ىلگەرىلەۋشىلىكتەرگە ريزاشىلىق

جاقىندا ءپاريجدىڭ ليۋكسەمبۋرگ سارايىندا فرانتسيا پارلامەنتى سەناتى مەن فرانتسيانىڭ حالىقارالىق ىنتىماقتاستىقتى دامىتۋ جونىندەگى اگەنتتىگىنىڭ (يۋبيفرانس) باسقارۋىمەن ورتالىق ازيا مەن كاۆكاز ەلدەرىنە ارنالعان كوللوكۆيۋم ءوتتى. ءىس-شاراعا 100-دەن استام  اتالعان ايماق ەلدەرىمەن ىنتىماقتاستىقتى دامىتۋعا ىنتالى فرانتسۋزدىڭ جەتەكشى كومپانيالارى­نىڭ, مەملەكەتتىك جانە ۇكىمەتتىك ەمەس ۇيىمداردىڭ  وكىلدەرى قاتىستى. كوللوكۆيۋمعا قاتىسۋشىلاردىڭ الدىندا قازاقستان رەسپۋبليكاسىنىڭ فرانتسياداعى ەلشىسى نۇرلان دانەنوۆ ءسوز سويلەدى. ول فرانتسۋزدىڭ  ىسكەر, ساياسي جانە قوعامدىق توپ­تارى­نىڭ وكىلدەرىن مەملەكەت باسشىسىنىڭ قاز­اقستان حالقىنا جولداۋىمەن, ەلىمىزدەگى قازىرگى ەكونو­مي­كالىق جاعدايمەن جانە تابىستى ىسكە اسىرىلىپ جاتقان داعدارىسقا قارسى قادامدارمەن, قازاقستان-فران­تسيا سترا­تە­گيالىق ارىپتەستىگىنىڭ دامۋىمەن تانىستىردى. ەلشى رەس­پۋبليكانىڭ ۇدەمەلى يندۋستريا­لىق-يننوۆاتسيالىق دامۋ باع­دارلاماسىنىڭ, جاڭا سالىق كودەكسىن ەنگىزۋدەگى جانە كەدەندىك وداق جاعدايىنداعى ءبىزدىڭ ينۆەستيتسيالىق باسىم­دىقتارىمىزدىڭ باستى ەلەمەنتتەرى تۋرالى ءسوز قوزعادى.  قازاقستاننىڭ ەقىۇ-عا توراعالىعى مەن “ەۋروپاعا جول” مەملەكەتتىك باعدار­لاماسىن ىسكە اسىرۋ تاقىرىپتارى جونىندە ايتا كەتتى. ءىس-شاراعا قاتىسۋشىلار پرەزيدەنت ن.ءا.نازارباەۆتىڭ ەكونوميكالىق باستامالارى, جاڭا وندىرىستىك, ينفرا­قۇرى­لىمدىق جانە ەنەرگەتيكالىق جوبالار, وسىمەن قاتار داع­دا­رىسقا قارسى شارالار مەن بانك سالاسىنداعى جاعدايدىڭ تۇراقتانۋى  تۋرالى مالىمەتتەرگە ۇلكەن قىزىعۋشىلىق تانىتتى. سەناتور اندرە ديۋلە ورتالىق ازيا مەن كاۆكاز ءوڭىرى فرانتسيا ءۇشىن ۇلكەن ماڭىزى بار ولكە, دەدى.  ول قازاقستانمەن بىرلەسكەن ەكونوميكالىق جوبالاردىڭ ىلگەرىلەۋىنە  ريزاشىلىعىن ءبىلدىردى. كوللوكۆيۋمدە مەملەكەت باسشىسىنىڭ جىل سايىنعى جولداۋى, قازاقستاننىڭ ەقىۇ-عا توراعالىعى مەن “ەۋروپاعا جول” مەملەكەتتىك باعدارلاماسى جانە ەلىمىزدىڭ ەكونوميكالىق دامۋى تۋرالى فرانتسۋز تىلىندەگى ارنايى شىعارىلعان جۋرنالدار مەن بروشيۋرالار تاراتىلدى. “ەگەمەن-اقپارات”.