جوبانى جۇزەگە اسىرۋ ءۇشىن Asia Steel Pipe Corporation قازاقستان-قىتاي بىرلەسكەن كاسىپورنى قۇرىلدى. ينۆەستيتسيانىڭ جالپى سوماسى 33 ملرد تەڭگەدەن اسادى. اتالعان جوبا 2015-2019 جىلدارعا ارنالعان رەسپۋبليكالىق يندۋستريالاندىرۋ كارتاسىنا ەنگىزىلگەن. سونداي-اق ء«بىر بەلدەۋ, ءبىر جول» باعدارلاماسى اياسىندا قىتاي مەن قازاقستان اراسىنداعى نەگىزگى جوبالار تىزىمىنە كىرەدى.
ايتا كەتۋ كەرەك, قۇبىر زاۋىتى ورنالاساتىن جەر رەتىندە الماتى قالاسى لوگيستيكا جانە بولات ورامىنىڭ نەگىزگى جەتكىزۋشىسى – باتىس قىتايداعى مەتاللۋرگيالىق زاۋىتتارعا جاقىن بولۋ ءۇشىن تاڭداپ الىنعان.
وتاندىق زاۋىت جىل سايىن 100 مىڭ تونناعا دەيىن جوعارى ساپالى قۇبىر ونىمدەرىن شىعارادى دەپ جوسپارلانۋدا. الداعى ۋاقىتتا ءوندىرىستى 150 مىڭ تونناعا دەيىن كەڭەيتۋ كوزدەلىپ وتىر. ءبىرىنشى جەلى سپيرالدى قۇبىرلار شىعارادى. كەيىن ۇلكەن ديامەترلى تىك جىكتى قۇبىرلار جەلىسىن ىسكە قوسۋ كوزدەلگەن.
زاۋىتتا ديامەترى 355 مم-دەن 1420 مم-گە دەيىن, ۇزىندىعى 8 م-دەن 12,5 م-گە دەيىن قۇبىر ونىمدەرىن شىعارۋ كوزدەلگەن. قۇبىرلاردى ءوندىرۋ كەزىندە بەرىكتىگى جوعارى X80, ح100 ساناتىنداعى بولات قولدانىلادى. ال قۇبىر قابىرعالارىنىڭ قالىڭدىعى 6,4 مم-دەن 25,4 مم-گە دەيىن بولادى. بۇل دانەكەرلەنەتىن قۇبىرلار مۇنايدى, گازدى, سۋدى جانە مۇناي ونىمدەرىن تاسىمالداۋعا, سونداي-اق تاۋ-كەن, قۇرىلىس, حيميالىق ونەركاسىپ, ەنەرگەتيكا سالالارىندا پايدالانۋعا ارنالعان. وسىلايشا جاڭا زاۋىت ىشكى نارىق پەن تاياۋ شەت ەلدەردى ساپالى قۇبىر ونىمدەرىمەن قامتاماسىز ەتۋگە مۇمكىندىك بەرەدى. سونىمەن قاتار كاسىپورىندا 300-دەن استام تۇراقتى جۇمىس ورنى قۇرىلادى.
دانەكەرلەنگەن بولات قۇبىرلارىن شىعاراتىن زاۋىت جوباسىن جۇزەگە اسىرۋ تۇڭعىش پرەزيدەنت – ەلباسى نۇرسۇلتان نازارباەۆ پەن قحر توراعاسى سي ءتسزينپيننىڭ 2014 جىلعى كەزدەسۋىنىڭ قورىتىندىسى بويىنشا ىسكە اسىرىلدى. سول كەزدەسۋدە «قازمۇنايگاز» ۇك» اق مەن CNPC اراسىندا مۇناي-گاز سالاسىنداعى كەشەندى ستراتەگيالىق ىنتىماقتاستىق باعدارلاماسىنا قول قويىلعان-دى.
