ءدىندارلار دەمەۋى

بيىلعى شىڭىلتىر قىستان قىسىلىپ شىققان شىعىس قازاقستان, ونىڭ ىشىندە سەمەي ءوڭىرىنىڭ شالعاي اۋداندارىنىڭ تۇر­عىندارى كوكتەم كەلە سۋ تاسقىنىنا تاپ بولدى. ناۋرىزدىڭ ورتاسىندا كۇن را­يىنىڭ بىردەن 17 گرادۋسقا دەيىن جى­لىنۋى سەبەپتى قىستاي جاۋعان قالىڭ قار ءبىر ساتتە ەرىپ, وزەن سۋلارى ارناسىنان اسىپ, تار­باعاتاي اۋدانىنىڭ بىرنەشە اۋىلى سۋ اس­تىن­دا قالدى. اپاتتى جاعداي قى­زىلكەسىك, قا­بانباي, جەتىارال, تاۋكە, سۇ­لۋتال سىن­دى ەلدى مەكەندەردە قا­لىپتاسىپ وتىر. سۋ تاسقىنى اسىرەسە, كوكجىرا, جانتىكەي اۋىل­دارىنىڭ تۇرعىندارىنا اۋىر زارداپ اكەلدى. مۇنداعى ۇيلەر تۇگەلدەي دەرلىك سۋ اس­تىندا قالىپ, مال قىرىلدى. قازىرگى قولدا بار دەرەكتەرگە سۇيەنسەك, تارباعاتاي اۋدا­نىندا 7 مىڭعا جۋىق ادام سۋ تاس­قى­نىنان زارداپ شەگىپ, 35 مىڭ مال باسى وپات بولعان ەكەن. وسىنداي قىسىلتاياڭ شاقتا قازاقستان مۇسىلماندارى ءدىني باسقارماسىنىڭ ءتو­را­عا­سى, باس ءمۇفتي ءابساتتار قاجى دەرب­ى­سالى حازىرەت تە شىعىستاعى اعايىنداردى نا­زاردان تىس قالدىرماي, رۋحاني جانە ما­تەريالدىق جاعىنان دەمەۋ كورسەتۋدە. الدىمەن ءدىن­با­سىمىز رەسپۋبليكالىق باق ارقىلى اپاتتان زار­داپ شەككەن حالىقتى سا­بىرلىققا, شىدامدىلىققا شاقىرىپ, بۇل ءبىر اللانىڭ سىناعى ەكەنىن, ءبىر قيىن­شىلىقتىڭ بىرنەشە جاقسىلىعى بار ەك­ەنىن ايتىپ جۇباتتى. سونداي-اق, قازاق­ستان مۇسىلماندارى ءدىني باسقارماسىنىڭ سە­مەي وڭىرىندەگى وكىلىنە شۇعىل تاپسىرما بەرىپ, حالىققا بارىنشا كومەك كورسەتۋ ءجو­نىندە ناقتى مىندەت جۇكتەدى. وسى ماقساتتا سەمەي قالاسىنداعى ورتالىق مەشىتتە تاسقىننان زارداپ شەككەندەرگە كومەك كورسەتۋ شارالارى قولعا الىندى. جەدەل ۇيىمداستىرۋدىڭ ارقاسىندا از ۋاقىتتا ءۇيسىز-كۇيسىز قالعان قانداس­تا­رى­مىز­عا العاشقى جاردەم رەتىندە 6 توننا ازىق-ت ۇلىك, ءدارى-دارمەك پەن كيىم-كەشەك دا­يىن بولدى. سونىمەن قاتار, وسى اقسۋات ءوڭى­رىنىڭ تۋمالارى قازىردە سەمەي قا­لاسىندا تۇراتىن قادىرلى ەل اعالارى باس بو­لىپ تاسقىننان زارداپ شەككەندەرگە كو­مەك كورسەتۋگە ارنال­عان شتاب قۇردى. قال­تالى كاسىپ­كەر­لەر­دەن باس­تاپ, قاراپايىم تۇر­عىندارعا دەيىن ءوز ۇلەستەرىن قوسىپ, قولۇشىن بەرۋگە تىرىستى. ءبىز تاسقىن بولعان وڭىرگە بارىپ زارداپ شەككەن تۇر­عىن­دار­دىڭ جاعدايى جەرگىلىكتى باسشىلىقتىڭ, بۇكىل ەلدىڭ, ەلباسىمىزدىڭ نازارىندا ەكەنىن, ولار قامقورلىقسىز قالمايتىنىن, ءبىر اللادان ءۇمىت ۇزبەسە, جاق­سىلىقتىڭ بولاتىنىن باياندادىق. مۇن­داي جارقىن اڭگىمەدەن كەيىن قامكوڭىل جان­داردىڭ كوڭىلدەرى ورنىنا تۇسكەندەي بولدى. اۋىر جاعدايدا قايعىلارىن بولىسكەن كەڭ­پەيىل جاندارعا, ەلباسىمىزعا, ءدىن­با­سى­مىزعا, جۇرەگى ەلىم-جەرىم دەپ سوعاتىن ازاماتتارعا العىستارىن ءبىلدىردى. ءسوزىمدى قورىتىندىلاي كەلە, بارشا مۇ­سىلمان قاۋىمعا بۇل وتپەلى قيىندىقتار اللا تاعالانىڭ بىزگە جىبەرگەن سىناعى ەكەنىن, وعان كۇپىرلىك كەلتىرمەي, جاق­سى­لىقتان ءۇمىت ءۇز­بەي دۇعا تىلەسەك, بول­ا­شا­عى­مىز جارقىن بو­لا­تىنىن ايتقىم كەلەدى. اللا تاعالا حال­قى­مىز­عا اماندىق, ەلىمىزگە باق-بەرەكە ءناسىپ ەتسىن! تىنىشتىق قاجى ياحيا ۇلى, قازاقستان مۇسىلماندارى ءدىني باسقارماسىنىڭ سەمەي ايماعى بويىنشا وكىل يمامى.