قوعام • 06 ءساۋىر، 2020

3.2 ملن وقۋشى قاشىقتان وقۋدى باستادى - مينيستر

114 رەتكورسەتىلدى

ءبىلىم جانە عىلىم ءمينيسترى اسحات ايماعامبەتوۆ بۇگىن ءتورتىنشى توقسان باستالىپ، قاشىقتان وقۋ فورماتى تولىق قوسىلعانىن ايتتى.

«ەلىمىزدە وقۋشىلار ءۇشىن ءتورتىنشى توقسان باستالدى. بۇل توقسان وتە ەرەكشە. سەبەبى، قاشىقتان وقىتۋ فورماتى بويىنشا العاش رەت وقۋدى باستاپ وتىرمىز. قىسقا مەرزىم ىشىندە دايىندىقتى جۇرگىزگەن بولاتىنبىز. ءبىلىم سالاسى ءۇشىن بۇل ۇلكەن ەمتيحان، ەمتيحان عانا ەمەس، ۇلكەن مۇمكىندىك دەپ ايتقىم كەلەدى. وسى تاجىريبەدەن كەيىن ءبىلىم سالاسى وزگەرەتىنى ايدان انىق. ارينە، قىسقا مەرزىم ىشىندە ۇستازدار جاڭا قۇزىرەتتەر الىپ، قاشىقتان وقۋ فورماتىنا بەيىمدەلدى. جالپى، ۇلكەن جۇمىس جۇرگىزىلدى» دەدى ا.ايماعامبەتوۆ.

سونداي-اق ول بۇگىن 3.2 ملن وقۋشى وقۋىن باستاعانىن ايتتى.

ء«بىرىنشى كۇننىڭ نەگىزگى قورىتىندىسىنا توقتالعىم كەلەدى. وڭاي بولماسا دا، قاشىقتان وقۋ فورماتىنا تولىق كوشىپ، باستادىق. 3.2 ملن وقۋشى ءار-ءتۇرلى باعىت بويىنشا وقۋىن باستادى. ولار ءارتۇرلى باعىت بويىنشا وقۋىن باستادى. كەيبىرى ينتەرنەت جەلىسى بويىنشا ارنايى دايىندالعان ينتەرنەت باعدارلاماسىنىڭ نەگىزىندە وقۋىن باستاسا. باسقا كوپ وقۋشىلار تەلەديدار ارقىلى وقۋلارىن باستاپ وتىر» دەدى ول.

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار