كوكشەتاۋدان كومەك

“اپات ايتىپ كەلمەيدى” دەگەندەي, الماتى وب­لىسىنداعى توسىن اپات اقمولالىقتاردىڭ دا قا­بىر­عاسىنا قاتتى باتتى. وبلىستىق ءماسليحاتتىڭ كەزەكتەن تىس سەسسياسىندا سۋ تاسقىنىنان زارداپ شەك­كەندەرگە كومەك رەتىندە 50  ميلليون تەڭگە قارجى ءبولۋ تۋرالى شەشىم قابىلداندى. “نۇر وتان” حدپ وبلىستىق فيليالىندا ارنايى شتاب قۇرىلىپ, اۋداندار مەن ەلدى مەكەندەردەن كيىم-كەشەكتەر جينالىپ, اقشا اۋدارىلۋدا. قازىردىڭ ءوزىن­دە ءبىر ۆاگون ازىق-ت ۇلىك پەن  قاجەت زاتتار جونەلتىلدى. بۇدان تىسقارى بارلىق مەكەمەلەر مەن ەڭبەك ۇجىمدارى ءبىر كۇندىك ەڭبەكاقىلارىن اۋدارىپ جاتىر. ماسەلەن, وبلىستىق سوتتىڭ قىزمەت­كەر­لە­رى 2 ميلليون تەڭگە, “قازپوش­تا­نىڭ” وبلىستىق فيليالى 11 ميلليون تەڭگە ءبولدى. “دياس” تىگىن فاب­ريكاسىنىڭ, “ارمان” توقىما فابريكاسى­نىڭ, “كاماز-ين­جينيرينگ” اق, “كوكشە پوليگرافيا” سەرىك­تەستىگى, “كوكشەتاۋ مينەرالدى سۋلارى”, “ەسىل اگرو” فيرمالارى, تاعى باسقا كاسىپ­­كەرلىك قۇرىلىمدارى جومارتتىق تانىتۋدا. ال, كوكشەتاۋداعى “قىزىل كرەست” قوعامدىق ۇيىمىنىڭ وكىلدەرى العاشقى كۇننەن باستاپ قىزىلاعاشتىق باۋىرلاردىڭ ورتاسىندا ءجۇر. وبلىستا اپات زارداپتارىن جويۋعا باعىت­تالعان كومەك-قولداۋ جالعاسا بەرمەك. سونداي-اق, شىعىسقازاقستاندىقتارعا دا قولدان كەلگەن قولداۋ شارالارى جاسالاتىن بولادى. باقبەرگەن  امالبەك, اقمولا وبلىسى.