اۋعانستانعا 101 ۆاگون كومەك

قازاقستان رەسپۋبليكاسى ۇكىمەتىنىڭ اۋعانستان حالقىنا گۋمانيتارلىق كومەك كورسەتۋ جونىندەگى شەشىمىنە سايكەس ەلىمىزدىڭ توتەنشە جاعدايلار مينيسترلىگى وتكەن ناۋرىز ايىنىڭ ورتا شەنىندە اۋعانستاننىڭ حايراتون قالاسىنا 6 مىڭ توننا كۇرىش جونەلتكەن ەدى. وسىنشاما كولەمدەگى اق مارجان تيەپ, جونەلتۋ ءۇشىن 101 تەمىر جول ۆاگونى قاجەت بولدى, دەپ حابارلادى قر ءسىم-ءىنىڭ ءباسپاسوز قىزمەتى.27-30 ناۋرىز ارالىعىندا اۋعانستان اۋماعىنا وزبەك-اۋعان شەكاراسىنداعى “دوس­تىق” كوپىرى ارقىلى 65 ۆاگون كۇرىش جەتىپ, ءتۇسىرىلدى. 27 ناۋرىزدا حايراتون قالا­سىندا اۋعانستان يسلام رەس­پۋبليكاسىنىڭ رەسمي وكىل­دەرىنىڭ, قازاقستان رەس­پۋب­ليكاسى توتەنشە جاعدايلار مينيسترلىگىنىڭ قىز­مەت­كەر­لەرى ا.جاناقوۆ پەن ا.ءسا­دۋاقاسوۆتىڭ جانە وسى تىنىمسىز مەملەكەتتە جۇمىس ىستەيتىن قازاق­ستاندىق ديپلوماتتاردىڭ قاتى­سۋىمەن گۋمانيتارلىق كومەكتىڭ العاشقى ۆاگونىن تاپسىرۋ ءراسىمى ءوتتى. بۇل وقيعا اۋعان بۇقارالىق اقپارات قۇرالدارىندا, راديو مەن تەلەۆيزيادا كەڭىنەن جاريا ەتىلدى. جۇكتى قابىلداپ العان اۋعان­ستان اۋىل شارۋاشىلىعى مي­نيستر­لىگىنىڭ ءونىم ساپاسىن باقى­لاۋ جونىندەگى دەپارتامەنت باس­تى­عى م.سافي, توتەنشە جاعدايلار جونىندەگى اگەنتتىك باسقارماسى­نىڭ باستىعى ا.نۋري مەن بالح پروۆينتسياسى اكىمشىلىگىنىڭ ەكو­نوميكالىق ساياسات دەپارتامەنتى­نىڭ باستىعى اۋعانستاننىڭ ۇلتتىق تەلەارناسىنا بەرگەن سۇح­باتتارىندا باۋىرلاس مەملەكەتتەن جەتكىزىلگەن گۋمانيتارلىق كومەك اۋعانستان يسلام رەسپۋبلي­كا­سى­نىڭ ەكىنشى ۆيتسە-پرەزيدەنتى م.حا­ليليدىڭ تاپسىرماسى بويىن­شا بۇكىل ەل بويىنشا مۇقتاج وت­باسىلارىنا تاراتىلىپ بەرىلەتىن بولادى. بۇعان دەيىن قازاقستان اۋعان­ستانعا 2 مىڭ توننا ازىق-ت ۇلىك بيدايى, 1,3 مىڭ توننا قۇرعاق ءسۇت كولەمىندە گۋمانيتارلىق كومەك جىبەرگەنى بەلگىلى. سونداي-اق, جول­داردى, اۋرۋحانالار مەن مەكتەپ­تەردى سالۋ مەن جوندەۋگە شامامەن 3 ميلليون دوللار جولداعان-تىن. ونىمەن قوسا, وتكەن جىلدىڭ قاراشا ايىندا قازاقستان مەن اۋعانستان ۇكىمەتتەرى اراسىندا ءبىلىم بەرۋ سالاسىنداعى ىنتىماق­تاستىق تۋرالى كەلىسىمگە قول قوي­ىلعان ەدى. بۇل كەلىسىمگە سايكەس قازاقستان 1 مىڭ اۋعاندىقتى ءبىزدىڭ ەلىمىزدىڭ جوعارى وقۋ ورىن­دارىندا بەيبىت ماماندىقتارعا دايىنداۋ ءۇشىن 50 ميلليون دول­لار بولەدى.