وبلىس ورتالىعىندا ەلىمىزدىڭ كونستيتۋتسيالى كۇنى جانە باستالايىن دەپ تۇرعان جاڭا وقۋ جىلى قارساڭىندا حيميا-بيولوگيالىق باعىتتا تەرەڭدەتىپ وقىتاتىن «نازارباەۆ زياتكەرلىك مەكتەبى» اشىلدى. بۇل ەلىمىزدەگى 13-ءشى «نازارباەۆ زياتكەرلىك مەكتەبى». ەندى ءبىرىنشى قىركۇيەكتەن باستاپ وبلىس ورتالىعىندا اشىلعان بۇل مەكتەپتە 720 وقۋشى ءبىلىم الادى. سونداي-اق, مەكتەپ جانىنداعى 120 ورىندىق جاتاقحانادا اۋىلدان كەلگەن بالالار تۇرادى. استانالىق «بەك جولى نس» سەرىكتەستىگى قۇرىلىس جۇمىستارىن ءبىراز كەشىكتىرسە, بيىلعى جىلى ۋادەلەرىن ورىنداپ شىققانداي.
وبلىس ورتالىعىندا ەلىمىزدىڭ كونستيتۋتسيالى كۇنى جانە باستالايىن دەپ تۇرعان جاڭا وقۋ جىلى قارساڭىندا حيميا-بيولوگيالىق باعىتتا تەرەڭدەتىپ وقىتاتىن «نازارباەۆ زياتكەرلىك مەكتەبى» اشىلدى. بۇل ەلىمىزدەگى 13-ءشى «نازارباەۆ زياتكەرلىك مەكتەبى». ەندى ءبىرىنشى قىركۇيەكتەن باستاپ وبلىس ورتالىعىندا اشىلعان بۇل مەكتەپتە 720 وقۋشى ءبىلىم الادى. سونداي-اق, مەكتەپ جانىنداعى 120 ورىندىق جاتاقحانادا اۋىلدان كەلگەن بالالار تۇرادى. استانالىق «بەك جولى نس» سەرىكتەستىگى قۇرىلىس جۇمىستارىن ءبىراز كەشىكتىرسە, بيىلعى جىلى ۋادەلەرىن ورىنداپ شىققانداي.
قۇتتىقتاۋ ءسوز سويلەگەن وبلىس اكىمى ەرلان ارىن ەلباسىنىڭ تاپسىرماسى بويىنشا ەلىمىزدە دارىندى بالالار ءۇشىن ءبىلىم بەرۋ دەڭگەيى شەتەلدەگىدەي زاماناۋي مەكتەپتەر سالىنۋدا. بولاشاقتا وقۋشىلار قوعامدىق ومىردە رۋحاني جانە سپورتتىق شارالارعا بەلسەنە قاتىسىپ, جوعارى جەتىستىكتەرگە قول جەتكىزەدى دەگەن سەنىمدەمىز, دەپ ساتتىلىك ءتىلەدى. بۇدان كەيىن «نازارباەۆ زياتكەرلىك مەكتەپتەرى» دەربەس ءبىلىم بەرۋ باسقارماسى» اق ءتورايىمى كۇلاش شامشيدينوۆا ءبىلىم وشاعى كەلەشەكتە دارىندى بالالاردى تاربيەلەۋمەن قاتار, وتاندىق جانە دۇنيەجۇزىلىك وزىق پەداگوگيكالىق تاجىريبەلەردى جيناقتاپ, جالپى ءبىلىم بەرەتىن مەكتەپتەرگە تاراتۋمەن اينالىساتىنىن اتاپ ءوتتى. ال, جاڭا مەكتەپتىڭ ديرەكتورى ءداۋىرحان پىرماعانبەتوۆتىڭ ايتۋىنشا, مەكتەپتىڭ 7,8,9,10 سىنىپتارىندا وقۋ ءۇشىن بارلىعى 2413 وقۋشى ىرىكتەۋ كەزەڭىنەن وتسە, 639 وقۋشى ەلباسىنىڭ «وركەن» ءبىلىم بەرۋ گرانتىنا يە بولىپتى. جاڭا مەكتەپ 58 وقۋ كابينەتتەرىنەن تۇرادى, ونىڭ ىشىندە 18 ءتىل كابينەتى, 5 فيزيكا جانە حيميا, 9 ماتەماتيكا, 7 بيولوگيا كابينەتى بار. كەلگەن قوناقتار, اتا-انالار مەكتەپتىڭ ماتەماتيكا, فيزيكا, بيولوگيا, حيميا, كاسىبي تەلەستۋديا كابينەتتەرى, جىلىجاي, كىتاپحانا بولمەلەرىن ارالاپ كوردى. وقىتۋ قازاق, ورىس ءجانە اعىلشىن تىلدەرىندە ءجۇرگىزىلەدى. مەكتەپ جاڭا كومپيۋتەر جەلىلەرىمەن, مۋلتيمەديالىق كابينەتتەرمەن, ينتەراكتيۆتى ەلەكتروندى تاقتالارمەن, جوعارى جىلدامدىقتى ينتەرنەتپەن, يننوۆاتسيالىق باعدارلامالىق قۇرالدارمەن, وزىق تەحنولوگيالارمەن جابدىقتالعان. ارنايى يندۋستريالى دامۋ كابينەتتەرى بار. مۇندا وقۋشىلار كەز كەلگەن ءوندىرىس وشاقتارىمەن ساباق ۇستىندە وتىرىپ-اق بەينەمۇمكىندىكتەر ارقىلى تانىسىپ, ماماندارمەن تىلدەسە الادى. روبوتتار وقۋشىنىڭ الاقانىن سەزۋ ارقىلى ورنىنان قوزعالدى. ءاربىر وقۋشى زەرتتەۋلەر ارقىلى سىزبالار جاسايدى.
ارمان-قيالدان شىندىققا اينالعان جاڭا زاماننىڭ عاجايىپ مەكتەبى دەگەن وسى. جاڭا تەحنولوگيالاردى ءبىلىم بەرۋ ۇردىسىنە پايدالاناتىن وقۋشىلاردان بولاشاقتا جاڭاشىل عالىمدار ءوسىپ شىقپاقشى. قۇتتى بولسىن! «نازارباەۆ زياتكەرلىك مەكتەبىنىڭ» وقۋشىلارى ەلىمىزدىڭ ءوركەندەۋىنە ۇلەس قوساتىن رەسپۋبليكالىق جانە حالىقارالىق وليمپيادالاردىڭ, عىلىمي بايقاۋلاردىڭ جەڭىمپازدارى وقيتىن ۇزدىك ءبىلىم ورتالىعىنا اينالادى دەپ سەنەمىز.
فاريدا بىقاي,
«ەگەمەن قازاقستان».
پاۆلودار.
