جامبىل وبلىسىنىڭ اكىمى بەردىبەك ساپارباەۆ 2014 جىلى ءوز قىزمەتىن توقتاتقان اتالعان جوعارعى وقۋ ورنىنىڭ عيماراتتارىنا باردى. سودان بەرى ماتەريالدىق-تەحنيكالىق بازامەن قامتىلعان, جالپى اۋدانى 18 مىڭ شارشى مەتردەن اساتىن ءۇش كورپۋستىڭ جۇمىسى توقتاپ تۇر. مەنشىك يەسى مۇندا 1200 ورىندىق مەكتەپ-گيمنازيا مەن ورتا بۋىنداعى مەديتسينالىق قىزمەتكەرلەر دايىندايتىن كوللەدج قۇرۋعا 700 ميلليون تەڭگەدەن استام قاراجات سالۋدى جوسپارلاپ وتىر.
وبلىس اكىمى اتالعان جوبالاردى ماقۇلداپ, وڭىردە جوعارى ساپالى ءبىلىم بەرەتىن جاڭا وقۋ ورىندارىن قۇرۋدىڭ ماڭىزدىلىعىن اتاپ ءوتتى.
سونداي-اق, بەردىبەك ساپارباەۆ بۇرىڭعى «تاراز» قوناق ءۇيىنىڭ ەسكى عيماراتىندا ورنالاسقان تاراز يننوۆاتسيالىق-گۋمانيتارلىق ۋنيۆەرسيتەتىنىڭ «ستۋدەنتتەر ۇيىندە» بولدى. وتكەن جىلى قوناق ءۇي عيماراتى جوندەلىپ, 500 ورىندىق ستۋدەنتتىك جاتاقحانا بولىپ قايتا جابدىقتالعان. جاتاقحانادا كوۆوركينگ-ورتالىق, ءماجىلىس, ەلەكتروندى وقىتۋ زالدارى, بەينە-ستۋديا, كينوزال جانە اسحانا, سونىمەن قاتار باسقا قالالاردان كەلگەن ستۋدەنتتەردىڭ جايلى ورنالاسىۋىنا ارنالعان باسقا دا بولمەلەر بار.
بۇدان سوڭ ايماق باسشىسى تاراز قالاسىن اباتتاندىرۋ جانە جاڭا الەۋمەتتىك, يننوۆاتسيالىق نىسانداردىڭ قۇرىلىسى بويىنشا الداعى ۋاقىتتا جۇزەگە اساتىن باياندى جوبالارمەن تانىستى.
بۇل كۇنى بەردىبەك ساپارباەۆ «ايشا-ءبيبى» شەكارالىق بەكەتىندە بولىپ, كەدەندىك جانە شەكارالىق قىزمەتتەردىڭ, سونداي-اق قىرعىزستاننان كەلگەن ازاماتتاردى تەكسەرۋمەن اينالىساتىن مەديتسينا ماماندارىنىڭ قىزمەتىمەن تانىستى. وتكەن تاۋلىكتە بۇل بەكەت ارقىلى 124 ادام وتسە, ونىڭ ىشىندە دەنە قىزۋ بار نەمەسە 1ا, 1ب, 2 جانە 3 ساناتتاعى ەلدەردەن كەلۋشىلەر تىركەلمەگەن.
وبلىس اكىمى قاۋىپسىزدىكتى قامتاماسىز ەتۋ جانە دەنساۋلىقتى ساقتاۋ بويىنشا قويىلىپ وتىرعان مىندەتتەردى ساپالى جۇزەگە اسىرۋدىڭ ماڭىزدىلىعىن اتاپ ءوتىپ, سالالىق ۆەدومستۆولار مەن جامبىل اۋدانىنىڭ اكىمدىگىنە بىرقاتار تاپسىرمالار جۇكتەدى.
