قوس قالا تورىنە ازيادا اياڭداپ كەلە جاتىر

كەشە ءبىر ۋاقىتتا  ەكى قالادا –  استانا مەن  الماتىدا 2011 جىلعى ءVىى قىسقى ازيا ويىندارىنىڭ باستالۋىنا قانشا كۇن قالعاندىعىن كورسەتەتىن كەرى ەسەپتەۋ تابلوسى ىسكە قوسىلدى.  استاناداعى راسىمگە  تۋريزم جانە سپورت ۆيتسە-ءمينيسترى  تالعات  ەرمەگياەۆ,   استانا اكىمى  يمانعالي  تاسماعامبەتوۆ,  اوك (قحر) ۆيتسە-پرەزيدەنتى ۆەي دجيجونگ, اوك (شري-لانكا) مادەنيەت جانە ءبىلىم كوميتەتىنىڭ توراعاسى حەماسيري فەرناندو,  ۆانكۋۆەردەگى قىسقى وليمپيا  ويىندارىنىڭ كۇمىس جۇلدەگەرى ەلەنا حرۋستالەۆا جانە وزگە دە بەلگىلى سپورت قايراتكەرلەرى قاتىستى. تابلونىڭ اشىلۋ سالتاناتى اوك-قا مۇشە ەلدەر تۋلارىن كوتەرگەن شەرۋمەن باستالدى. وسىدان كەيىن ءسوز العان ەلوردا اكىمى يمانعالي تاسماعامبەتوۆ “كەلەر جىلى ەلىمىزدە جالاۋى كوتەرىلگەلى وتىرعان ءVىى قىسقى ازيا ويىندارى دۇشپاندى دوس, دوستى تۋىس ەتەتىن دودا بولماق. بۇگىنگى سپورتتىق مەرەكە بارشامىزعا قۇتتى بولسىن”, – دەپ جيىلعان جۇرتتى قۇتتىقتاسا, تۋريزم جانە سپورت ۆيتسە-ءمينيسترى تالعات ەرمەگياەۆ اتالعان دودانىڭ ماڭىزدىلىعىنا توقتالىپ, ءدۇبىرلى سايىستا ەلىمىز ساڭلاقتارى ولجانى مولىنان سالاتىندىعىنا ءۇمىتتى ەكەندىگىن جەتكىزدى. ازيا ويىندارىنىڭ قالىپتاسقان ءداستۇرى بويىنشا ءبىر ۋاقىتتا ءىرى سپورتتىق فورۋمداردىڭ مىندەتتى اتريبۋتى بولىپ تابىلاتىن تابلو ىسكە قوسىلدى. بۇل –  ازيادانىڭ پيار-ناۋقانىنىڭ شەڭبەرىندە جوسپارلانعان بىردەن-ءبىر شارا. تابلو الماتىدا ايەلدەر اراسىندا شايبالى حوككەيدەن جارىس وتەتىن اباي داڭعىلى مەن بايتۇرسىنوۆ كوشەسىنىڭ قيىلىسىنداعى بالۋان شولاق اتىنداعى سپورت  سارايىنىڭ الدىندا, ال استانادا كەرى ەسەپتەۋ ساعاتى “استانا-ارەنا” جاڭا فۋتبول ستاديونىنىڭ الدىندا ورنا­لاس­قان. مۇندا ويىنداردىڭ رەسمي سال­تا­ناتتى اشىلۋى وتەدى. ويىندار اياق­تالعاننان كەيىن دە تابلونى ساقتاۋ جوس­پارلانىپ وتىر. بۇل قازاقستاندا حا­لىقارالىق دارەجەدەگى تۇڭعىش رەت وتكەن ءىرى سپورتتىق فورۋم – اق ازيادا تۋرالى ەستەلىك بولىپ قالماق. مۇنىمەن قوسا, استاناداعى سالىنىپ جاتقان الەمدىك كلاستاعى سپورتتىق ينفراقۇرىلىمىنىڭ سيمۆولى بولماق. ەستەرىڭىزگە سالا كەتەيىك, جاڭا فۋتبول ارەناسىنىڭ جانىندا كونكي تەبۋ ستاديونى, رەسپۋبليكالىق ۆەلوترەك بار. وندا دا 2011 جىلعى ءVىى قىسقى ازيا ويىندارىنىڭ جارىستارى وتەدى. كەرى ەسەپتەۋ تابلوسى  كريستالل ءتا­رىزدەس ازيادانىڭ فيرمالىق ديزاينىنىڭ ماتەريالىنان جاسالعان. ال قىسقى ازيا ويىندارىنا ارنالعان نىسان كوم­پو­زي­تسياسى تاستى جارىپ شىققان تاۋ گ ۇلى تەكتەس, ياعني ايتۋلى وقيعانى, بەينەبىر عاجاپ كورىنىستى بىلدىرەدى. ازيادا وتەتىن رەسپۋبليكانىڭ ەكى باس قالاسىندا – استانا مەن الماتىدا قۇر­لىقتىڭ مەنمىن دەگەن سايىپقىران سپورتشىلارى ءوز باقتارىن سىنايدى. اتالعان دودانىڭ وتەتىن ۋاقىتى 2011 جىلعى 30 قاڭتار مەن 6 اقپان ارالىعى. ازيا­دادا 11 سپورت تۇرىنەن 69 مەدال جيىنتىعى ساراپقا سالىنادى. بۇگىن ازيادانىڭ باستالۋىنا 305 كۇن قالدى... ءابدىراحمان قىدىربەك, استانا. *** بۇل كۇندەرى الماتىداعى “ينتەركونتينەنتال” قوناقۇيىندە ءVىى قىسقى ازيا ويىندارىنىڭ Chefs de ءMىssىon سەمينارى ءوتىپ جاتىر. اتى ايتىپ تۇرعانداي, ناۋرىزدىڭ 29-31 ارالىعىنداعى بۇل اسا ءىرى باسقوسۋعا ازيا وليمپيادالىق كەڭەسى كوميتەتتەرىنىڭ جەتەكشىلەرى مەن وسى كەڭەستىڭ قۇرامىنا كىرەتىن 45 ەل ۇلتتىق وليمپيادا كوميتەتتەرىنىڭ جانە باسقا دا ءتيىستى ۇيىمداردىڭ وكىلدەرى قاتىسۋدا. سونداي-اق, كەشە الماتى مەن استانا قالالارىندا قاتارىنان “كەرى ساناۋ تابلوسىنىڭ اشىلۋى”  سالتاناتى  بولىپ ءوتتى. Chefs de ءMىssىon سەمينارى – ازيالىق جانە وليمپيالىق ويىن­دارى باستالعانعا دەيىن مىندەتتى تۇردە بولاتىن باسقوسۋ. مۇنداي شارا بارىسىندا ويىنداردى ۇيىم­داستىرۋ كوميتەتى وعان قاتىسۋشى مەملەكەتتەر الدىندا  قىستىق بول­سىن, جازدىق بولسىن, وليم­پيالىق جانە ازيالىق ويىن­دارىنا دايىندىق بارىسى جونىندە جان-جاقتى ەسەپ بەرەدى. مۇنداي ەسەپ بەرۋلەر سپورتتىق نىسان­داردىڭ قۇرىلىسى قالاي ءجۇرىپ جاتقانىن, سپورت­شىلاردى قوناقۇي­لەرگە ورنالاس­تىرۋدىڭ ءجون-جوسى­عىن, لوگيس­تيكانى, ۆولونتەرلىق قوزعالىس­تاردى, قىسقاسى, ءبارىن-ءبارىن قامتيدى. ء“دال قازىرگى كەزەڭدە بىزدەر ويىندارعا دايىندىق بارىسى بويىنشا كوزدەگەن ماقساتتارىمىزعا جىلجىپ كەلە جاتىر­مىز. جانە ءبىز ءۇشىن سەمينار كەزىندە ور­تاعا سالىناتىن دەلەگاتتاردىڭ ۇسىنىس-ءپى­كىرلەرىنە دەن قويۋ وتە ماڭىزدى. ءوز كە­زەگىندە, سەمينارعا قاتىسۋشىلار ەلدەرىنە ورالعان سوڭ وسىندا العان اقپاراتتارىن تاراتاتىن بولادى”, دەيدى “2011 جىلعى ءVىى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى” اق ۆيتسە-پرەزيدەنتى سەرىك قۇلمىرزاەۆ. سونىمەن الماتىدا توعىسقان ازيا وليمپيادالىق كەڭەسىنىڭ باسشىلارى بۇل كۇندەرى كەلەر جىلى وتەتىن قىسقى ازيا ويىندارىنا دايىندىق بارىسىنىڭ بارلىق باعىتىن جان-جاقتى تالقىلاۋ ۇستىندە. ونىڭ ىشىندە جارىستار وتەتىن نىساندار, دوپينگكە قارسى ەرەجەلەر, قا­ۋىپ­سىزدىك شارالارى, بيلەتتەردى ساتۋ سترا­تە­گياسى, ماركەتينگ, ەرىكتىلەردىڭ جۇ­مىستارىن ۇيلەستىرۋ تياناقتى وي­لاس­تىرىلىپ جاتىر. سونداي-اق, سەمينارعا قاتىسۋشىلار بارلىق سپورتتىق كە­شەندەردى دە ارالاپ كورۋدە. بۇل باسقوسۋدىڭ تاعى ءبىر باستى وقيعاسى – “كەرى ساناۋ تابلوسىن اشۋ” رەسمي سالتاناتى. كەشە بۇل شارا دا ەكى بىردەي قالادا بار ءسان-سالتاناتىمەن باستالدى. ەندىگى جەردە, استانا مەن الماتى قالالارىنداعى ۇلكەن تابلو اق ازيادانىڭ باستالۋىنا قانشا تاۋلىك قالعانىن ءسات سايىن قازاقستاندىقتاردىڭ ەسىنە سالىپ, ايتۋلى كۇندەردىڭ اياڭداپ كەلە جاتقانىن ءبىلدىرىپ وتىراتىن بولادى. الماتىداعى جوعارىداعى ەلەكتروندى الىپ كورسەتكىش ساعات رەسپۋبليكالىق بالۋان شولاق سپورت سارايىنىڭ الدىنا ورناتىلىپ اشىلدى. رەتى كەلىپ تۇرعاندا, بۇل سپورتتىق دودادا 69 جۇلدە جيىنتىعى ساراپقا سالىنعالى تۇرعانىن ەسكە سالا كەتەلىك. الدىن الا جاسالىنىپ جاتقان بولجامدار بويىنشا, 2011 جىلعى قىسقى ويىندارعا 30-دان استام ازيا ەلدەرىنىڭ سپورت­شىلارى قاتىسادى دەپ كۇتىلۋدە. سونداي-اق, كەشە  Chefs de ءMىssىon سەمينارى كەزىندە جۋرناليستەر ءۇشىن العاشقى ءباسپاسوز بريفينگى دە بولىپ ءوتتى. ازيا وليمپيادالىق كەڭەسىنىڭ ومىرلىك قۇرمەتتى ۆيتسە-پرەزيدەنتى ۆەي دجيجونگ, ازيا وليمپيادالىق كەڭەسىنىڭ ارناۋلى وكىلى حايدەر فارمان, “2011 جىلعى ءVىى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى” اق پرەزيدەنتى ءاناتولى قۇلنازاروۆ جۋر­ناليستەرگە العاشقى سۇحباتتارىن بەردى. سپيكەرلەردىڭ مالىمدەۋىنشە, الدا قازاقستاندا وتەتىن قىسقى ازيا ويىن­دا­رىنا دايىندىق بارىسى سەمينارعا قا­تىسۋشىلاردىڭ كوڭىلىنەن شىققان. قىسقا بريفينگ كەزىندە ارىپتەستەرىمىز بارلىق ساۋالدارعا ۇعىنىقتى جاۋاپتار الىپ ۇلگەردى. ۆەي دجيجونگ مىرزا وليم­پيادا الاۋىنىڭ ەستافەتاسىنان باستاپ, مەديتسينالىق قىزمەت كورسەتۋ, شەتەلدىك بۇ­قارالىق اقپارات قۇرالدارىن اك­كرە­ديتاتسيالاۋ,  جەدەل اقپارات تاراتۋ, تەلەۆيزيا ارقىلى جارىستى تىكەلەي تران­سليا­تسيالاۋ, تەحنيكالىق تۇيتكىلدەردى بولدىرماۋ سىندى جانە مادەني شارا­لاردى قالاي وتكىزۋ ماسەلەلەرى ەگجەي-تەگجەيلى تالقىلانىپ جاتقانىن رەسمي تۇردە مالىمدەدى. – ءدال قازىرگى ساتتە قازاقستاننىڭ ازيا ويىندارىنا دايىندىق بارىسى وتە جاقسى ەكەندىگىن مالىمدەگىم كەلەدى. ويتكەنى, مۇنداعى  “AWAGOC 2011” دەپ اتا­لاتىن ۇيىمداستىرۋ كوميتەتى دا­يىندىق جۇمىستارىن جان-جاقتى جۇرگىزىپ جاتىر جانە ول ازيا وليمپيادالىق كەڭەسىنىڭ بارلىق تالاپتارىنا جاۋاپ بەرەدى. مەن الداعى قىسقى وليمپيادانىڭ ءساتتى وتەتىنىنە سەنەمىن! ەڭ باستىسى – مەملەكەت باسشىلىعى بۇل ىسكە ۇلكەن قولداۋ كورسەتىپ وتىر, – دەدى ۆەي دجيجونگ مىرزا. – ازيادا دا ءىس جۇزىندە وليمپيادالىق ويىندار سەكىلدى.  ونىڭ اۋقىمىن مىقتى ۇيىمداستىرۋ جۇمىستارى مەن مە­نەد­ج­مەنت ۇلعايتا الادى. مەن الدا كەلە جاتقان ازيادا ويىندارىندا قازاق­ستاندىق سپورت تاريحىندا جارقىن جولدار بولىپ جازىلاتىن الەمدىك رەكوردتار جاسالىناتىنىنا سەنىمدىمىن, – دەپ اتاپ ءوتتى اوك وكىلى حايدەر فارمان. ايناش ەسالي,  الماتى.