پارتيانىڭ جاڭا باعدارلاماسى

ەلباسى, پارتيا توراعاسى نۇرسۇلتان نازارباەۆتىڭ پارتيانىڭ كەزەكتەن تىس ءXىى سەزىندە بەرگەن تاپسىرماسىنا سايكەس 2020 جىلعا دەيىنگى پارتيانىڭ جاڭا باعدارلاماسىن ازىرلەۋ بويىنشا جۇمىس جالعاسۋدا. اتالعان قۇجاتتىڭ ماڭىزدىلىعى مەن وزەكتىلىگىن ەسكەرە وتىرىپ, باعدارلامانى دايىندايتىن جۇمىس توبىن قۇرۋ تۋرالى شەشىم قابىلدانعان بولاتىن. ورتالىق اپپاراتتا پارتيا توراعاسىنىڭ ءبىرىنشى ورىنباسارى نۇرلان نىعماتۋليننىڭ توراعالىعىمەن العاشقى جيىن ءوتتى. جوبانى دايىنداۋعا تانىمال عالىمدار مەن الەۋمەتتىك جانە گۋمانيتارلىق سالا ماماندارىنان قۇرالعان ساراپشى توپ قاتىسۋدا. ساراپشىلار باعدارلاما جوباسىنىڭ قۇرىلىمى مەن مازمۇنى بويىنشا ۇسىنىستار ازىرلەدى. نۇرلان نىعماتۋلين: “پرەزيدەنتىمىز, پارتيامىز­دىڭ توراعاسى اتاپ وتكەندەي, باعدارلاما قوعامدىق دامۋدىڭ ءار ءتۇرلى باعىتتارىن قامتيتىن ماقساتتى, جۇيەلى قۇجات بولۋعا ءتيىس”, – دەپ اتاپ ءوتتى. جۇمىس توبىنىڭ قۇرامىنا پارلامەنت دەپۋتات­تارى, مەملەكەتتىك ورگاندار وكىلدەرى, وڭىرلەردەن, پارتيانىڭ ورتالىق اپپاراتى مەن پارلامەنتاريزم ينستيتۋتىنىڭ قىزمەتكەرلەرى, سونداي-اق تانىمال عالىمدار كىردى. باعدارلامانىڭ دايىندالعان جوباسىن پارتيالىق ۇيىمداردا كەڭ ءارى جان-جاقتى تالقىلاۋ مەجەلەنىپ وتىر. “ەگەمەن-اقپارات”.