كوروناۆيرۋس • 08 ءساۋىر، 2020

كوروناۆيرۋس: دەنساۋلىق ساقتاۋ مينيسترلىگى WhatsApp-تا رەسمي چات-بوتتى ىسكە قوستى

95 رەتكورسەتىلدى

بۇگىن دەنساۋلىق ساقتاۋ مينيسترلىگىنىڭ تسيفرلاندىرۋ كەڭسەسى كوروناۆيرۋس (COVID-19) جايلى حالىقتى اقپاراتتاندىرۋ ءۇشىن WhatsApp جەلىسىندە رەسمي چات-بوتتى ىسكە قوستى. وندا كوروناۆيرۋسقا قاتىستى وزەكتى ءارى شىنايى اقپارات تەگىن ۇسىنىلادى.

WhatsApp-تاعى رەسمي ارنا ارقىلى ەل تۇرعىندارى اپتاسىنا 7 كۇن، تاۋلىگىنە 24 ساعات كورونوۆيرۋس جايلى ءجيى قويىلاتىن سۇراقتارعا جاۋاپ الا الادى. 

دەنساۋلىق ساقتاۋ مينيسترلىگىنىڭ WhatsApp چات-بوتىن قولدانۋ ءۇشىن:

  1. +7 705 812 69 67 ءنومىرىن تەلەفونىڭىزعا ساقتاڭىز نەمەسە https://wa.me/77058126967 سىلتەمەسىنە ءوتىڭىز;
  2. اقپارات الۋ ءۇشىن WhatsApp-تا اتالعان نومىرگە كەز-كەلگەن ءماتىندى حابارلاما جىبەرىڭىز;

سونىمەن قاتار رەسمي ءنومىر قر دەنساۋلىق ساقتاۋ مينيسترلىگىنىڭ سايتىندا www.dsm.gov.kz جاريالانادى.

WhatsApp-تىڭ باس وپەراتسيالىق ديرەكتورى مەتت يدەمانىڭ ايتۋىنشا، وسى قيىن كۇندەردە ادامدار جاقىندارىمەن، دوستارىمەن بايلانىسىپ، قولداۋ كورسەتۋ ءۇشىن WhatsApp-تى ادەتتەگىدەن كوبىرەك قولدانۋدا.

ء«بىز قازاقستاننىڭ دەنساۋلىق ساقتاۋ مينيسترلىگىنە بايلانىستىڭ جاڭا ءتاسىلىن ۇسىنا العانىمىزعا قۋانىشتىمىز. جاڭا جۇيە ازاماتتاردىڭ ساۋالدارىنا تەز جاۋاپ بەرىپ، جالپىعا ورتاق قاۋىپسىزدىكتى قامتاماسىز ەتۋگە مۇمكىندىك بەرەدى»، دەيدى ول.

رەسمي چات-بوت WhatsApp Business API-ءدىڭ رەسمي سەرۆيس-پروۆايدەرى Infobip كومپانياسىمەن بىرلەسىپ دايىندالدى. Infobip بايلانىس پلاتفورماسىن ۇسىندى، ال كومپانيا قىزمەتكەرلەرى قىسقا مەرزىم ىشىندە چات-بوتتى ازىرلەپ، ىسكە قوسۋعا قولداۋ كورسەتتى.

«بۇگىندە جاۋاپكەرشىلىگى بار كەز-كەلگەن بيزنەس قولدا بار مۇمكىندىك پەن يننوۆاتسيانى COVID-19 پاندەمياسىنا قارسى قولدانۋ تۋرالى ويلانۋ كەرەك. قولدانۋشىلارعا ىڭعايلى ارنالار ارقىلى اقپاراتقا قولجەتىمدىلىكتى ۇيىمداستىرۋ مەكەمەلەر ءۇشىن نەگىزگى قاجەتتىلىكتىڭ ءبىرى. اعىمداعى جاعدايدا ورتاق قاۋىپسىزدىكتى قامتاماسىز ەتۋ ماڭىزدى مىندەتكە اينالىپ وتىر»، دەيدى Infobip كومپانياسىنىڭ ورتالىق ازياداعى ايماقتىق ديرەكتورى يسكاندەر قالىبەكوۆ.

الەمنىڭ بىرقاتار دەنساۋلىق ساقتاۋ مينيسترلىكتەرى حالىقتى كوروناۆيرۋس تۋرالى اقپاراتتاندىرۋ ءۇشىن WhatsApp ارناسىن قولدانادى. دۇنيەجۇزىلىك دەنساۋلىق ساقتاۋ ۇيىمى، سينگاپۋر ۇكىمەتى، يزرايل مەن وڭتۇستىك افريكانىڭ دەنساۋلىق ساقتاۋ مينيسترلىكتەرى، يندونەزيانىڭ اقپارات جانە كوممۋنيكاتسيالار مينيسترلىگى سونىڭ قاتارىندا.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار