ۇلكەن قامقورلىق

پرەزيدەنت پوشتاسىنان مەملەكەت باسشىسى ن.نازارباەۆتىڭ اتىنا قىزىلوردا وبلىسى, سىرداريا اۋدانىنىڭ تۇرعىنى بەكزادا ءالجانوۆانىڭ اتىنان حات كەلىپ ءتۇستى. كۇمىس القا يەگەرى ب. ءالجانوۆا پرەزيدەنتتىڭ بيىلعى جىلعى قازاقستان حالقىنا جولداۋىندا ايتىلعان بالالاردى مەكتەپ جاسىنا دەيىنگى وقىتۋمەن جانە تاربيەمەن قامتاماسىز ەتۋدى جولعا قوياتىن “بالاپان” باعدارلاماسىنا زور ريزاشىلىق بىلدىرگەن. حاتىندا ء“سىزدىڭ تاپسىرماڭىزعا وراي سىرداريا اۋدانىنداعى تەرەڭوزەكتىك اتا-انالار زور قۋانىشقا بولەندى. سەبەبى, تەرەڭوزەك كەنتىندە 50 ورىندىق ەكى توپقا ارنالعان “نۇربوبەك” بالالار باقشاسى پايدالانۋعا بەرىلدى. مەن دە ءوزىمنىڭ نەمەرەلەرىمدى وسى بالاباقشاعا قابىلداعانىنا قۋانىشتىمىن جانە سىزگە شەكسىز العىسىمدى بىلدىرەمىن. “نۇربوبەك” بالاباقشاسى سوڭعى ۇلگىدەگى جوبامەن سالىنعان, اسەم بەزەندىرىلگەن, ۇياداي جىلى. بالالاردىڭ جايلى بالاباقشادا تاربيەلەنۋىنە, اتا-انالاردىڭ الاڭسىز ەڭبەك ەتۋىنە وسىنداي جاعداي جاسالۋى ۇلكەن قامقورلىق دەپ باعالايمىن”, دەپ جازادى ب. ءالجانوۆا. اۆتور حاتىن تۇيىندەي كەلە, ءار وتباسىنا قامقورلىق جاساپ, بالالاردىڭ بولاشاعىنا ەرەكشە ءمان بەرىپ وتىرعان ەل پرەزيدەنتىنە زور دەنساۋلىق, ۇزاق عۇمىر تىلەيدى.