ءمينيستردىڭ مالىمەتىنشە, مەملەكەت بويىنشا ەنگىزىلگەن تج رەجىمىنە بايلانىستى بارلىق تەلەكوممۋنيكاتسيا جەلىلەرىنە جۇكتەمە ارتقان. حقو جابىلعاننان كەيىن ەلەكتروندى ۇكىمەت پورتالىنا تۇسەتىن جۇكتەمە كۇرت ءوستى, ءتىپتى پورتال شتاتتىق رەجىمدە جۇمىس ىستەگەن جانە ميلليوننان استام ەلەكتروندى قىزمەت كورسەتىلگەن.
«ادەتتەگى ۋاقىتتا پورتالعا ساعاتىنا 600 مىڭ ءوتىنىش كەلىپ تۇسسە, قازىرگى ۋاقىتتا ەڭ جوعارى جۇكتەمە ساعاتىنا 15 ملن-عا دەيىن جەتەدى, بۇل پورتالعا وتە اۋىر جۇكتەمە بەرەدى», دەدى مينيستر.
سونىمەن قاتار enbek.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ پورتالىندا ااك ۇسىنۋ بويىنشا قىزمەت كورسەتۋ جونىندەگى سايتتىڭ جۇمىسى تۋرالى حاباردار ەتتى. ا.جۇماعاليەۆ اتاپ وتكەندەي, بىرمەزگىلدىك وتىنىشتەردىڭ ۇلكەن كولەمى ونلاين-وتىنىشتەردىڭ رۇقسات ەتىلگەن شەگىنەن اسىپ ءتۇستى. بۇدان باسقا وسى پورتالدىڭ جۇمىسىن ءۇزۋ ءۇشىن جاسالعان سىرتقى كيبەرشابۋىل فاكتىلەرى تىركەلگەن.
«قىسقا ۋاقىت ىشىندە اتاۋلى الەۋمەتتىك جاردەماقى الۋعا ازاماتتاردى تىركەۋدى قامتاماسىز ەتۋ بويىنشا 11 مىڭنان استام قىزمەت كورسەتىلدى. بۇگىندە 450 مىڭ ازامات 42 500 تەڭگە كولەمىندە جاردەماقى الۋعا ءوتىنىش بەردى, بۇل رەتتە 76 مىڭ ازامات تولەمدى الدىن الا بەلسەندى رەجىمدە تاعايىنداۋ تۋرالى SMS-حابارلاما الدى. 66 مىڭنان استام ادام وزدەرىنىڭ بانك كارتالارىنا ءتيىستى قاراجات الدى. بەلسەندى رەجىمدە جاردەماقى العان ازاماتتارعا وزدەرىنىڭ بانكتىك شوتتارىنىڭ نومىرلەرىن كەيىننەن ەڭبەك جانە حالىقتى الەۋمەتتىك قورعاۋ مينيسترلىگىنە بەرۋ ءۇشىن 238 مىڭ SMS-حابارلاما جىبەرىلدى.
ا.جۇماعاليەۆ اتاپ وتكەندەي, قازىرگى ۋاقىتتا ەڭبەك جانە حالىقتى الەۋمەتتىك قورعاۋ مينيسترلىگىنىڭ پورتالى enbek.kz تۇراقتى جۇمىس ىستەيدى, ال تسيفرلىق دامۋ, يننوۆاتسيا جانە اەروعارىش ونەركاسىبى مينيسترلىگى وسى پورتالدىڭ تۇراقتى جۇمىسىن قولداۋ بويىنشا جۇمىستى جالعاستىراتىن بولادى. ۆەدومستۆو باسشىسى ءوز سوزىندە ازاماتتاردى اتاۋلى الەۋمەتتىك كومەك الۋعا تىركەۋ بويىنشا قىزمەت كورسەتۋگە باعىتتالعان Telegram-بوت ازىرلەۋ تۋرالى جەكە توقتالدى. ايتا كەتۋ كەرەك, قازىرگى ۋاقىتتا بوت ازىرلەۋ ساتىسىندا جانە جاقىن ارادا ول ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ ىسكە قوسىلادى, بۇل تۋرالى حالىققا قوسىمشا حابارلاناتىن بولادى.
