بۇل – ادام جانىنىڭ نازىكتىگىن كورسەتەتىن شاق, سونىمەن قاتار حالىقتىڭ دەنساۋلىعى مەن امان-ساۋلىعىن العاشقى ورىنعا قويىپ, ءار ادام ءومىرىنىڭ قۇندىلىعىن باعالاۋمەن ۇكىمەتىمىز بەن دەنساۋلىق ساقتاۋ مينيسترلىگىنىڭ قابىلداپ وتىرعان اسا قاجەتتى جانە ءتيىمدى امال-تاسىلدەرى. وسى قىسىلتاياڭ شاقتا مەملەكەتىمىزدىڭ بارشا كۇش-جىگەرى حالىقتىڭ دەنساۋلىعىن ساقتاۋعا باعىتتالىپ وتىرعانىن دەنساۋلىق ساقتاۋ سالاسىنىڭ ارداگەرى رەتىندە وتە جاقسى تۇسىنەمىن جانە جوعارى باعالايمىن.
بۇگىندە ەلىمىزدىڭ دارىگەرلەر قاۋىمىنىڭ وكىلدەرى وزدەرىنىڭ «دەنساۋلىق ساقتاۋ ساقشىلارى» اتاعىنا لايىقتىعىن كورسەتىپ, الدىڭعى شەپتە – اۋرۋحانالاردا كۇندىز-ءتۇنى جانقيارلىقپەن ەڭبەك ەتۋدە. وسى ازاماتتار مەن ازاماتشالاردىڭ بەيبىت كۇندە كورسەتىپ وتىرعان ەرلىگى حالىقتىڭ شىنايى العىسىن يەلەنۋىمەن قاتار مەملەكەت تاراپىنان دا لايىقتى باعاسىن الاتىنى ءسوزسىز.
بۇگىندە حالىقتىڭ باسىم كوپشىلىگى كۇندەلىكتى ەڭبەكتەن قول ۇزۋگە ءماجبۇر بولىپ وتىرعان سىن ساعاتىندا ۇكىمەت مۇقتاج جاندارعا جاردەماقى تاعايىنداپ, ءتۇرلى تولەمدەردىڭ مەرزىمىن ۇزارتىپ, ت.ب. اسا قاجەتتى قولداۋ شارالارىن قابىلداۋدا. ەلىمىزدە باستالعان ء«بىز بىرگەمىز!» ۇندەۋىنە ىسكەر ازاماتتار, كاسىپورىندار مەن مەكەمەلەر, ءتۇرلى جەكە ۇيىمدار قوسىلىپ, ارنايى قورعا قارجى اۋدارۋ ارقىلى نەمەسە حالىققا ازىق-ت ۇلىك, قاجەتتى زاتتار تۇرىندەگى جاردەمىن كورسەتۋدە. قوعامىمىز وسى ىنتىماقتى باعىتىنان تانباي, ۇرەيگە جول بەرمەۋى قاجەت. ءار وتباسىندا جەكە باستىڭ تازالىعى مەن قاۋىپسىزدىگىنىڭ ەرەجەلەرى مۇلتىكسىز ورىندالۋعا ءتيىس. اسىرەسە ەگدە جاستاعى قاريالارعا بۇل كۇندە قامقورلىق ەسەلەنە تۇسكەنى ءجون. سەبەبى ولار قازىر باستى قاۋىپ توبىندا. قارتتارعا جاقسىلىق جاساپ, قامقورلىققا بولەۋ ءبىزدىڭ حالقىمىزدىڭ تابيعاتىنا ءتان قاسيەت ەكەنى بۇرىننان بەلگىلى عوي. بالالاردىڭ تاربيەسىنە, قاريالاردىڭ دەنساۋلىعىنا, كوڭىل كۇيىنە باسىم كوڭىل ءبولۋ ارقىلى قازىرگى بوس ۋاقىتتى وتباسىنىڭ ۇيىتقىسى رەتىندە ۇتىمدى جاعىنا قاراي پايدالانا بىلگەن ءجون.
ەلدىڭ باسىنا تونگەن ءتۇرلى قاتەرلى زاۋالداردا حالقىمىز ء اردايىم بىرلىك-بەرەكەسى, كەڭ پەيىلى ارقىلى جەڭىسكە جەتىپ وتىرعانى ايقىن. بۇل جولى دا وسىلاي بولارىنا سەنىم ارتامىن. لايىم, ەلىمىز امان بولسىن!
تورەگەلدى شارمانوۆ,
اكادەميك
