ايماقتار • 22 ناۋرىز، 2020

ازاماتتاردى ۇيدەن شىقپاۋعا شاقىرامىز - ا. كولگىنوۆ

110 رەتكورسەتىلدى

ەلوردا اكىمى التاي كولگىنوۆ بۇگىن ءوزىنىڭ Facebook-پاراقشاسىندا قالادا جاريالانعان كارانتين جاعدايىنداعى شارالار تۋرالى جازبا جاريالادى. 

«قۇرمەتتى قالا تۇرعىندارى!
نۇر-سۇلتان قالاسىندا كارانتين جاريالاندى. 22 ناۋرىز كۇنى ساعات 00:00دەن باستاپ ەلورداعا كىرىپ-شىعۋعا تىيىم سالىندى. نۇر-سۇلتان قالاسى بويىنشا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتاب مىناداي جۇمىستار اتقارۋدا:

- شەتەلدەن كەلگەن بارلىق جولاۋشىلاردى بىردەن مەديتسينالىق ستاتسيونارعا ورنالاستىرامىز. مەديتسينالىق قىزمەتكەرلەر قالاعا ۇشىپ كەلگەن ازاماتتاردى بىردەن ساراپتامادان وتكىزەدى. ساراپتامانىڭ ناتيجەسىندە دەنساۋلىعى قالىپتى بولعان جاعدايدا عانا كەلگەن ازاماتتار قالاعا كىرە الادى. بۇل شارالار تۇرعىندارىمىزدىڭ قاۋىپسىزدىگى ءۇشىن قابىلدانىپ وتىر.

- قالاعا ازىق – ت ۇلىك پەن قاجەتتى تاۋارلاردى تاسىمالداۋعا ەش كەدەرگى جوق. "جاسىل ءدالىز" جۇيەسى جۇمىس ىستەيدى. جۇرگىزۋشىلەر مەن ەكسپەديتورلاردىڭ ماسكالارى، تاۋارعا ىلەسپە قۇجاتتارى، جەكە كۋالىكتەرى، تەحپاسپورت سياقتى قۇجاتتارى بولۋى ءتيىس. قالا اكىمدىگى تىركەۋ ۋاقىتىن قىسقارتۋعا مۇمكىندىك بەرەتىن ءموبيلدى قوسىمشانى ىسكە قوستى. قوسىمشا پوليتسيا قىزمەتتەرىنىڭ پلانشەتتەرىنە جۇكتەلدى. قوسىمشاعا قالانىڭ تىنىس-تىرشىلىگىن قامتاماسىز ەتەتىن مەكەمەلەردە (جەو، كوممۋنالدىق قىزمەتتەر، تجد ) جۇمىس ىستەيتىن قىزمەتكەرلەردىڭ دەرەكتەرى جۇكتەلدى. قىزمەتكەرلەر جۇمىستان ۇيگە قاتىناي الادى.

- سانيتارلىق نورمالار كۇشەيتىلدى. دەزينفەكتسيا بارلىق الەۋمەتتىك نىسانداردا، ساۋدا ويىن-ساۋىق ورتالىقتارىندا، بازارلاردا، تۇرعىن ءۇي كەشەندەرىنىڭ كىرەبەرىستەرىندە، قوناق ۇيلەردە، سونداي-اق ايالدامالاردا، اۆتوبۋستاردا جانە ت. ب. جۇرگىزىلىپ جاتىر.

- كافە، مەيرامحانا، تۇنگى كلۋب، كيىم ساتاتىن دۇكەندەر، بالالاردىڭ وينايتىن الاڭ، سپورت ورتالىعى سىندى نىساندار جانە ت. ب. جۇمىسىن ۋاقىتشا توقتاتتى.

ازاماتتاردى ۇيدەن شىقپاۋعا، بارلىق قاۋىپسىزدىك شارالارىن ساقتاۋعا شاقىرامىز» دەلىنگەن جازبادا.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار