اگەنتتىكتىڭ حابارلاۋىنشا, مونيتورينگ زاڭ تالاپتارىنىڭ ساقتالۋىنا, قارجى پيراميداسىنىڭ بەلگىلەرى مەن بانكتىك زاڭسىز ارەكەتتەردىڭ بەلگىلەرىن انىقتاۋعا, سونداي-اق 23 ناۋرىزداعى حالىققا تۇتىنۋشىلىق نەسيە بەرەتىن بانكتىك ەمەس ۇيىمداردىڭ قىزمەتىنە كەڭ كولەمدى اۋديت جۇرگىزۋ تۋرالى بۇيرىقتارىمەن جۇزەگە اسىرىلادى.
«تەكسەرۋ ناۋرىز-ماۋسىم ايلارى ارالىعىندا نۇر-سۇلتان, الماتى جانە شىمكەنت قالالارىندا وتەدى, ول ءۇشىن اگەنتتىكتە Iشكi iستەر مينيسترلiگiنiڭ جانە مەملەكەتتiك كiرiستەر كوميتەتiنiڭ قاتىسۋىمەن 39 ينسپەكتسيالىق توپ قۇرىلدى. 1,1 مىڭ لومبارد (ەلدە جۇمىس ىستەپ جاتقان لومباردتتاردىڭ 50 پايىزى), ونىڭ ىشىندە ساۋىردە - 424, مامىردا - 323, ماۋسىمدا – 353 ۇيىم تەكسەرىلەدى. سونداي-اق, 50-گە جۋىق ونلاين نەسيەلەۋ سۋبەكتىلەرى جانە 200-گە جۋىق ميكروقارجى ۇيىمدارىنىڭ سۋبەكتىلەرى تەكسەرىلەدى», دەدى اگەنتتىك وكىلدەرى.
ەڭ الدىمەن, توتەنشە جاعدايدىڭ اسەرىنەن زارداپ شەككەن حالىققا, شاعىن جانە ورتا بيزنەسكە بەرىلەتىن نەسيەلەر بويىنشا نەگىزگى قارىزدى جانە سىياقى تولەۋدى توقتاتا تۇرۋ تۋرالى بۇيرىقتىڭ ورىندالۋى باقىلاۋعا الىنادى.
«قارجىنى سىرت ەلدەرگە اۋدارۋعا, تەرروريزمدى قارجىلاندىرۋعا قارسى ءىس-قيمىل تۋرالى زاڭنىڭ ساقتالۋى, قارجى پيراميداسىن ۇيىمداستىرۋ, قارىزدار كوەففيتسيەنتىنە قويىلاتىن تالاپتار, جىلدىق ءتيىمدى پايىزدىق مولشەرلەمە جانە ميكروكرەديتتەر بويىنشا ەڭ جوعارى پايىزدىق مولشەرلەمە, پايىزداردى ەسەپتەۋ, ايىپپۇلدار مەن ءوسىمپۇلدار, تولەمدەردى تولەۋ ءتارتىبى تەكسەرىلەدى» دەپ اتاپ ءوتتى اگەنتتىك وكىلدەرى.
ەسكە سالايىق, اگەنتتىك لومباردتاردىڭ قىزمەتىنە قويىلاتىن بىرقاتار تالاپتاردى, جارعىلىق جانە جارعىلىق كاپيتالدىڭ مينيمالدى دەڭگەيىنە قويىلاتىن تالاپتاردى كۇشەيتتى.
لومباردتاردىڭ باسشىلارى مەن قۇرىلتايشىلارىنا بۋحگالتەرلىك ەسەپتى جۇرگىزۋ جانە بىلىكتىلىك تالاپتارى قويىلدى, لومباردتاردىڭ ءۇي-جايلارىنا قويىلاتىن تالاپتار كۇشەيتىلدى. سونىمەن قاتار, لومباردتاردى تىركەۋدى جەدەلدەتۋ بويىنشا شارالار قابىلداندى: رەسپۋبليكالىق ماڭىزى بار قالالاردا جانە وبلىس ورتالىقتارىندا - 2020 جىلدىڭ 1 مامىرىنا دەيىن, قالعان ەلدى مەكەندەردە - 2020 جىلدىڭ 1 ماۋسىمىنا دەيىن تەكسەرۋ جۇرەدى.
