ەلباسى • 08 ءساۋىر، 2020

ەلباسى حالىقتى ارزان اڭگىمەلەرگە ەرۋدەن ساق بولۋعا شاقىردى

586 رەتكورسەتىلدى

ەلىمىزدىڭ تۇڭعىش پرەزيدەنتى «Egemen Qazaqstan» گازەتىنىڭ بۇگىنگى نومىرىندە جاريالانعان ماقالاسىندا دۇنيەجۇزىنە اۋىرتپاشىلىق تۇسىرگەن ىندەتتى حالقىمىزدىڭ توزىمدىلىگى، ەرىك-جىگەرى جانە وزىنە دەگەن زور سەنىمى ارقاسىندا  جەڭىپ شىعاتىنىمىزدى ايتتى.

«ارينە، قالىپتاسىپ وتىرعان جاعداي وڭاي ەمەس. بۇل – بۇكىل الەم مەملەكەتتەرىنە تۇسكەن زور اۋىرتپاشىلىق. ءبىز ونى وسىنداي سىن ساعاتتا سەپتىگىن تيگىزەتىن حالقىمىزدىڭ توزىمدىلىگى، ەرىك-جىگەرى جانە وزىنە دەگەن زور سەنىمى ارقاسىندا مىندەتتى تۇردە جەڭىپ شىعامىز. ول ءۇشىن بىزگە قاجەتتى نارسە – قارجى-قاراجات، ماتەريالدىق رەسۋرس، تەحنيكا، ازىق-ت ۇلىك – ءبارى بار. الاڭدايتىن، ابىرجيتىن ەش نەگىز جوق» دەلىنگەن ماقالادا.

ەلباسى حالىقتى ءارتۇرلى ارزان اڭگىمەلەرگە ەرۋدەن ساق بولۋعا شاقىردى.

«ادەتتە جۇرت كوڭىلى الاڭ وسىنداي كەزدى ەل ىشىنە ۇرەي تاراتىپ، بايبالام سالۋشىلار ءوز مۇددەسىنە پايدالانۋعا تىرىسادى. مەن حالىقتى ءارتۇرلى سونداي ازعىرىندى، ارزان اڭگىمەلەرگە ەرۋدەن ساق بولۋعا شاقىرامىن. شىنىمەن كوپتىڭ قامىن كوزدەيتىن ادام ايعايشىل كۇشىمەن ەمەس، يگىلىكتى ىسىمەن قىزمەت ەتكەنى دۇرىس. عايبات پەن بايبالام ورنىنا عىلىم-بىلىممەن شۇعىلدانعان ابزال»،- دەدى ن.نازارباەۆ.

ەلباسى ماقالادا قىتايدىڭ ىندەتتى بەرىك ءتارتىپتىڭ ارقاسىندا جەڭگەنىن اتاپ ءوتتى.

«بۇگىنگى كۇرەس داڭقتى قولباسشى باۋىرجان مومىش ۇلىنىڭ: ء«تارتىپسىز – ەل بولمايدى، تارتىپكە باس يگەن ەل قۇل بولمايدى» دەگەن قاناتتى ءسوزىن ەسكە سالادى جانە سونى بەكەم ۇستانۋدى تالاپ ەتەدى. وزدەرىڭىز بىلەسىزدەر، بۇل پاندەميانى كورشىمىز قىتاي ەلى ۇيىمشىلدىعى مەن تەمىردەي بەرىك ءتارتىبىنىڭ ارقاسىندا اۋىزدىقتاي الدى» دەپ جازدى ەلباسى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار