ول بيىل اتىراۋ قالاسىنداعى ءا.جانگەلدين اتىنداعى ورتا مەكتەپتى بىتىرگەلى وتىر. جاقىندا ءوزى ويلاپ تاپقان KazMessage قوسىمشاسىن Playmarket-كە ورنالاستىردى. قوسىمشانى ون كۇننىڭ ىشىندە 120 ادام ۇيالى تەلەفونىنا جۇكتەپ العان.
– كazMessage قوسىمشاسىن 55 تىلدە قولدانۋعا بولادى. تۇنگى رەجىمى دە بار. باسقا باعدارلامالاردان ءبىر ەرەكشەلىگى, تەلەفونىڭىزدى جوعالتساڭىز, ارنايى بەلگىلەنگەن 30 سان ارقىلى قوسىمشانى باسقا قۇرىلعىعا جۇكتەپ, كونتاكتىلەردىڭ سمس-حاتتارى مەن سۋرەت, ۆيدەولارىن جۇكتەپ الۋعا بولادى. ءار اداممەن بايلانىسۋعا بولەك اۋەن قويۋعا بولادى. ءبىر توپقا 250 ادامدى تىركەي الاسىز. ونى بارلىق قازاقستاندىق پايدالانعانىن قالايمىن. بىلىكتى ءىت ماماندارى كومەكتەسسە, قوسىمشانى جەتىلدىرىپ, قولدانىس اياسىن كەڭەيتەر ەدىم. بۇل قوسىمشانى ينفورماتيكا پانىنەن عىلىمي جوبامدا تەرەڭىرەك زەرتتەپ ءجۇرمىن, – دەيدى ەلدار قۇرماشەۆ.
جاڭالىققا قۇمار وقۋشى جاڭا قوسىمشانى App Store, Windows باعدارلامالارىنا قولدانۋ نۇسقاسىن ىزدەستىرۋدە. بىراق, وسى جوبا ارقىلى پايدا تابۋدى كوزدەمەپتى. بەسىنشى سىنىپتان بەرى ءىت سالاسىنا قىزىعىپ, باستاپقىدا بۇزىلعان كومپيۋتەر قۇرىلعىلارىن جوندەپتى. كەيىن ينتەرنەت-دۇكەندەر اشقان.
– مەنىڭ ماقساتىم – قازاقستاندىق برەند قالىپتاستىرۋ. قازاق جاستارىنىڭ وسىنداي جاڭاشىل باعدارلامالاردى ويلاپ تابا الاتىنىن دالەلدەگىم كەلدى. بولاشاقتا قوسىمشانىڭ ارنايى سايتىن اشىپ, اۆتورلىق قۇقىق الۋدى ويلاستىرىپ ءجۇرمىن, – دەيدى ول.
جولداسبەك كوشەرباي ۇلى
اتىراۋ وبلىسى
