الەمدە بەلەڭ العان ىندەت كەزىندە قاۋىپسىزدىكتى كۇشەيتۋ ءۇشىن قازاقستان 28 ەلمەن پوچتا بايلانىسىن توقتاتتى. پوشتا ارقىلى الىس-بەرىس ۋاقىتشا مۇمكىن بولمايتىن ەلدەر مىنالار: اۋستراليا, الجير, ارمەنيا, اقش, ازەربايدجان, برازيليا, گرۋزيا, جاڭا زەلانديا, يزرايل, ينديا, يران, يسپانيا, كانادا, قاتار, قىرعىزستان, مالايزيا, مولدوۆا, موڭعوليا, وڭتۇستىك كورەيا, نورۆەگيا, ءباا, پاكىستان, سينگاپۋر, تاجىكستان, تۇركىمەنستان, تۇركيا, ۇلىبريتانيا, فيليپپين.
سونىمەن قاتار «قازپوشتا» اق باسقارما توراعاسى ساكەن سارسەنوۆ فەيسبۋكتە كارانتين جاريالانعان نۇر-سۇلتان مەن الماتى قالالارىنداعى پوشتا بولىمشەلەرىندە 2020 جىلدىڭ 28-29 ناۋرىزىن دەمالىس كۇنى ەتۋ تۋرالى شەشىم قابىلداعاندارىن مالىمدەدى.
– باسقا وڭىرلەردەگى پوشتا بولىمشەلەرى تۇراقتى جۇمىس كەستەلەرى بويىنشا جۇمىس ىستەيدى. الماتىداعى بوگەنباي باتىر, 134 كوشەسىندەگى قابىلداۋ نۇكتەسىنەن باسقا, EMS كۋرەرلىك قىزمەتىنىڭ بارلىق بولىمشەلەرى 2020 جىلدىڭ 28 ناۋرىزىندا 9:00-دەن 16:00 ساعاتقا دەيىن جۇمىس ىستەيدى. 29 ناۋرىز EMS كۋرەرلىك قىزمەتى ءۇشىن – دەمالىس كۇنى, – دەدى س.سارسەنوۆ.
جوعارىدا اتالعان ەكى قالادا قازپوشتانىڭ 987 كەڭسە قىزمەتكەرىنىڭ 70,4%-ى, ياعني 695 ادام قاشىقتان جۇمىس ىستەۋ رەجيمىنە اۋىستىرىلدى.
