قازاق ادەبيەتى مەن رۋحانياتى تاعى ءبىر اۋىر قازاعا ۇشىرادى. 75 جاسقا قاراعان شاعىندا قارىمدى قالامگەر, ۇلتىمىزدىڭ ۇلاعاتتى ازاماتى سابىرجان شۇكىر ۇلى دۇنيەدەن وزدى.
تۋمىسىنان تابيعاتى تازا شىعارماشىلىق وكىلى 1939 جىلى 12 تامىزدا قوستاناي وبلىسى, اۋليەكول اۋدانى, دوستيار مەكەنىندە دۇنيەگە كەلگەن. 1959-1961 جىلدارى وڭتۇستىك تورعاي كەن زەرتتەۋ جانە بارلاۋ ەكسپەديتسياسىنداعى توپوگرافيالىق وتريادتا قۇرىلىسشى, جانگەلدين اۋداندىق بايلانىس تورابىندا تەلەفون مونتەرى, اۋداندىق قامسىزداندىرۋ بولىمىندە ينسپەكتور, 1961-1965 جىلدارى اۋداندىق «سوتسياليستىك اۋىل», كەيىن «جاڭا ءومىر» – «نوۆايا جيزن» گازەتتەرىندە ادەبي قىزمەتكەر, اۋدارماشى, ءبولىم مەڭگەرۋشىسى, 1965 جىلى جانگەلدين اۋداندىق كومسومول كوميتەتىنىڭ ءبىرىنشى حاتشىسى بولدى.
قازاق ادەبيەتى مەن رۋحانياتى تاعى ءبىر اۋىر قازاعا ۇشىرادى. 75 جاسقا قاراعان شاعىندا قارىمدى قالامگەر, ۇلتىمىزدىڭ ۇلاعاتتى ازاماتى سابىرجان شۇكىر ۇلى دۇنيەدەن وزدى.
تۋمىسىنان تابيعاتى تازا شىعارماشىلىق وكىلى 1939 جىلى 12 تامىزدا قوستاناي وبلىسى, اۋليەكول اۋدانى, دوستيار مەكەنىندە دۇنيەگە كەلگەن. 1959-1961 جىلدارى وڭتۇستىك تورعاي كەن زەرتتەۋ جانە بارلاۋ ەكسپەديتسياسىنداعى توپوگرافيالىق وتريادتا قۇرىلىسشى, جانگەلدين اۋداندىق بايلانىس تورابىندا تەلەفون مونتەرى, اۋداندىق قامسىزداندىرۋ بولىمىندە ينسپەكتور, 1961-1965 جىلدارى اۋداندىق «سوتسياليستىك اۋىل», كەيىن «جاڭا ءومىر» – «نوۆايا جيزن» گازەتتەرىندە ادەبي قىزمەتكەر, اۋدارماشى, ءبولىم مەڭگەرۋشىسى, 1965 جىلى جانگەلدين اۋداندىق كومسومول كوميتەتىنىڭ ءبىرىنشى حاتشىسى بولدى.
1969 جىلى قازمۋ-ءدىڭ جۋرناليستيكا فاكۋلتەتىن, 1972 جىلى الماتى جوعارى پارتيا مەكتەبىن تامامداعان سوڭ تورعاي وبلىستىق پارتيا كوميتەتىندە نۇسقاۋشى بولىپ قىزمەت ەتتى. 1974-1988 جىلدارى «سوتسياليستىك قازاقستان» (قازىرگى «ەگەمەن قازاقستان») گازەتىنىڭ تورعاي وبلىسىنداعى مەنشىكتى ءتىلشىسى, اعا ءتىلشى, ءبولىم مەڭگەرۋشىسى, القا مۇشەسى, 1990 جىلى «سوتسياليستىك قازاقستان» گازەتى باس رەداكتورىنىڭ ورىنباسارى, 1992-1998 جىلدارى «سۇحبات» ەكونوميكالىق اپتالىعىنىڭ باس رەداكتورى, «انا ءتىلى» ۇلت اپتالىعى باس رەداكتورىنىڭ ورىنباسارى جۇمىستارىن جەمىستى اتقاردى.
سابىرجان شۇكىر ۇلى – قازاقستان جازۋشىلار جانە جۋرناليستەر وداقتارىنىڭ مۇشەسى. تاباندى ەڭبەگى مەن قارىمدى شىعارماشىلىق قىزمەتى ءۇشىن 1968 جىلى قازاق سسر جوعارعى سوۆەتىنىڭ قۇرمەت گراموتاسىمەن, 1970 جىلى ۆ.ي.لەنيننىڭ 100 جىلدىعىنا ارنالعان مەرەكەلىك مەدالمەن ماراپاتتالىپ, 1989 جىلى «قازاق سسر-ءىنىڭ ەڭبەك سىڭىرگەن مادەنيەت قايراتكەرى» اتاعىن العان. ول – 1993 جىلعى قازاقستان جۋرناليستەر وداعى سىيلىعىنىڭ لاۋرەاتى.
شىعارماشىلىق يەسىنىڭ قالامىنان تۋعان «تاماشا ءومىر», «شاقشاق جانىبەك» اتتى دەرەكتى اڭگىمەلەرى, «ناقپا-ناق» اتتى وي تۇيىندەرى, «رۋحاني ءورىس كەرنەۋى» ادەبي سىن-زەرتتەۋى مەن «و زاماندا بۇ زامان» اتتى پۋبليتسيستيكالىق كىتاپتارى وقىرمان قاۋىمنان جوعارى باعاسىن العان. ۇلتجاندى قالامگەردىڭ وي ءتۇيىندەرى مەرزىمدى ءباسپاسوز بەتتەرىندە ءجيى جارىق كورىپ, ۇرپاقتىڭ دامۋىنا, ۇلاعاتتى ازاماتتاردىڭ قالىپتاسىپ, وتانسۇيگىشتىك قاسيەتتەردىڭ ءورىستەۋىنە يگى اسەر ەتتى. ءومىردە سىپايى دا مادەنيەتتى قالپىنان اينىماعان, بەكزات بولمىستى, ادامگەرشىلىگى مول, كوركەم مىنەزدى, ەڭبەكقور, اياۋلى ارىپتەسىمىزدىڭ جارقىن بەينەسى ءبىزدىڭ جۇرەگىمىزدە ۇزاق ساقتالادى.
قازاقستان جازۋشىلار
وداعى باسقارماسى.
قايران, ساكەم, باقۇل بول!
«ا, قۇداي, قازاعا سابىر بەرە كور!» دەپ, سوڭعى ەكى ايدىڭ جۇزىندە جالبارىنۋدا بولعانىمىزبەن, بەتى قاتتى ناۋقاستان جۇرەگى قۇرعىر قانشا سەكەم الىپ, ءۇمىت پەن ۇرەيدىڭ قايشىلاسۋىندا جۇرگەنىمىزبەن: «سابىرجان قايتىس بولدى», دەگەن سۋىق ءسوز وقىس ەستىلىپ, توبەمنەن جاي تۇسىرگەندەي بولدى. ەندى-ەندى ەس ءبىلىپ, ازامات اتانعان شاقتان بەرى ءومىردىڭ جول-سوقپاقتارىندا قول ۇستاسىپ بىرگە جۇرگەن, جالىنداعان جاستىقتىڭ كوپ قىزىقتارىن بىرگە كورىپ, جاسامىس تارتقان شاقتا ويىمىز دا, سويىمىز دا جاراسقان جان دوسىمنان قاپيادا ايىرىلىپ قالارمىن دەگەن وي قاپەرىمدە جوق ەدى عوي.
سوناۋ قارت تورعايدىڭ قاسيەتتى توپىراعىندا, الاقانداي عانا اۋداندىق گازەتتىڭ شاڭىراعى استىندا جالعاسقان كوڭىلىمىز بەن جاراسقان ءومىرىمىز قانداي قىزىق ەدى. ودان بەرى دە, قازاق ءباسپاسوزىنىڭ قارا شاڭىراعى «سوتسياليستىك قازاقستاننىڭ» قۇت-بەرەكەلى قابىرعاسىندا شىڭدالعان شىعارماشىلىق دوستىعىمىز دا ءدۇيىم ەلدىڭ نازارىندا بولدى. ەندى سونىڭ ءبارى ەستەلىك بولىپ, وتكەن كۇننىڭ ەنشىسىندە قالا بەرەتىنى قانداي قيىن. «شىركىن, سابىرجاننىڭ ءازىلى-اي!..» دەپ نەبىر ۇتقىر سوزدەرىن, تاپتى
