ايماقتار • 28 ناۋرىز، 2020

اقمولالىق دارىگەرلەر بلوك-بەكەتتەردە جۇمىس ىستەۋگە جىبەرىلدى

11 رەتكورسەتىلدى

نۇر-سۇلتان قالاسىنداعى كوروناۆيرۋسقا قارسى ءىس-قيمىلعا اقمولا وبلىسىنىڭ دارىگەرلەرى دە ۇلەس قوسۋدا.

ەلورداعا ءۇش سانيتارلىق دارىگەر مەن 12 فەلدشەر بلوك-بەكەتتەردە جۇمىس ىستەۋگە جىبەرىلدى. مەديتسينالىق توپقا سانيتارلىق دارىگەر بالعانىم بالقانوۆا جەتەكشىلىك ەتۋدە. اق حالاتتىلار بەكەتتەردە كۇندىز-ءتۇنى كەزەكشىلىك ەتۋدە، ءار اۋىسىم 8 ساعاتتان. 20 ناۋرىزدان قىزمەتكە كىرىسكەن مامانداردىڭ باستى ماقساتى كوروناۆيرۋستىڭ تارالۋىن توقتاتۋ.

– بلوك-بەكەتتەردە 15 سانيتارلىق دارىگەر قىزمەت ەتۋدە. بۇل مىندەتتى سانيتارلىق قىزمەت ماماندارى اتقارۋدا. ولار كۇندىز-ءتۇنى تىنىمسىز ەڭبەكتەنۋدە. ولارعا تاماقتانۋ، تۇراتىن جەر مەن وزگە دە جاعدايلار جاسالعان،–دەيدى وبلىستىق دەنساۋلىق ساقتاۋ باسقارماسى جەتەكشىسىنىڭ مىندەتىن اتقارۋشى سۇلەن ءىلياسوۆ.

دارىگەرلەرمەن بىرگە پوليتسيا قىزمەتكەرلەرى دە قالتقىسىز قىزمەت اتقارۋدا.

– بلوك-بەكەتتەر 22 ناۋرىزدان بەرى استانادان 30 شاقىرىم راديۋستاردا جۇمىس ىستەپ تۇر. ءبىز ارنايى رۇقساتى بار كولىك يەلەرىن عانا وتكىزەمىز،–دەيدى پاترۋلدىك پوليتسيا روتاسىنىڭ اعا ينسپەكتورى ماقسات جامانباەۆ.

قۇقىق قورعاۋشىلار ساۋدا جۇيەلەرى مەن ازىق-ت ۇلىك دۇكەندەرىنىڭ ءۇزىلىسسىز  جۇمىس ىستەپ تۇرۋىن دا قاداعالايدى.    

– پوست-بەكەتتەردە 100-دەن اسا پوليتسيا قىزمەتكەرلەرى ەڭبەك ەتۋدە. ولار كولىك جۇرگىزۋشىلەرىنە كارانتين رەجيمىندەگى تالاپتاردى تۇسىندىرۋدە. پوليتسەيلەر ەلورداعا ازىق-ت ۇلىك پەن ءدارى-دارمەك تاسىمالدايتىن كولىكتەردى باقىلاپ، وتكىزۋدە،–دەيدى اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى گۇلنار پينچۋك.

بۇل ۋاقىتشا ءىس-شارالار ازاماتتاردىڭ قاۋىپسىزدىگى مەن قاۋىپتى ۆيرۋستىڭ وزگە قالالار مەن ەلدىمەكەندەرىنە تارالماۋىن قامتاماسىز ەتەدى.

سوڭعى جاڭالىقتار

نۇكتە فيلوسوفياسى

رۋحانيات • بۇگىن، 20:23

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار