رۋحانيات • 08 ءساۋىر، 2020

ەلىن ورگە سۇيرەيتىندەر

18 رەتكورسەتىلدى

جەتىسۋ جاستارىنان قۇرالعان ۆولونتەرلەر توبى دا توتەنشە جاعدايدا جۇمىس ىستەۋگە كوشكەن بولاتىن. قازىر وبلىستاعى 17 اۋدان مەن 3 قالادا قايىرىمدىلىق شارالارى توقتاۋسىز ءجۇرىپ جاتىر. جاستار بۇگىنگە دەيىن مىڭنان استام ارنايى اكتسيا ۇيىمداستىرىپ ۇلگەرگەن.

ۆولونتەرلەر نەگىزىنەن ەلدى مەكەندەگى عيما­راتتتار مەن ادام كوپ جۇرەتىن كوشەلەردى دەزينفەكتسيا جاساۋعا قولۇشىن بەرىپ، مۇق­تاج وتباسىلارعا ازىق-ت ۇلىك تاسىمالداۋ، مەدي­تسينا­لىق انتيسەپتيك، جەكە گيگيەنالىق زاتتار جانە بەتپەردەمەن قامتاماسىز ەتۋمەن دە اينا­لىسۋدا. سون­داي-اق «مەيىرىمدى جەتىسۋ» ۆولون­تەرلەردىڭ فرونت-كەڭسەسىندە تاۋلىك بويى جۇمىس ىستەيتىن جەدەل جەلى ىسكە قوسىلعان. تۇر­عىندار ورتالىققا الەۋمەتتىك جەلى جانە تەلەفون ارقى­لى ءوز ءوتىنىشىن ايتىپ، كومەك سۇراي الادى. مىسالى، ءبىر كۇن ىشىندە 117 ادام فرونت-كەڭ­سەنىڭ الەۋمەتتىك جەلىدەگى پاراقشاسى ارقى­لى كو­مەك سۇراسا، 78 ادام جەدەل جەلىگە قوڭىراۋ سوققان ەكەن.

اسىرەسە اۋداندارداعى ەرىكتى جاستاردىڭ ەڭبەگى جانىپ تۇر. توتەنشە جاعداي كەزىندە كومەككە مۇقتاج ادامدارعا قولۇشىن سوزۋدى پارىز ساناعان جاستار كۇن سايىن جاقسىلىق جاساۋعا تىرىسىپ جاتىر. سولاردىڭ قاتارىندا ەڭبەكشىقازاق اۋدانىنىڭ ۆولونتەرلەرى دە بار. قازىر وڭىردە ء«بىز بىرگەمىز!» اكتسياسى ايا­سىندا قايىرىمدىلىق شاراسى باستاۋ ال­عان. ەرىكتى جاستار كوپ بالالى، جالعىزباستى جا­نە تۇرمىسى تومەن وتباسىلاردى قاجەتتى ازىق-ت ۇلىكپەن، مەديتسينالىق بەتپەردەمەن قامتاماسىز ەتۋگە جۇمىلۋدا. اكتسيا باستالعالى بەرى ەڭبەكشىقازاقتىق ۆولونتەرلەر 71 وتباسىنا كومەك جەتكىزىپ، جالپى قۇنى 1 ملن تەڭگەدەن استام قاجەتتى زاتتار مەن ازىق-ت ۇلىك تابىستاعان.

– ء«بىز بىرگەمىز!» اكتسياسىنا اۋدان جاستارى بەلسەنە قاتىسۋدا. اسىرەسە قانات تەڭگەباي ۇلى باستاعان «يماندى جاستار» جانە دانيار ءنۇسىپ­جان ۇلى جەتەكشىلىك ەتەتىن «جاقسىلىقتا جا­رىسايىق» ۆولونتەرلەر توبى جاقسىلىق جاساۋعا ىنتالى. ولار ءۇيدى-ۇيگە ازىق-ت ۇلىك، گيگيەنالىق زاتتار جەتكىزىپ بەرۋمەن قاتار مۇقتاج جاندارعا قارجىلاي دا كومەكتەسۋدە. جاقىندا ۆولونتەرلەر اۋداندىق جاستار رەسۋرس­تىق ورتالىعىمەن بىرلەسىپ ۇزاقبەرگەن ەرلان اتتى بالدىرعاننىڭ ەمىنە قاجەتتى 500 مىڭ تەڭگە قاراجات جيناپ بەردى، – دەيدى ەڭبەكشىقازاق اۋداندىق جاستار رەسۋرستىق ورتالىعىنىڭ جەتەك­شىسى ايبەك ىلەباەۆ.

كەگەن اۋدانىندا دا ۆولونتەرلەردىڭ «جەر­ۇيىق كەگەن جاستارى» اتتى قوعامدىق ۇيىمى بار. قۇرىلعاندارىنا كوپ ۋاقىت بولماسا دا قور اۋدانداعى ىزگى شارالاردان قالماي، قايىرىم جاساۋعا بەت بۇرعان. جاقىندا ۇيىمنىڭ قۇ­رىل­عانىنا ءبىر جىل تولۋىنا وراي جاستار باستاما كوتەرىپ، مۇقتاج وتباسىنا تۇرعىن ءۇي ساتىپ اپە­رىپتى. جالپى، مۇنداي يگى قادام جەتى­سۋدىڭ بارلىق اۋدانىندا جاسالىپ جاتىر. بىراق كەگەن جاستارىنىڭ بۇل قادامى ايتۋعا تۇرارلىق. ولار اۋداننان كوشىپ كەتكەن، قازىر قالا ماڭىندا تۇراتىن جەرلەستەرىن ىزدەپ، تاۋىپ، الەۋمەتتىك جاعىنان از قامتىلعان اۋلەتتەر مەن كوپ بالالى وتباسىلارعا دا كومەكتەسۋدى باستاپتى. مىسالى، وتكەندە باسپانا سىيلاعان وتباسى بۇعان دەيىن اۋدانداعى تاساشى اۋىلىندا تۇرعان ەكەن. قازىر الماتى قالاسىنا جاقىن تالعار اۋدانىنىڭ بەساعاش اۋىلىنا قونىس اۋدارعان. جەرلەستەرىنىڭ جاقسىلىعىن كورگەن ازامات 5 قىز، 1 ۇلدى ءوزى تاربيەلەپ وتىر. وتاناسى دۇنيە سالعاسىن بالالارىنا جەتىمدىك زارىن تارتقىزباۋ ءۇشىن تىربانىپ كەلەدى. قالا ماڭىنا دا سول ءۇشىن كوشىپ كەلىپتى. پاتەر جالداپ كۇنەلتىپ وتىرعان. «جەرۇيىق كەگەن جاستارى» قورىنىڭ قايىرىمى ول ءۇشىن كۇتپەگەن ءىس ەدى. قۋانىشتىسى، ازاماتتىڭ ۇل-قى­زى بەساعاشتاعى جىلى دا جارىق ۇيدە وسەتىن بولدى. ەندى ولاردىڭ ورتالىق سۋ جەلىسى مەن كوگىلدىر وتىنعا قوسىلعان 4 بولمەلى باسپاناسى بار.

سونداي-اق ىلە اۋدانىنىڭ ۆولونتەرلەرى ىسكەر ازاماتپەن بىرىگىپ ء«بىز بىرگەمىز!» اكتسيا­سى اياسىندا اۋىلدارعا كومەك قولىن سوزۋدا. قايى­­رىمدىلىق شاراسىنا العاشقى بولىپ ءۇن قاتقان «اركاز ينۆەست» جاۋاپكەرشىلىگى شەك­تەۋلى سەرىكتەستىگى 3 مىڭ وتباسىنا ازىق-ت ۇلىك سالىن­عان قوراپ تابىستادى. ازىق-ت ۇلىك جەتكىزۋ اۋدان ورتالىعىنداعى ەنەرگەتيك وكرۋگىنەن باس­تالىپ، بايسەركە، جەتىگەن، قاراوي، اششىبۇلاق، مەج­دۋرەچەنسك، كازتسيك، چاپاي، كۇرتى، بورالداي وكرۋگ­تەرىندە جالعاستى. قاجەتتى ازىق-ت ۇلىك اۋىل­­داردا تۇراتىن مۇقتاج وتباسىلارعا تاراتىلۋدا. زات­تاردى تاسىپ، جەتكىزۋگە اۋداندىق جاس­­تار رە­سۋرس­تىق ورتالىعىنىڭ بەلسەندىلەرى مەن تو­عىز وكرۋگ­­تە تۇراتىن ۆولونتەر جاستار جۇ­مىلىپ جاتىر.

جاقىندا قاراساي اۋدانىنداعى «اسىل ار­مان» تۇرعىن ءۇي كەشەنى ىندەت تارالۋىنا بايلا­نىستى تولىقتاي وقشاۋلانىپ، كارانتينگە جا­بىلعان بولاتىن. بۇعان دەيىن بۇل اۋماق­تان ەكى ادامنان كوروناۆيرۋس ينفەكتسياسى انىق­تالعان ەدى. ەرىكتى جاستار سىرتپەن بايلانىسى توق­تاعان تۇرعىندارعا الماتى وبلىسى اكىم­دىگى­نىڭ كومەگىمەن تەگىن ازىق-ت ۇلىك جەتكىزە باستادى.

– الماتى وبلىسىنىڭ اكىمى اماندىق باتالوۆ­تىڭ تاپسىرماسىنا سايكەس كەشە كارانتيندەگى تۇرعىن ءۇي كەشەنىندە تۇرعىندارمەن جيىن وتكىزدىك. كەزدەسۋ بارىسىندا ءبىرىنشى كەزەكتە ءبىز ازىق-ت ۇلىككە وتە مۇقتاج ادامداردى انىقتادىق. ويتكەنى كارانتيننەن بولەك تۇرعىنداردىڭ كوپشىلىگى جۇمىسسىز قالدى. ءبىز ولارعا بۇدان بىلاي دا قولداۋ كورسەتەمىز. مۇقتاج ادامداردىڭ ءتىزىمى باسقارۋشى كومپانيالاردان كەلىپ تۇسۋدە. ازىق-ت ۇلىكتەن باس­قا تۇرعىن ءۇي كەشەنىنە 10 مىڭ داناداي بىررەتتىك ماسكا تاراتىلدى. ولار تەگىن تاراتىلۋدا. كومەككە ۆولونتەرلەر كەلدى، – دەيدى وبلىس اكىمىنىڭ ورىنباسارى سەرىك تۇرداليەۆ.

 

الماتى وبلىسى

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار