يماندىلىق پەن ىسكەرلىكتى قاتار ۇشتاستىرعان ازاماتتىڭ ءبىر ارمانى – حالال ونىمدەر شىعاراتىن ءوندىرىس ورنىن اشۋ
اۋدان ورتالىعى بەسكول كەنتىنە جەتە بەرگەندە «جەكە كاسىپكەر احمۋتدينوۆتىڭ كاسىپورنى» دەگەن جازۋ انادايدان كوزگە شالىنادى. بۇرىن بۇل ماڭاي ءارامشوپ قاۋلاي وسكەن, ادام اياعى تيمەگەن قۇلان ءدۇز بولسا, بۇگىندە قايناعان قىزۋ ەڭبەك الاڭىنا اينالعانىن اڭعارۋ قيىن ەمەس.
يماندىلىق پەن ىسكەرلىكتى قاتار ۇشتاستىرعان ازاماتتىڭ ءبىر ارمانى – حالال ونىمدەر شىعاراتىن ءوندىرىس ورنىن اشۋ
اۋدان ورتالىعى بەسكول كەنتىنە جەتە بەرگەندە «جەكە كاسىپكەر احمۋتدينوۆتىڭ كاسىپورنى» دەگەن جازۋ انادايدان كوزگە شالىنادى. بۇرىن بۇل ماڭاي ءارامشوپ قاۋلاي وسكەن, ادام اياعى تيمەگەن قۇلان ءدۇز بولسا, بۇگىندە قايناعان قىزۋ ەڭبەك الاڭىنا اينالعانىن اڭعارۋ قيىن ەمەس.
ءوندىرىس ورىندارىمەن قاناتتاسا بوي كوتەرگەن كەڭسە ءۇيى, اعاش وڭدەۋ تسەحتارى, اتشاپتىرىم اۋلا ىشىندە تەڭدەي جيناستىرىلىپ قويىلعان شيكىزات جانە دايىن بۇيىم ونىمدەرى, قاز-قاتار تىزىلگەن جاڭا ستانوكتار ەرتەڭگىسىن كۇنى بۇرىن ويلاستىرىلىپ, الداعى كۇننىڭ كوكجيەگىنە كەمەلدىلىكپەن كوز جىبەرگەن ۇقىپتى, شارۋاقور جاننىڭ تىنىمسىز تىرشىلىگىنەن حابار بەرگەندەي. رەسەيدىڭ ومبى وبلىسىندا تۋىپ-وسكەن سەرمۇحامەد اكە اقىلىمەن تۋعان جەرگە ورالىسىمەن كەيبىرەۋلەر سەكىلدى ورالماندىق مارتەبەسىن بۇلداپ, قول قۋسىرىپ قاراپ وتىرعان جوق. اتا-انانىڭ ءتالىم-تاربيەسىمەن ەڭبەكپەن شىڭدالىپ وسكەن ول العاشقى جىلدارى جانار-جاعارماي ساۋداسى, وتىن دايىنداۋ سەكىلدى ماۋسىمدىق جۇمىستارمەن اينالىسىپ ءجۇردى. ۋاقىت وتە تۇراقتى كاسىپسىز بالا-شاعا ناپاقاسى بولمايتىنىن ءتۇسىنىپ, جيعان-تەرگەنىنە يەسىز قالعان اعاش وڭدەۋ تسەحىن ساتىپ الىپ, قالپىنا كەلتىردى. باستاپقىدا نەبىر قيىندىقتار كەزدەسكەنىمەن, كەيىن شارۋاسى ورنىقتى دامۋ الدى. جەرگىلىكتى 12 تۇرعىندى تۇراقتى جۇمىسقا قابىلدادى. شەتەلدىڭ وزىق قوندىرعىلارى مەن قۇرال-جابدىقتارى جەتكىزىلىپ, ءوندىرىس قۋاتى ارتقاننان كەيىن جۇمىسشىلاردىڭ سانى 45 ادامعا دەيىن كوبەيدى. ارنايى بريگادالار نەمىس-شۆەد فيرماسىندا شىعارىلاتىن اعاش كەسەتىن «شتيل» ارالارىن, ارنايى كوتەرگىش قوندىرعىلار ورناتىلعان تەحنيكالاردى قولدانا وتىرىپ, قىزىلجاردىڭ ورمان-توعايىنان جىلىنا 34 مىڭ تەكشە مەترگە دەيىن اعاش دايىندايدى. وڭدەلگەن ونىمدەر وبلىس ورتالىعىنان باسقا الماتى, قاراعاندى, شىمكەنت قالالارىنا, رەسەيدىڭ شەكارالاس ايماقتارىنا جونەلتىلەدى. اسىرەسە, تۇرعىن ۇيلەر سالۋعا ارنالعان ءتورت قىرلى جۋان بورەنەلەر, ءۇي قورشاۋلارى, ەسىك-تەرەزە, كۇرەك, بالتا, بالعا ساپتارى ۇلكەن سۇرانىسقا يە. «كوزىن تاپقانعا تابىس قىرۋار» دەگەن وسى.
وسىلايشا, ءبىر سالاعا ماماندانىپ, قىر-سىرىنا ابدەن قانىعىپ العان ول بىلتىر «جۇمىسپەن قامتۋ-2020» باعدارلاماسى شەڭبەرىندە تاعى ءبىر تىڭ باستامانى ورىستەتۋگە بەل بايلادى. اتاپ ايتقاندا, اتالمىش باعدارلامانىڭ ءۇشىنشى باعىتى بويىنشا جەڭىلدىكتى نەسيە الىپ, اسحانا, دۇكەن تۇرعىزدى. ولاردى ساپالى ەتپەن قامتاماسىز ەتۋ ماقساتىمەن قوسالقى شارۋاشىلىق قۇردى. ءىرى قارا مال, جىلقى, قوي, قاز-ۇيرەك, ءۇي قويانىن باعۋعا بولاشاعى جوق ەلدى مەكەندەردەن كوشىپ كەلگەن 5 ادام تارتىلدى. ۇجىم مۇشەلەرىنە ارناپ قولجەتىمدى 11 ءۇي سالىپ بەردى. شىعىننىڭ جارتىسىن كاسىپورىن وتەيدى.
– ەندىگى ويىمىز – ءبىز سياقتى كاسىپكەرلەر ءۇشىن تيىمدىلىگى مول مەملەكەتتىك جوبالارمەن ىنتىماقتاسا جۇمىس ىستەۋدى ودان ءارى جالعاستىرىپ, جىل اياعىنا دەيىن اعاش ونىمدەرىن قالدىقسىز وڭدەيتىن شاعىن زاۋىت تۇرعىزۋ. نەگىزگى ءوندىرىس قالدىقتارىن وتىندىق اجەتكە جاراتىپ, زەينەتكەرلەرگە, تۇرمىسى تومەن وتباسىلارعا ارزان باعاعا بەرەتىن بولامىز. بىلىكتى ماماندار دايىنداۋ ءۇشىن اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ جولداماسىمەن كاسىبي دايارلىقتان وتكەن ا. كلوپكين, ا. رەيبانت جانە ا. چەرنوبروۆكين دەگەن ءۇش ازاماتتى قىزمەتكە قابىلداپ, تاجىريبەلى تالىمگەرلەر بەكىتىپ بەردىك. بۇدان تىسقارى ورتا ارناۋلى ءبىلىمى بار جاستاردى دا قاتارىمىزعا تارتتىق. بەلارۋستەن اعاش تىلەتىن ەكى ستانوك, رەسەيدەن رەيسمۋستىق سۇرگى قوندىرعىلارىن الدىرتتىق. ولار بوگوليۋبوۆ اۋىلىندا جانە اۋدان ورتالىعىندا جۇمىس ىستەپ تۇر. قازاقى ۇستەل, استاۋ سەكىلدى ۇلتتىق بۇيىمداردى حالال تالاپتارىنا ساي شىعارساق دەگەن جوسپارىمىز بار, – دەيدى اڭگىمە اراسىندا ىسكەر باسشى, اۋداندىق ءماسليحاتتىڭ دەپۋتاتى سەرمۇحامەد قاجى احمۋتدينوۆ.
ونىڭ جەتەكشىلىگىندەگى ءوندىرىس ورنى بيزنەستىڭ الەۋمەتتىك جاۋاپكەرشىلىگى جۇلدەگەرلەرى قاتارىندا. بىلتىر ءتاۋەلسىزدىك سارايىندا وتكەن يندۋستريالاندىرۋ كارتاسىنا ەنگەن نىسانداردى ىسكە قوسۋ تەلەكوپىرى كەزىندە «ۇزدىك الەۋمەتتىك جاۋاپتى كاسىپورىن» اتالىمىن يەلەندى. پرەزيدەنتتىڭ قۇرمەت گراموتاسىمەن ماراپاتتالۋى دا توككەن تەردىڭ اقتالعانىن ايعاقتا
