دۋما توراعاسىمەن كەزدەستى

جاقىندا ماسكەۋدە رەسەي مەملەكەتتىك دۋماسىنىڭ توراعاسى بوريس گرىزلوۆ پەن قازاقستاننىڭ رەسەيدەگى توتەنشە جانە وكىلەتتى ەلشىسى زاۋىتبەك تۇرىسبەكوۆتىڭ كەزدەسۋى بولدى, دەپ حابارلادى قازاقستاننىڭ وسى ەلدەگى ەلشىلىگىنىڭ ءباسپاسوز قىزمەتى. كەزدەسۋ بارىسىندا تاراپتار ەكىجاقتى قاتىناستاردى دامى­تىپ, پارلامەنتارالىق جانە “نۇر وتان” حدپ مەن “ەدينايا روسسيا” پارتيالارى اراسىنداعى ىنتىماقتاستىقتى تەرەڭدەتۋ جايىندا پىكىر الماستى. سونى­مەن قاتار, قازاقستان, رەسەي, بەلارۋس اراسىنداعى كەدەندىك وداق جانە جەڭىستىڭ 65 جىلدى­عىن مەرەكەلەۋگە دايىندىق با­رىسى تۋرالى ماسەلەلەر قوزعال­دى. كەزدەسۋدە ز.تۇرىسبەكوۆ ب.گرىزلوۆقا قازاقستان پرە­زي­دەنتى ن.ءا.نازارباەۆتىڭ قازاق­ستان حالقىنا جولداۋىنىڭ نەگىز­گى ەرە­جەلەرىن تانىستىردى. تا­راپتار, سون­داي-اق بيىلعى جىلى قازاق­ستان, رەسەي جانە بەلارۋس باسشى­لارىنىڭ قاتىسۋىمەن وتەتىن “ازىق-ت ۇلىك قاۋىپسىزدىگى – پروب­لە­مالار مەن پەرسپەكتيۆالار” تاقى­رىبىنداعى فورۋم شاقىرۋ ءجونىن­دەگى ماسەلەلەردى دە تال­قىلادى. قازاقستان ەلشىسى مەملەكەتتىك دۋما توراعاسىن رەسەيدىڭ جوعارى وقۋ ورىندارىندا قازاقستاندىق جاستاردى ينجەنەرلىك-تەحنيكالىق ماماندىقتارعا وقىتۋ ءۇشىن كۆوتا ءبولۋ تۋرالى ۇسىنىس ءبىلدىردى. سونىمەن بىرگە, ونى رجەۆتە نەمىس-فاشيست باسقىنشىلارىنا قارسى سوعىستا قازا تاپقان 100-ءشى جانە 101-ءشى اتقىشتار بريگا­دا­سىنىڭ قۇرامىنداعى قازاقستان­دىق جاۋىنگەرلەرگە ەسكەرتكىش ور­ناتۋ جوسپارى جونىنەن دە حاباردار ەتتى.