭ العان.
سۋرەت: Reuters
10:30
101 جاستاعى اعىلشىن ازاماتى ۆيرۋستان ايىقتى
101 جاستاعى اعىلشىن ازاماتىنىڭ ۆيرۋستى جەڭىپ, ۇيىنە قايتقانى تۋرالى ءسۇيىنشى جاڭالىقتى ەمحانا Facebook پراقشاسىندا جاريالاعان.
انگليانىڭ رەدديتچ قالاسىنداعى الەكساندرا ەمحاناسىندا ول ەكى اپتا بويى ەمدەلگەن.
ەمحانا قارتتىڭ سۋرەتىن جاريالاپ, ونىڭ ساۋىعىپ كەتۋىنە سەپتىگى تيگەن بارلىق قىزمەتكەرلەرگە العىس ءبىلدىردى.
09:48
دۇنيەجۇزى بويىنشا كوروناۆيرۋس جۇقتىرعاندار سانى 1 601 018 ادامعا جەتتى.
ال قايتىس بولعاندار سانى 95 مىڭنان استى.
