شۆەيتساريا مەملەكەتىنىڭ ءبىر تۇرعىنى ەۋروپاعا كەڭىنەن تانىمال EuroMillions لوتەرەيا ويىنىنان 93 مل. ەۋرودان استام اقشا ۇتىپ الدى. بۇل تۋرالى ريا «نوۆوستي» حابارلادى.
جەرگىلىكتى باق جازىپ وتىرعانداي, بۇل شۆەيتسارياداعى ەڭ ءىرى ۇتىس بولىپ وتىر. 2001 جىلى تاعى شۆەيتساريالىق ازامات EuroMillions لوتەرەياسىنان 58 ملن. ەۋرودان ارتىق اقشا ۇتىپ الىپتى. بۇل ويىننىڭ ءبىر لوتەرەيا بيلەتى ەكى ەۋرو تۇرادى. ال وعان قاتىسۋشىلار سانى 200 ملن. ادام كورىنەدى.
بۇدان بۇرىن بريتانيانىڭ 45 جاسار گەورگي ترايكوۆ دەگەن ءناسىلى بولگار تۇرعىنى ءبىر جارىم جىلدا ەكى رەت ءىرى ۇتىسقا يە بولىپ, 1.1 ملن. فۋنت تاپقان ەكەن.
مۇرات ايتقوجا.
