ايرىقشا مىندەتتەر جۇكتەلدى

مادەنيەت ورتالىعىندا “نۇر وتان” حدپ جەر­گىلىكتى ۇيىمدارىنىڭ, ساياسي كەڭەس بيۋروسى مۇشە­لەرىنىڭ, ۆەدوموستۆولار باسشىلارىنىڭ قاتىسۋىمەن باستاۋىش پارتيا ۇيىمدارى توراعالارىنىڭ تۇڭعىش فورۋمى ءوتتى. وعان رەسپۋبليكالىق ساياسي ۇيىم پارتيالىق باقىلاۋ كوميتەتىنىڭ توراعاسى بوران را­حىمبەكوۆ, ايماق باسشىسى, وبلىستىق فيليال توراعا­سى سەرىك ءبىلالوۆ قاتىستى. جيىندا ەلباسى ن.نا­زارباەۆتىڭ “جاڭا ونجىلدىق — جاڭا ەكونوميكالىق ورلەۋ — قازاقستاننىڭ جاڭا مۇمكىندىكتەرى” جولداۋىنان تۋىندايتىن مىندەتتەرگە بايلانىستى باستاۋىش پارتيا ۇيىمدارىنىڭ ءرولىن كوتەرۋ,  ءوزارا ءىس-قيمىل جۇيەسىن جەتىلدىرۋ ماسەلەلەرى تالقىلاندى. فورۋمدى سەرىك سۇلتانعازى ۇلى كىرىسپە سوزبەن اشىپ, اتقارىلعان ءىس-شارالارعا توقتالىپ ءوتتى. 386 باستاۋىش پارتيا ۇيىمى 44 مىڭعا جۋىق نۇروتاندىقتىڭ باسىن بىرىكتىرىپ وتىر. جەر-جەرلەردە 87 پارتيالىق باقىلاۋ بەكەتتەرى قۇرىلعان. وسىنداي زور ساياسي كۇشكە يە قۇرىلىم  پارتيا توراعاسى  بەلگىلەگەن قاعيداتتاردى بۇلجىتپاي جۇزەگە اسىرىپ كەلەدى. زارەچنىي اۋىلدىق وكرۋگىنىڭ اكىمى,  باستاۋىش پارتيا ۇيىمىنىڭ توراعاسى قايرات ابىلعازين, “زيكستو” اق باس ديرەكتورىنىڭ ورىنباسارى سەرگەي كيريەنكو, تايىنشا اۋداندىق پوشتا بايلانىسىنىڭ باستىعى قايرات ءشارىپوۆ, تاعى باسقالارى ءوز ويلارىن پارتيانىڭ ۇيىمداستىرۋ­شى­لىق جۇمىسىن ارتتىرۋ ماسەلەلەرىمەن  ساباقتاستىردى. فورۋمدا  باستاۋىش پارتيا ۇيىمدارى بايقاۋى­نىڭ قورىتىندىسى شىعارىلىپ, ونىڭ جەڭىم­پازدارى ءتۇرلى ماراپاتتارعا يە بولدى. پارتيانىڭ ءبىر توپ بەلسەندىلەرىنە گراموتالار تابىس ەتىلدى. ب.راحىمبەكوۆ  وبلىس ورتالىعىندا جاڭادان پاي­دالانۋعا بەرىلگەن “اقبوتا” بالالار باق­شا­سىن­دا, قان قۇيۋ ورتالىعىندا بولىپ, ۇجىم مۇشە­لەرى­مەن اڭگىمەلەستى. مامليۋت اۋداندىق ساياسي ۇيىم في­لي­الى عيماراتىنىڭ  اشىلۋ سالتاناتىنا قاتىستى. وندا نۇروتاندىقتارمەن كەزدەسىپ, ساۋالدارعا جاۋاپ بەردى. ءومىر ەسقالي, سولتۇستىك قازاقستان وبلىسى.