تىيىمدى ەنگىزۋگە قىتايدان قازاقستان اۋماعىنا كىرگىزىلەتىن ونىمدەردە «كارانتيندىك وبەكتىلەردىڭ» جۇيەلى تۇردە انىقتالۋى نەگىز بولدى.
فيتوسانيتارلىق شارالار جونىندەگى حالىقارالىق ستاندارتتىڭ ەرەجەلەرىنە سايكەس قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى قحر-نىڭ باس كەدەن باسقارماسىنىڭ اتىنا كارانتينگە جاتقىزىلعان ءونىمدى الىپ كەلۋ كەزىندە حالىقارالىق جانە بىرىڭعاي كارانتيندىك فيتوسانيتاريالىق تالاپتاردىڭ بۇزىلۋى تۋرالى نوتيفيكاتسيا جولدادى.
قحر كارانتيندىك قىزمەتى اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى جولداعان رەسمي حابارلامانى قاراستىرىپ, ارەكەت ەتۋ شارالارىن كۇشەيتۋدى ۇسىندى.
اتاپ ايتقاندا, قىتاي تاراپى جۇيەلى سيپاتتا ورىن العان بۇزۋشىلىقتار جەكەلەگەن جەمىس-جيدەك باقشالارىنىڭ كارانتيندىك وبەكتىلەرگە قارسى الدىن الۋ شارالارىن جۇرگىزبەۋلەرىنە بايلانىستى ەكەنىن انىقتادى.
2019 جىلى قازاقستان اۋماعىنا قحر-دان كارانتينگە جاتقىزىلعان ءونىمدى الىپ كىرۋدە 52 بۇزۋشىلىق انىقتالدى, ونىڭ ىشىندە 7 كارانتيندىك ورگانيزمدەر, 22 فيتوسانيتاريالىق سەرتيفيكاتسىز ءونىمدى كىرگىزۋ جاعدايى, 13 كارانتينگە جاتقىزىلعان ءونىمنىڭ وراماسىندا ماركيروۆكانىڭ بولماۋى, 3 فيتوسانيتاريالىق تالاپتاردىڭ بۇزىلۋى, 4 فيتوسانيتاريالىق سەرتيفيكاتتىڭ سايكەسسىزدىگى جانە 3 كارانتينگە جاتقىزىلعان ءونىمنىڭ تەكسەرۋگە ۇسىنباۋ جاعدايى.
بارلىق كورسەتىلگەن جاعدايدا كارانتينگە جاتقىزىلعان ءونىمدى (12 مىڭ تاۋار بىرلىگى) كەرى قايتارۋ جۇزەگە اسىرىلدى. سونىمەن قاتار 2 ملن تەڭگەگە 27 ايىپپۇل سالىندى.
