ەكولوگيا • 01 ءساۋىر، 2020

ەكولوگيا مينيسترلىگى مەكتەپ وقۋشىلارى اراسىندا بايقاۋ جاريالادى

14 رەتكورسەتىلدى

ەلىمىزدىڭ ەكولوگيا، گەولوگيا جəنە تابيعي رەسۋرستار مينيسترلىگى كوروناۆيرۋس پاندەمياسى كەزىندە ۇيدە وتىرعان وقۋشىلاردىڭ ۋاقىتىن ءتيىمدى وتكىزۋ ماقساتىندا ەكولوگيالىق تاقىرىپقا ارنالعان رەسپۋبليكالىق ۇزدىك سۋرەت جəنە قولدان جاسالعان بۇيىمدار كونكۋرسىن جاريالادى.

"قازىرگى قيىن كەزەڭدە بالالارىمىز ۇيدە وتىرۋعا ءمəجبۇر. ءبىز وسى ءسəتتى پايدالانىپ، وقۋشىلار اراسىندا بايقاۋ وتكىزۋدى ءجون دەپ شەشتىك. كونكۋرس "تابيعات پەن ەكولوگيانى ساقتاۋ"، "جانۋارلار دۇنيەسىن ساقتاۋ"، "قوقىس سۇرىپتاۋ" نوميناتسيالارى بويىنشا وتپەك"، - دەپ جازدى مينيستر ماعزۇم مىرزاعاليەۆ.

ۇيىمداستىرۋشىلاردىڭ ايتۋىنشا، ءار نوميناتسيا بويىنشا جۇلدەلى ءۇش ورىن تاعايىندالعان. كونكۋرس باستاۋىش، ورتا جəنە جوعارى سىنىپتار اراسىندا وتكىزىلەدى. مينيستر جەڭىمپازداردى ارنايى سىيلىقپەن ماراپاتتاۋعا ۋəدە بەردى.

"سۋرەت جəنە قولدان جاسالعان بۇيىمداردان بولەك، قوقىستاردى بولەكتەپ جيناۋ تاقىرىبىندا بەينەروليك تۇسىرۋگە دە بولادى. ۇزدىك روليك يەلەرىنە دە باعالى سىيلىق بەرىلەدى"، - دەدى مينيستر.

كونكۋرسقا قاتىسۋشىلار ءوز جۇمىستارىن 2020 جىلعى 30 سəۋىرگە دەيىن اتى-ءجونىن، تۇرعىلىقتى مەكەنىن، قايدا، قانداي سىنىپتا وقيتىنىن، جاس مولشەرىن كورسەتە وتىرىپ، #ەسوQuarantine حەشتەگىمەن əلەۋمەتتىك جەلىلەردە جاريالاۋ كەرەك نەمەسە EcoQuarantine@gmail.com پوشتاسىنا جولداۋى قاجەت.

بۇدان باسقا، مينيسترلىك ەكو-امباسسادورلار، تابيعاتتى ساقتاۋ تاقىرىبىندا ونلاين ەكو-ساعاتتار وتكىزىپ، وقۋ-تانىمدىق ساباقتار جۇرگىزەدى. بۇل ونلاين ساباقتاردىڭ ءبارىن ەكولوگيا مينيسترلىگىنىڭ سايتىنان جəنە əلەۋمەتتىك جەلىلەردەگى پاراقشالاردان كورۋگە بولادى. «كارانتين ۋاقىتىن بالالارمەن بىرگە ۇتىمدى وتكىزۋگە، قىزىقتى əسەرلەر الۋعا، تابيعاتتى ايالاپ، وعان زيان كەلتىرمەۋدى ۇيرەنۋگە شاقىرامىن"، - دەيدى م.مىرزاعاليەۆ.

قىمبات توقتامۇرات

سوڭعى جاڭالىقتار

ۇقساس جاڭالىقتار