– ەڭ الدىمەن, بۇل اعارتۋ جۇمىسى ەكەنىن ايتا كەتۋ كەرەك. بارلىق اسكەري قىزمەتشىلەر كوروناۆيرۋستىڭ قانداي قاۋىپتى جانە ونى جۇقتىرۋدىڭ الدىن الۋ جولدارى قالاي ەكەنىن بىلەدى. سانيتارلىق باقىلاۋ جانە وڭدەۋ شارالارى ارتتىرىلادى. قىزمەتتىك بولمەلەر مەن كازارمالاردى كۇندەلىكتى دەزينفەكتسيالاۋ قالىپتى جاعدايعا اينالدى. بۇگىنگى كۇنى اسكەري بولىمدەردە جەكە تازالىق ءۇشىن دەزينفەكتسيالىق قۇرالدار ءبəرى ءۇشىن قول جەتىمدى. سونداي-اق ءاربىر اسكەري قىزمەتشىنىڭ دەنساۋلىق جاعدايىنا ۇلكەن كوڭىل بولىنەدى. ءبىزدىڭ بارلىق مەديتسينا قىزمەتكەرلەرى جەكە قۇرامنىڭ كوڭىل كۇيىنە ۇزدىكسىز باقىلاۋ جۇرگىزىپ وتىرادى.
– قاشىقتان جۇمىس ىستەۋگە كوشۋ جوسپاردا بار ما؟
– جوق. اسكەري قىزمەتشىلەر قاشىقتان جۇمىس ىستەۋگە كوشپەيدى. ولار كارانتين تۋرالى ايتپاعاندا, ءتىپتى اسكەري ءىس-قيمىلدار جاعدايىندا دا ءوز مىندەتتەرىن ورىنداۋى كەرەك. جاۋىنگەرلىك دايارلىق ەشقانداي جاعدايدا دا نۇقسان كەلمەدى. بىراق بىزدە بۇگىن كوپتەگەن ادامنىڭ جينالۋىنا بايلانىستى جاپپاي ءىس-شارالار توقتاتىلدى. اسكەري قىزمەتشىلەردىڭ ءبىر بولىگى كەستەگە سايكەس دەمالىسقا جىبەرىلدى. جاۋىنگەرلىك دايارلىققا بايلانىستى ەمەس مىندەتتەردى, كەڭسە قىزمەتتەرىن ورىندايتىن ازاماتتىق پەرسونال قاشىقتان, ياعني ۇيدە جۇمىس ىستەيدى. كۇن سايىن اسكەري بولىمدەردەن تىسقارى شىعاتىن كەلىسىمشارت بويىنشا اسكەري قىزمەتشىلەردىڭ جاۋىنگەرلىك دايارلىعى بولىمدە تاۋلىك بويى بولاتىن مەرزىمدى قىزمەت اسكەري قىزمەتشىلەردەن بولەك جۇزەگە اسىرىلادى. مەرزىمدى قىزمەتتەگى اسكەري قىزمەتشىلەردى جانە اسكەري وقۋ ورىندارى كۋرسانتتارىن بوساتۋعا جəنە ولاردىڭ تۋىستارى مەن جاقىندارىنا بارۋعا تىيىم سالىنادى. بىراق ولارمەن قارىم-قاتىناس جاساۋ ءۇشىن سمارتفونداردى پايدالانۋ مۇمكىندىگى كەڭەيتىلدى. اتا-انالار تىنىشتىعى باستى نازاردا بولىپ وتىر.
– باسشىلىق قۇرامنىڭ قاۋىپسىزدىگى ءۇشىن قوسىمشا شارالار قابىلدانا ما؟
– جوق, بارلىق اسكەري قىزمەتشىلەر ءۇشىن كەشەندى ءىس-شارالار شتاتتىق رەجىمدە جۇزەگە اسىرىلادى: دەزينفەكتسيا, سانيتارلىق وڭدەۋ, جەكە تازالىق ەرەجەلەرىن ساقتاۋ بويىنشا ۇسىنىستار دا قاراستىرىلادى. بىراق بارلىق كەڭەستەر تەك سەلەكتورلىق رەجىمدە وتكىزىلەدى. بۇدان باسقا, قورعانىس ءمينيسترىنىڭ ءوزارا الماستىرۋشى باسشىلارى مەن ورىنباسارلارى اراسىنداعى تىكەلەي بايلانىستار الىنىپ تاستالدى. وسىعان ۇقساس ەرەجەلەر قورعانىس مينيسترلىگىنەن جەكە اسكەري بولىمگە دەيىن باسقارۋدىڭ بارلىق دەڭگەيلەرىندە ەنگىزىلدى. بۇل ساقتىق شارالارى مەملەكەتتىك قاجەتتىلىك ماقساتىندا ۇيىمداستىرىلعان قارۋلى كۇشتەردىڭ ۇزدىكسىز جۇمىس ىستەۋىن قامتاماسىز ەتۋگە باعىتتالعان. بۇل جاعدايدا جاۋىنگەرلىك قابىلەتتىلىكتى ساقتاۋ – اسكەري عىلىم مەن تəجىريبەسىنىڭ تالاپتارىنىڭ ءبىرى بولىپ سانالادى. وسى ءىس-ارەكەتتەر الگوريتمى الدىن الا قاراستىرىلعان جانە قازىر ىسكە اسىرىلدى.
اڭگىمەلەسكەن
عابيت ىسكەندەر ۇلى,
«Egemen Qazaqstan»
