ءبىلىم • 06 ءساۋىر، 2020

300 مىڭعا جۋىق بالا Daryn online قوسىمشاسىمەن جۇمىس ىستەدى - اسحات ايماعامبەتوۆ

57 رەتكورسەتىلدى

ءبىلىم جانە عىلىم ءمينيسترى اسحات ايماعامبەتوۆ بالالاردى قاشىقتان وقىتۋعا ارنالعان پلاتفورمالاردىڭ جۇمىسى جايىندا باياندادى.

«بالالار Daryn online قوسىمشاسىنا تىركەلىپ، ءتيىستى ءبىلىم الۋدا. وندا وقۋشىلارعا ارنايى دايىندالعان ۆيدەو ساباقتار بار. ولار سول ۆيدەو ساباقتاعى تاپسىرمالاردى ورىنداپ، ءپان بويىنشا سۇراقتارعا جاۋاپ بەرەدى. ەگەر دۇرىس جاۋاپ بەرىلمەسە، وندا قايتادان ۆيدەونى قاراپ قاتەلىكتەرمەن جۇمىس ىستەۋگە مۇمكىندىك بولادى. ودان كەيىن مۇعالىم بەرگەن تاپسىرمالارمەن جۇمىس ىستەيدى. وسىنداي پلاتفورمامەن بۇگىن ناقتى 300 مىڭعا جۋىق بالا تىركەلىپ، جۇمىس ىستەدى»، دەدى اسحات ايماعامبەتوۆ.

سونداي-اق ول Bilim land پلاتفورماسىنىڭ جۇمىسى جايىندا ايتتى.

«Bilim land - ۇستازدار مەن وقۋشىلارعا ارنالعان تانىمال پلاتفورمالاردىڭ ءبىرى. ول ارقىلى بۇگىن 400 مىڭنان استام وقۋشى جۇمىس ىستەدى. بۇل پلاتفورمانىڭ جۇمىسى دا وتە قىزىق. «ەل ارنا»، «بالاپان» تەلەارنالارىنان كورسەتىلىپ جاتقان بارلىق ساباقتاردى قاراپ،  سول ساباق بويىنشا وقۋ جوسپارىنىڭ شەڭبەرىندە ءتيىستى سۇراقتار بەرىلەدى. سونداي-اق وندا ءتۇرلى تاپسىرمالار بار. قاجەت بولعان جاعدايدا مۇعالىمدەر قوسىمشا تاعى وزدەرىنىڭ تاپسىرمالارىن بەرە الادى»، دەدى مينيستر.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار