قوعام • 08 ءساۋىر، 2020

«قازپوشتا» قاشىقتان قىزمەت كورسەتەدى

28 رەتكورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتى الاڭىندا «قازپوشتا» اق فيليالدارىندا زەينەتاقىلار مەن جاردەماقىلاردىڭ بەرىلۋ ماسەلەسى بويىنشا ءباسپاسوز ءماس­ليحاتى ءوتتى. «قازپوشتا» اق باسقارما توراعاسى ساكەن سار­سەنوۆ توتەنشە جاعداي مەن كارانتين رەجىمى باستالعالى، پوشتا جانە قارجىلىق قىزمەتتەر ۇسىنۋ توقتاماعانىن حابارلادى.

«ارينە توتەنشە جاعداي پوش­تا بولىمشەلەرىنىڭ جۇمىس كەس­تەسىنە وزگەرىستەر ەنگىزدى. قازىر نۇر-سۇلتاندا 34 بولىمشەنىڭ 10-ى، ال الماتىدا 91 بولىمشەنىڭ 30-ى ىستەپ تۇر. جۇمىس ۋاقىتى دا ساعات 10-نان 16.00-گە دەيىن قىس­قاردى. الماتى، سولتۇستىك قا­زاقستان وبلىستارىندا جا­نە قاراعاندى قالاسىندا بولىم­شەلەردىڭ جۇمىس ۋاقىتى 16.00-گە دەيىن، قالعان ايماقتاردا 17.00-گە دەيىن قىسقاردى. كوپتەگەن ايماقتا جەرگىلىكتى بيلىكتىڭ سۇراۋىمەن بولىمشەلەر دەمالىس كۇندەرى دە تۇرعىندارعا قىزمەت كورسەتۋدە. نەگىزى، بارلىق بولىمشەنىڭ جۇمىس كەستەسى سايتتا جاڭارتىلىپ تۇرادى. «قازپوشتا» قىزمەتكەرلەرى مەن كليەنتتەرىنىڭ دەنساۋلىعىن ساقتاۋ ءۇشىن شارالار قولدانىلۋدا. پوشتا بولىمشەلەرىنىڭ باسشىلارى قىزمەتكەرلەردىڭ ءال-اۋقاتىن باقىلايدى. بارلىق بولىمشەدە ىلعالدى تازالاۋ جانە دەزينفەكتسيالاۋ ۇنەمى جۇرگىزىلەدى. قىزمەتكەرلەرگە ماسكالار مەن سانيتارلىق تازارتقىشتار بەرىلەدى، بولىمشەدە قىزمەت الا الاتىن ادامدار سانى شەكتەۋلى، بايلانىسسىز قىزمەت كورسەتۋ ورىندارى انىقتالعان، قاشىقتىق بەلگىلەرى سىزىلعان»، دەدى ول.

سونىمەن قاتار س.سارسەنوۆ كليەنتتەردەن اسا قاجەتتىلىك تۋما­عان جاعدايدا پوشتا بولىم­شە­لەرىنە بارۋدان باس تارتىپ، قاشىقتان قىزمەت كورسەتۋدى قولدانۋعا بولاتىنىن مالىمدەدى.

ء«بىزدىڭ سايت جانە ءموبيلدى قوسىمشامىز ارقىلى سالەم­دە­مەلەردى ۇيگە جەتكىزۋگە، كۋرەردى شاقىرىپ، زاتىڭىزدى الىپ كەتۋگە تاپسىرىس بەرۋگە بولادى. سونىمەن قاتار كوممۋنالدىق نەمەسە باسقا دا تولەمدەردى تولەۋگە، مەملەكەتتىك ورگاندارمەن حات الماسۋعا، گازەت-جۋرنالدارعا جازىلۋعا بولادى. ەلدەگى جاعدايعا قاراماستان، بارلىق پوشتاشىلار مەن كۋرەرلەر پوش­تا، حاتتار، گازەتتەردى شتاتتىق رەجىمدە جەتكىزۋدە. قىزمەتكەرلەر كۇن سايىن مار­شرۋت­تار بويىنشا سىزدەرگە قىز­مەت كورسەتەدى. سون­دىقتان ولاردىڭ ەڭبەكتەرىنە قۇر­مەتپەن قاراۋلارىڭىزدى، قاۋىپسىز قارىم-قاتىناس ەرەجەلەرىن ساقتاۋ­لارىڭىزدى سۇرايمىن. قولاي­سىز ەپيدەميالىق جاع­داي كەزىندە «قازپوشتا» قازاق­ستاندىقتاردىڭ ۇيدەن شىق­پاي قىزمەت الۋى ءۇشىن بارلى­عىن جاسايدى. زەينەتاقى مەن جار­دەماقى تولەۋ جونىندەگى جۇمى­سىمىز تۋرالى ايتىپ وتكىم كەلەدى. ءبىز بۇرىنعىداي زەينەت­اقى مەن جاردەماقىلاردى 80 جاس­تان اسقان زەينەتكەرلەرگە جانە ازاماتتاردىڭ ەرەكشە سانا­تىنا ۇيلەرىنە دەيىن جەتكى­زىپ بەرەمىز. ەندى قازىر قوزعا­لىس­تىڭ شەكتەلۋىنە بايلانىس­تى، بارلىق زەينەتكەرگە ءساۋىر ايىنىڭ زەينەتاقىلارىن ۇيلەرىنە جەت­كىزۋدەمىز. قالاعاندارىنا تولەم كار­تاسىن اشىپ، اقشالارىن سول كارتاعا اۋدارىپ، كارتالارىن ۇيلەرىنە جەتكىزىپ بەرىپ جا­تىرمىز. ەڭبەك جانە حالىق­تى الەۋمەتتىك قورعاۋ مينيستر­لىگىمەن بىرگە 1-15 ءساۋىر ارالى­عىندا زەينەتاقىنى ۇيگە جەتكىزۋ كەستەسىن بەكىتتىك. سول كەستە بويىنشا بۇگىندە 389 572 زەينەتكەردىڭ ۇيىنە زەينەتاقىلارىن جەتكىزىپ، 6 مىڭعا جۋىق زەينەتكەردى تو­لەم كارتالارىنا كوشىردىك. زەي­نەتكەرلەردىڭ ىشىندە كارانتين بىتكەن سوڭ زەينەتاقىلارىن بولىم­شەگە كەلىپ العىلارى كەلە­تىندەر دە بار. ءبىز ولارمەن ۇنەمى بايلانىستا بولامىز. سونداي-اق مەكەنجايىن نەمەسە تەلەفون نومىرلەرىن وزگەرتكەندەر بار، بىزگە حابارلاسىپ، ءوتىنىشىن قال­دى­رۋلارىن سۇرايمىز»، دەدى س.سارسەنوۆ.

قازىر مەملەكەت باسشىسىنىڭ تاپسىرماسىمەن تابىسسىز قالعان ازاماتتارعا اي سايىن 42 500 تەڭگە كولەمىندە الەۋمەتتىك كومەك اۋدارىلا باستادى. ونى الۋ ءۇشىن ءوزىن-ءوزى جۇمىسپەن قامتىعان ادامدار ارنايى شوت اشىپ بىرىڭعاي تولەمدى تولەۋلەرى كەرەك. وسىعان بايلانىستى، «قازپوشتانىڭ» بارلىق بولىمشەسىندە، سونىڭ ىشىندە اۋىلدىق جەرلەردە، ەكسپرەسس-كارتالار مەن اعىمداعى شو­ت­تاردى اشىپ، تولەمدەر قا­بىلداپ جاتىر.

«ۇلتتىق بانكتىڭ ءتۇسىندىرۋى بويىنشا، وسى جاردەماقىنى الۋ ءۇشىن ارنايى شوت اشۋدىڭ قاجەتى جوق. بۇل جاردەماقىنى بانك، سالىق ورگاندارى، سوت ات­قا­رۋشىلارىنىڭ الۋعا قۇقىقتارى جوق. كەز كەلگەن بانكتىڭ نەمەسە «قازپوشتانىڭ» ادەتتەگى كارت-شوتتارىن پايدالانۋعا بولادى. سوڭعى 6 كۇندە 237 مىڭعا جۋىق كليەنتكە قىزمەت كورسەتتىك. 2020 جىلدىڭ 7 ساۋىرىندە 126 204 شوت اشىلدى، 163 129 ادامنان بجت (بىرىڭعاي جيىنتىق تولەم)تولەمى قابىلداندى. بجت ونلاين تولەۋ مۇمكىندىگى تۋرالى بارلىق نۇسقاۋلار «قاز­پوشتانىڭ» الەۋمەتتىك جەلى­لەر­دەگى پاراقشالارىندا جانە سايتتا ورنالاستىرىلعان. سىزگە ىڭعايلى بولۋ ءۇشىن ءبىز قازىرگى ۋاقىتتا post.kz سايتىندا شوتتى ونلاين اشىپ، ۆيرتۋالدى كار­تا شىعارۋ قىزمەتىن ىسكە قوسۋ مۇم­كىندىگىن قاراستىرۋدامىز. قىز­مەتتىڭ ىسكە قوسىلۋى تۋرالى قوسىمشا حابارلايمىز. ەگەر «قازپوشتا» بولىمشەسىنە كەل­سەڭىز، ءسىزدى قاۋىپسىز قىزمەت الۋ ەرەجەلەرىن، اتاپ ايتقاندا، بولىم­شەگە ماسكامەن بارۋ جانە ەڭ باستىسى، قاشىقتىقتى ساقتاۋ­عا شاقىرامىز. ءوزىڭىزدى، جاقىن­دارىڭىزدى جانە ءبىزدىڭ قىزمەت­كەرلەرىمىزدى ۆيرۋستى جۇقتىرۋدان ساقتاڭىز»، دەدى «قازپوشتا» اق باسقارما توراعاسى.

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار