قازاقستان • 07 ءساۋىر، 2020

بۇگىنگە دەيىن 389 572 تۇرعىننىڭ زەينەتاقىسى ۇيىنە جەتكىزىلدى - ساكەن سارسەنوۆ

49 رەتكورسەتىلدى

«قازپوشتا» اق فيليالدارىندا زەينەتاقىلار مەن جاردەماقىلاردىڭ بەرىلۋ ماسەلەسى بويىنشا «قازپوشتا» اق باسقارما توراعاسى ساكەن سەرسەنوۆ ايتىپ بەردى.

«قوزعالىستىڭ شەكتەلۋىنە بايلانىستى بۇرىن پوشتا بولىمشەسىنە زەينەتاقى الۋعا كەلەتىن زەينەتكەرلەرگە ءساۋىر ايىنىڭ زەينەتاقىلارىن ۇيلەرىنە جەتكىزۋدەمىز. قالعاندارىنا تولەم كارتاسىن اشىپ، اقشالارىن سول كارتاعا اۋدارىپ، كارتالارىن ۇيلەرىنە جەتكىزىپ جاتىرمىز»،- دەدى ساكەن سارسەنوۆ. 

باسقارما توراعاسىنىڭ ايتۋىنشا، نۇر-سۇلتان مەن الماتىدا بولىمشەلەر سانى قىسقارتىلدى، مەملەكەتتىك قىزمەتتەردى رەسىمدەۋ جانە زەينەتاقى مەن جاردەماقى بەرۋ جۇمىستارى جالعاسۋدا. پوشتاشىلار حات-حابارلاردى كۇن سايىن قاجەتتى جەرىنە دەيىن جەتكىزىپ ءجۇر. بولىمشەلەرگە كەلۋشىلەر سانىن قىسقارتۋ ماقساتىندا زەينەتاقى ۇيگە جەتكىزىلۋدە. قازىرگى تاڭدا 389 572 مىڭ زەينەتاقى ءتيىستى الۋشىلارعا جەتكىزىلگەن.

«ەڭبەك جانە حالىقتى الەۋمەتتىك قورعاۋ مينيسترلىگىمەن بىرگە 1-15 ءساۋىر ارالىعىندا زەينەتاقىنى ۇيگە جەتكىزۋ كەستەسىن بەكىتتىك. سول كەستە بويىنشا بۇگىنگى كۇنى 389 572 زەينەتكەردىڭ ۇيىنە زەينەتاقىلارىن جەتكىزىپ، 6 مىڭعا جۋىق زەينەتكەردى تولەم كارتالارىنا كوشىردىك. زەينەتكە شىققان كليەنتتەرىمىزدىڭ قاتارىندا كارانتين بىتكەن سوڭ زەينەتاقىلارىن بولىمشەگە كەلىپ العىلارى كەلەتىندەر دە بار. ءبىز ولارمەن ۇنەمى بايلانىستا بولامىز»،- دەدى ساكەن سارسەنوۆ. 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار