اتقارىلعان ءىس-شارالار از ەمەس

پرەزيدەنتىمىزدىڭ ءسوزى مەن ءىسى­نىڭ اراسىندا الشاقتىق جوق ەكە­نىن ەل حالقى ەرتەدەن تۇسىنگەن. مى­سالى, وتكەن جىلى قۇركول اۋى­لىندا 15 جىل قاڭىراپ بوس تۇرعان مادەنيەت ءۇيى “جول كارتاسى” باع­دارلاماسىنا ەنىپ, 29 ميلليون تەڭ­گە قارجىعا كۇردەلى جوندەۋدەن ءوتىپ, پايدالانۋعا بەرىلدى. كۇردەلى جوندەۋدەن وتكەن مادەنيەت سارايى وتە ادەمى. جالپى, قۇركول ەلى ەرتىس بوي­ىن­داعى ىرگەلى, قاسيەتتى ەلدەردىڭ ءبىرى. بۇل جەردە اتاقتى ءيمانجۇسىپ قۇتپان ۇلىنىڭ كىندىك قانى تامعان, اقىن ءسابيت دونەنتاەۆتىڭ 1913 جىلى ۋفادان “قارلىعاش­تار” دەگەن كىتابىن شىعارعان اقىن قوراباي جاپانوۆتىڭ, ءانشى بايعابىل جىلقىباەۆتىڭ تۋعان جەرى. ەندى وسىنداي اتاقتى بابا­لارىمنىڭ ۇرپاقتارىنىڭ ونەرگە, وسى مادەنيەت ۇيىنەن قانات قاعاتىنىنا سەنىمدىمىن. وتكەن جىلى “جول كارتاسى” باعدارلاماسى بويىنشا 2 ميلليون تەڭ­گەگە تازا سۋ قۇبىرى وڭدالىپ, حا­لىق يگىلىگىنە بەرىلدى. س.دونەن­تاەۆ اتىنداعى مەكتەپتە 20 ورىن­دىق, بالدىرعاندارعا شاعىن ورتا­لىق اشىلىپ, جۇمىس ىستەۋدە. باس­تاۋ­ىش سىنىپتىڭ 50 وقۋشىسى تە­گىن ىستىق تاماقپەن قامتاماسىز ەتىل­گەن. مىنە, مۇنىڭ بارلىعى ءبىر جىلدا ەل يگىلىگى ءۇشىن جاسالعان شارالار. ەلباسى ءوز جولداۋىندا وسى ءۇل­كەن ءىس جالعاسىن تاباتىنىن ايتقان بولاتىن. ءبىزدىڭ اۋىلدا قۇرىلعان “نۇر وتان” باستاۋىش پارتيا ۇيىمى باسقا ەلدى مەكەندەردەگىدەي ەلباسى, پارتيا توراعاسى ن.ءا. نازارباەۆتىڭ جولداۋىن حالىققا ناسيحاتتاۋ جۇمىستارىن بەلسەندى جۇرگىزۋدە. وسىنىڭ الدىندا عانا وبلىستا “نۇر وتان” حالىقتىق-دە­مو­كراتيالىق پارتياسىنىڭ پاۆلو­دار وبلىستىق فيليالى 2009 جىل­دىڭ جۇمىس قورىتىندىسىن شىعار­عاندا, ءبىزدىڭ باستاۋىش پار­تيا ۇيى­مى “الەۋمەتتىك-ساياسي ءومىر­گە بەل­سەندى ارالاسقانى ءۇشىن” نومينا­تسيا­سى بويىنشا بايقاۋ لاۋ­رەاتى اتا­عى­نا يە بولدى. ەلبا­سى جۇرگىزىپ وتىر­عان ساليقالى ساياساتتى جانە قا­زاقستان حالقىنا ار­ناعان جول­داۋىن ىسكە اسىرۋ ءۇشىن باستاۋىش ۇيىمنىڭ جۇمى­سىن جاقسارتىپ, ەل يگىلىگى ءۇشىن قىزمەت ەتەتىن بولامىز. قارشىعا شاياحمەتوۆ, “نۇر وتان” حدپ اقسۋ قالالىق فيليالىنىڭ توراعاسى. پاۆلودار وبلىسى, اقسۋ قالاسى.