مەديتسينا • 08 ءساۋىر، 2020

مەديتسينا قىزمەتكەرلەرىنە سىياقى بەرىلە باستادى

266 رەتكورسەتىلدى

كوروناۆيرۋس ىندەتىمەن ءوز ومىرلەرىن قاتەرگە تىگىپ، كۇن-ءتۇن دەمەي كۇرەسىپ جۇرگەن دارىگەرلەر قاۋىمىنا دەمەۋ قاجەت قازىرگى ۋاقىتتا. مۇنى قاراعاندى وبلىسىنىڭ باسشىلىعى جاقسى سەزىنەدى جانە ناقتى ىستەرگە قادام جاساپ وتىر.

مىسالى، وبلىستا دارىگەرلەر ءۇشىن قورعانىش كوستيۋمدەرىن، ماسكالار مەن مەديتسينالىق قولعاپتاردى ساتىپ الۋ جالعاسۋدا. رەسپۋبليكالىق بيۋدجەتتەن كوروناۆيرۋسقا قارسى كۇرەسكە اتسالىساتىن اق جەلەڭدى ابزال جاندارعا قوسىمشا قاراجات ءبولىنىپ، بۇگىندە قاراعاندى وبلىسىندا 1677 دارىگەر مەن مەدبيكە ءبىر ەڭبەكاقى كولەمىندە سىياقى الدى. بۇل يگى ءىس الداعى ۋاقىتتا دا جالعاسىن تابادى.

بۇل تۋرالى وبلىستاعى ەپي­دە­ميولو­گيالىق جاعداي جونىندەگى سە­لەك­تور­لىق رەجىمدە وتكەن اپپاراتتىق كەڭەس­تە ءمالىم بولدى. جيىندا وبلىس اكىمى جەڭىس قاسىمبەك 30 ناۋرىزدان باس­تاپ ءوڭىردىڭ بەس قالاسىندا جەكە شەكتەۋ شارالارى قاراستىرىلعان كارانتين ەنگىزىلگەنىن حابارلادى.

– قاراعاندى، تەمىرتاۋ، اباي، ساران جانە شاحتينسك قالالارىنىڭ اۋماعىندا وسى ەلدى مەكەندەر حالقىنىڭ ءومىرى مەن قىزمەتى ءۇشىن ەرەكشە جاعدايلار قاراستىرىلعان كاران­تين رەجىمى ەنگى­­زىل­دى. ياعني جوعا­رىدا اتالعان قالالار بىرىڭعاي كاران­تين­دىك ايماق بولىپ سانالادى. بۇل قالا­لار­دىڭ تۇرعىندارى كامەلەتكە تولماعان بالالاردىڭ ءوز بەتىنشە ءجۇرىپ-تۇرۋىنا تىيىم سالۋ سياقتى شەكتەۋ شارالارىن ساقتاۋى قاجەت: 65 جاستان اسقان ادام­دارعا دالاعا شىقپاۋ، ال جۇمىس بەرۋ­شىلەرگە جۇمىس كۇنىن ەكى ساعاتقا قىس­قار­تۋ ۇسىنىلدى، – دەدى وبلىس اكىمى.

الداعى ۋاقىتتا وبلىسقا 300 مىڭ بايلانىسسىز تەرمومەتر جەتكىزىلمەك. سونداي-اق «كومەك-2020» وبلىستىق قو­عام­دىق قورىنىڭ قاراجاتى ەسەبىنەن 20 مىڭ رەسپيراتور ساتىپ الىنادى.

دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ وبلىسقا 100 مىڭ ەكسپرەسس-تەست اكەلىنگەنىن، جا­قىن ارادا وبلىس ەمحانالارىندا كوروناۆيرۋستى انىقتاۋ ماقساتىندا جەدەل تەستىلەۋ باستالاتىنىن ايتتى. «تەستىلەۋ كلينيكالىق بەلگىلەر باي­قال­­عان جاعدايدا عانا جۇرگىزىلىپ، تەگىن جۇ­زە­گە اسىرىلادى»، دەپ اتاپ ءوتتى ول. بۇدان بولەك، رەسەيدەن 56 اسپالى بۇرىككىشتەر ساتىپ الىنعان، قالعان 170-ءى تاياۋ ارادا جەت­كىزىلەتىن كورىنەدى.

ەستەرىڭىزدە بولسا، قاراعاندىدا كوروناۆيرۋس ينفەكتسياسىن جۇقتىرعان جەتى ادام ەمدەلىپ جاتىر. دارىگەرلەردىڭ ايت­قانىنا سەنسەك، قازىرگى ۋاقىتتا ولار­دىڭ جاع­دايىن قاناعاتتانارلىق دەپ باعا­لاۋ­عا بولادى.

جالپى، وبلىستا بارلىعى 592 ادام تاۋلىك بويى دارىگەرلەردىڭ باقىلاۋىنا الىن­عان، تاعى 514 ادام ۇيلەرىندە وقشاۋ­لانعان.

 

قاراعاندى وبلىسى

 

سوڭعى جاڭالىقتار

ۇقساس جاڭالىقتار