كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ سلوۆاكيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەتەر يۋزانى ءوز ءوتىنىشى بويىنشا قابىلدادى.
كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ سلوۆاكيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەتەر يۋزانى ءوز ءوتىنىشى بويىنشا قابىلدادى.كەزدەسۋ بارىسىندا وسك توراعاسى يۋزا مىرزانى قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرى سايلاۋىنىڭ قورىتىندىلارىمەن تانىستىرىپ, بىرقاتار سۇراقتارعا جاۋاپ بەردى.
ورتسايلاۋكوم باسشىسى اتالعان سايلاۋ ءبىزدىڭ ەلىمىزدە العاشقى جەر-جەردەگى اكىمدەر سايلاۋى ەكەنىن جانە قولدانىستاعى زاڭناما مەن دەموكراتيالىق سايلاۋ پروتسەسى نورمالارىن ساقتاي وتىرىپ, ۇيىمداسقان تۇردە وتكەنىن اتاپ ءوتتى.
ال ەلشى ىنتىماقتاستىقتىڭ كەلەشەكتەگى دامۋىنا نيەت ءبىلدىردى جانە قازاقستان رەسپۋبليكاسىنىڭ سايلاۋ ۇيىمداستىرۋشىلارىنا ساتتىلىك تىلەدى.
ق.تۇرعانقۇلوۆ ورتالىق سايلاۋ كوميسسياسى قارىم-قاتىناستىقتىڭ بارلىق دەڭگەيىندە ءتاجىريبە مەن اقپارات الماسۋعا اشىق ەكەنىن جانە سىرتقى بايلانىستاردى حالىقارالىق ۇيىمدار شەڭبەرىندە, سونداي-اق, ەكىجاقتى كەزدەسۋلەر اياسىندا بەلسەندى دامىتاتىنىن اتاپ ءوتتى.
سلوۆاكيا رەسپۋبليكاسىنىڭ مەملەكەتتىك ورگاندارىمەن سايلاۋ سالاسىنداعى قارىم-قاتىناس بىرنەشە جىلدار بويى تۇراقتى نەگىزدە جۇزەگە اسىپ كەلەدى. اتاپ ايتقاندا, ورتسايلاۋكوم وكىلدەرى 2009 جىلى سلوۆاكيا رەسپۋبليكاسىنداعى پرەزيدەنتتىك سايلاۋدى بايقاۋعا, سونداي-اق, 2010 جىلى پارلامەنتتىك سايلاۋدى بايقاۋعا قاتىستى. ءوز كەزەگىندە سلوۆاكيا وكىلدەرى 2007 جانە 2011 جىلدارى قازاقستان رەسپۋبليكاسىنداعى سايلاۋ ناۋقاندارىن بايقاۋعا قاتىستى.
«ءبىزدىڭ ىنتىماقتاستىعىمىز كەلەشەكتە دە جالعاسىپ, بۇرىنعىسىنشا جەمىستى جانە سىندارلى سيپاتتا بولاتىنىنا سەنىم ءبىلدىرەمىن», – دەدى ق. تۇرعانقۇلوۆ كەزدەسۋ سوڭىندا.
«ەگەمەن-اقپارات».
