تۇسىنىكتەمە

“قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاما جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى” قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №958 جارلىعىنا تۇسىنىكتەمە مەملەكەت باسشىسى 2010 جىلعى 19 ناۋرىزدا “قازاقستان رەسپۋبليكاسىن ۇدە­مەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاما جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى” جارلىققا قول قويدى. قازاقستان رەسپۋبليكاسىنىڭ ۇكىمەتى ازىرلەگەن ۇدەمەلى يندۋستريالىق-يننو­ۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاما (بۇدان ءارى – باعدارلاما) كەلەسى مىندەتتەردى كوزدەيدى: ەكونوميكانى ءارتاراپتاندىرۋ جانە ونىڭ باسەكەگە قابىلەتتىلىگىن ارتتىرۋ ار­قىلى ورنىقتى جانە تەڭگەرىمدى ءوسۋىن قامتاماسىز ەتۋ; ەكونوميكانىڭ باسىم سەكتورلارىن دامىتۋدىڭ الەۋمەتتىك تيىمدىلىگىن كۇشەيتۋ جانە  ينۆەستيتسيالىق جوبالاردى ىسكە اسىرۋ; يندۋستريالاندىرۋ ءۇشىن قولايلى ورتا جاساۋ; ەكو­نوميكالىق الەۋەتتى ۇتىمدى اۋماق­تىق ۇيىمداستىرۋ نەگىزىندە ەكونوميكالىق ءوسۋ ورتالىقتارىن قۇرۋ; ەكونوميكانىڭ باسىم سالالارىن دا­مىتۋ پروتسەسىندە مەملەكەت پەن بيزنەستىڭ ءوزارا ءتيىمدى ءىس-قيمىلىن قامتاماسىز ەتۋ. باعدارلاما ەكونوميكانى ءارتاراپتان­دىرۋدىڭ جۇرگىزىلىپ وتىرعان ساياساتىنىڭ قيسىندى جالعاسى بولىپ تابىلادى ءارى قۇرامىنا يندۋستريالىق-يننوۆاتسيالىق دامۋدىڭ 2003-2015 جىلدارعا ارنالعان ستراتەگياسىنىڭ, “قازاقستاننىڭ 30 كور­پو­راتيۆتىك كوشباسشىسى” باعدار­لا­ماسىنىڭ, سونداي-اق يندۋستريالاندىرۋ سالاسىنداعى باسقا دا باعدارلامالىق قۇجاتتاردىڭ نەگىزگى تاسىلدەرىن بىرىكتىرەدى. 2015 جىلعا دەيىنگى كەزەڭدە قازاق­ستاندىق قامتۋدى ماقساتتى دامىتۋ ارقىلى شا­عىن جانە ورتا بيزنەس, كەيىنگى قايتا ءبولۋ جانە قايتا وڭدەۋ ءۇشىن جاڭا بيزنەس-ءمۇم­كىندىكتەردى مۋلتيپليكاتسيالاۋمەن ەكو­نوميكانىڭ ءداستۇرلى ەكسپورتقا باع­دار­لانعان سەكتور­لارىندا ءىرى ينۆەس­تيتسيالىق جوبالاردى ىسكە اسىرۋ ۇدەمەلى يندۋس­تريا­لاندىرۋ ساياساتىنىڭ نەگىزگى باسىمدىعى بولماق. شيكىزات سەكتورىمەن بايلانىستى ەمەس جانە ىشكى, ال كەيىننەن وڭىرلىك نارىقتارعا باعدارلانعان ەكونوميكا سالالارىن قالىپتاستىرۋ جانە كۇشەيتۋ قاتار جۇزەگە اسىرىلاتىن بولادى. مەملەكەت وزىق تەحنولوگيالار ترانس­فەرتىنە, كەيىننەن ولاردىڭ ەكسپورتقا باع­دارلانۋىن دامىتا وتىرىپ, قازىرگى زامانعى يمپورت  الماستىرۋشى ءوندىرىستى قۇرۋ ءۇشىن شەتەل ينۆەستورلارىن تارتۋعا باعىتتالعان قازاقستاندىق ورتا جانە شاعىن بيزنەس باستامالارىن قولدايتىن بولادى. جالپى العاندا, ەكونوميكانى ءارتا­راپ­تاندىرۋدى مەملەكەتتىك قولداۋ ماكرو جانە سەكتورلىق دەڭگەيلەردە ەكونوميكالىق ساياساتتىڭ جۇيەلى شارالارىن, سونداي-اق ەكونوميكانىڭ ناقتى سەكتورلارىن جانە جو­بالاردى قولداۋدىڭ سەلەكتيۆتى شارا­لارىن ىسكە اسىرۋ ارقىلى جۇزەگە اسىرىلماق. باعدارلامانى تابىستى ىسكە اسىرۋ ونى ءارتاراپتاندىرۋ جانە ۇزاق مەرزىمدى كەزەڭدە باسەكەگە قابىلەتتىلىكتى ارتتىرۋ ارقىلى ورنىقتى جانە تەڭگەرىمدى ءوسۋدى قامتاماسىز ەتۋگە ىقپال ەتەتىن بولادى. ەڭبەك ونىمدىلىگىنىڭ ءوسۋى, ۇلتتىق يننو­ۆاتسيالىق جۇيەنىڭ دامۋى مەن نىعايۋى, شاعىن جانە ورتا بيزنەس ءرولىنىڭ كۇشەيۋى, ەكونوميكانى ءارتاراپتاندىرۋ, وندىرگىش كۇشتەردىڭ ۇتىمدى ۇيىم­داستىرىلۋى, ادامي كاپيتال ساپاسىنىڭ ارتتىرىلۋى باعدارلامانىڭ نەگىزى ساپالىق ناتيجەسى بولادى. ەكونوميكانىڭ ەكسپورتقا باع­دارلانعان ءداستۇرلى سەكتورلارى كەيىنگى ءبولىنىستى وندىرىستەردى دامىتۋ جانە ەكونوميكانىڭ سالالاس سەكتورلارىنا ولاردى دامىتۋدىڭ مۋلتيپليكاتيۆتىك كەڭ اۋقىمدى اسەرىن قامتا­ماسىز ەتۋ ەسەبىنەن يندۋستريا­لاندىرۋدىڭ لوكوموتيۆى ءرولىن اتقارادى. قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى.