بەيسەنبى كۇنى پرەمەر-مينيستر سەرىك احمەتوۆتىڭ توراعالىعىمەن ەلدىڭ اگروونەركاسىپ كەشەنىن ودان ءارى دامىتۋ ماسەلەلەرى تالقىلانعان سەلەكتورلىق رەجىمدەگى كەڭەس بولىپ ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
بەيسەنبى كۇنى پرەمەر-مينيستر سەرىك احمەتوۆتىڭ توراعالىعىمەن ەلدىڭ اگروونەركاسىپ كەشەنىن ودان ءارى دامىتۋ ماسەلەلەرى تالقىلانعان سەلەكتورلىق رەجىمدەگى كەڭەس بولىپ ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
وعان مەملەكەتتىك ورگانداردىڭ, ءىرى اۋىلشارۋاشىلىق قۇرىلىمدارىنىڭ, اگرارلىق اسسوتسياتسيالار مەن وداقتاردىڭ باسشىلارى, عىلىمي ورتا وكىلدەرى قاتىستى.
اوك-ءتى دامىتۋ جونىندەگى جاڭا «اگروبيزنەس-2020» باعدارلاماسىن جۇزەگە اسىرۋ جۇمىستارى بەكىتىلگەن جوسپارلار شەڭبەرىندە جۇرگىزىلۋدە, دەدى ۇكىمەت باسشىسى. ول 2013 جىلدىڭ ۇيىمداستىرۋ جىلى بولىپ تابىلاتىنىن, زايمداردى كەپىلدەندىرۋ مەن ساقتاندىرۋ, ينۆەستيتسيالىق سۋبسيديالار, ساتىپ الۋ باعالارىن كەپىلدەندىرۋ سياقتى مەملەكەتتىك قولداۋدىڭ جاڭا تەتىكتەرى قولدانىستاعى زاڭنامالارعا ءتيىستى وزگەرتۋلەر ەنگىزىلگەننەن كەيىن, 2014 جىلدان باستاپ جۇمىس ىستەيتىن بولادى, دەپ اتاپ ءوتتى ول.
سالاداعى جاعداي, جاڭا «اگروبيزنەس-2020» سالالىق باعدارلاماسىنىڭ ورىندالۋ بارىسى, ونىڭ تەتىكتەرى مەن قۇرالدارى تۋرالى اۋىل شارۋاشىلىعى ءمينيسترى اسىلجان مامىتبەكوۆ باياندادى. ول اوك-كە مەملەكەتتىك قولداۋ كولەمىن 4,5 ەسە ارتتىرۋ قاراستىرىلىپ جاتقانىن, ونى جۇزەگە اسىرۋ كەزەڭىندە سالاعا 10 تريلليون تەڭگەدەن كەم ەمەس جەكە قارجىلار تارتىلاتىنىن اتاپ ءوتتى.
باعدارلامانىڭ نەگىزگى ماقساتتى ينديكاتورلارى قاتارىندا قارجىلىق ساۋىقتىرۋ, تاۋارلاردىڭ, جۇمىستار مەن قىزمەتتەردىڭ اوك سۋبەكتىلەرى ءۇشىن قولجەتىمدىلىگىن ارتتىرۋ, اوك سۋبەكتىلەرىن قامتاماسىز ەتۋدىڭ مەملەكەتتىك جۇيەسى دامىتۋ, سالانى مەملەكەتتىك رەتتەۋ جۇيەسىنىڭ تيىمدىلىگىن ارتتىرۋ سياقتى شارالار بار.
ا.مامىتبەكوۆتىڭ ايتۋىنشا, قارجىلاي ساۋىقتىرۋ ءۇشىن مينيسترلىك اوك سۋبەكتىلەرىنىڭ كرەديتتىك جانە ليزينگتىك ءمىندەتتەمەلەرى بويىنشا سىياقىلارىنىڭ ستاۆكالارىن سۋبسيديالاۋ ەرەجەلەرىن بەكىتكەن, جەرگىلىكتى جەرلەردە تۇسىنىك جۇمىستارى ءجۇرگىزىلىپ, انىقتامالار الۋ ءۇشىن call-centr اشىلعان (تەل.8 800 080 7080). مينيستر سونداي-اق, زايمداردى كەپىلدەندىرۋ مەن ساقتاندىرۋدى, سۋبسيديالاۋ ەرەجەلەرىنىڭ وزگەرۋىن, نورماتيۆتىك-قۇقىقتىق بازانىڭ جەتىلدىرىلۋىن دە مەملەكەتتىك قولداۋدىڭ جاڭا قۇرالدارى رەتىندە اتادى.
سول سياقتى, مينيستر ۆەتەرينارلىق قاۋىپسىزدىكتى قامتاماسىز ەتۋ, اوك سالاسىندا مەملەكەتتىك قىزمەت كورسەتۋلەردى دامىتۋ جونىندەگى شارالار تۋرالى دا حابارلادى. ون ءبىر قىزمەتتى اۆتوماتتاندىرۋ جوسپارلانۋدا, قىزمەت كورسەتۋدىڭ نورماتيۆتىك مەرزىمدەرى 60-تان 15 جۇمىس كۇنىنە دەيىن نەمەسە 25 پايىزعا, قۇجاتتاردىڭ نورماتيۆتىك سانى 12-دەن 4-كە دەيىن نەمەسە 33 پايىزعا قىسقاراتىن بولادى دەدى ا.مامىتبەكوۆ. ونىڭ ايتۋىنشا, اۋىل شارۋاشىلىعىنىڭ ءاربىر كىشى سالالارىن دامىتۋ بويىنشا كورسەتكىشتەردى جىلدارعا جانە وبلىستار بويىنشا بولە وتىرىپ 15 شەبەرلىك-جوسپار ءازىرلەنگەن. قۇجاتتار كەلىسىم الۋ ءۇشىن وبلىس اكىمدەرىنە جىبەرىلگەن.
كەڭەستە, سونداي-اق, «يۆولگا-حولدينگ» جشس باسشىسى ۆ.روزينوۆ, «زارەچنىي» جشس باسشىسى ۆ.دۆۋرەچەنسكي, «يجەۆسكوە» وك باسشىسى ي.جانعورازوۆ, «اكتەپ» وك باسشىسى ش.ساعىناليەۆ, «تۇرار» وك باسشىسى ك.وسپانوۆ, «پروكوپ» وك باسشىسى گ.پروكوپ, «قازاقستاننىڭ قۇس ءوسىرۋشىلەرى وداعى» زاڭدى تۇلعالار ءبىرلەستىگىنىڭ باسشىسى ر.شاريپوۆ, «قازاق ماقتا اسسوتسياتسياسى» زاڭدى تۇلعالار بىرلەستىگىنىڭ توراعاسى س.باقتىباەۆ, «قازاقستان فەرمەرلەرى وداعىنىڭ» ۆيتسە-پرەزيدەنتى ا.ابدۋكاليموۆ, ۇلتتىق عىلىم اكادەمياسىنىڭ اكادەميگى ع.قاليەۆ ءسوز سويلەدى.
كەڭەس قورىتىندىسىندا ۇكىمەت باسشىسى «اگروبيزنەس-2020» باعدارلاماسىنىڭ قازاقستاننىڭ اۋىل شارۋاشىلىعى سالاسىن جۇيەلى دامىتۋداعى ماڭىزىن ايتا كەلىپ, باعدارلاما جوباسىنىڭ ءبىر جىل بويى اۋىلشارۋاشىلىق تاۋار وندىرۋشىلەرىنىڭ جانە اگرارلىق قاۋىمداستىقتىڭ قاتىسۋىمەن تالقىلانعانىن جانە وعان مەملەكەت باسشىسىنىڭ قولداۋ بىلدىرگەنىن اتاپ كورسەتتى.
ۇكىمەتكە اوك-ءتى دامىتۋ ماسەلەلەرى جونىندەگى وسى سالامەن اينالىسىپ جۇرگەن بارشا جۇرتتىڭ, كاسىپقويلاردىڭ پىكىرلەرىن ءبىلۋدىڭ ماڭىزى زور. بۇگىن قىزىقتى ۇسىنىستار ايتىلدى, ءبىز ولاردى قاراستىرىپ, ءتيىستى شارالار قابىلدايتىن بولامىز, دەدى پرەمەر-مينيستر.
ۇكىمەت باسشىسى بىرقاتار ۇسىنىستار مەن ەسكەرتۋلەرگە تۇسىنىك بەرە وتىرىپ, اۋىلشارۋاشىلىق ونىمدەرىن قايتا وڭدەۋدى دامىتۋ ماسەلەلەرىنە نازار اۋداردى. اوك-تەگى ءىرى بيزنەس وڭدەۋشى سالانى ءوزىنىڭ قاناتىنىڭ استىنا الۋى ءتيىس, ول ءۇشىن بارلىق قاجەتتى جاعدايلار جاسالۋدا, ولار اگروونەركاسىپ ءوندىرىسىنىڭ كوپتەگەن پەرسپەكتيۆالى باعىتتارىن قامتيتىن باعدارلامادا قاراستىرىلعان, دەدى وسىعان وراي س.اح مەتوۆ.
ۇكىمەت باسشىسى باعدارلامانى جۇزەگە اسىرۋدىڭ ناقتى مەحانيزمدەرىنە ەنگىزۋ ءۇشىن ايتىلعان بارلىق ۇسىنىستارعا تالداۋ جاساپ, ولاردى پايداعا اسىرۋ جونىندە تاپسىرما بەرە وتىرىپ, ونىڭ تابىستى جۇزەگە اساتىنىنا, بۇتىندەي العاندا ەلدىڭ اگروونەركاسىپ كەشەنىنىڭ نىعايا تۇسەتىنىنە سەنىم ءبىلدىردى.
