قالىس قالماۋدا

ەلىمىزدە بولىپ جاتقان  ءار ءتۇرلى وقيعالارعا سەرگەك قارايتىن “نۇر وتان” حدپ اقتوبە وبلىستىق فيليالى الماتى وبلىسى اقسۋ اۋدانىنداعى قىزىلاعاش اۋىلىندا تاسقىن سۋدان بولعان قايعىلى وقيعاعا العاشقىلاردىڭ قاتارىندا كومەك قولىن سوزۋعا ۇمتىلدى. فيليالدىڭ جانە ونىڭ اۋداندارداعى بولىمشەلەرىنىڭ قىزمەتكەرلەرى ءبىر كۇندىك جالاقىلارىن تابيعات اپاتىنان زارداپ شەككەن قىزىلاعاش اۋىلىنىڭ تۇرعىندارىنا كومەك قورىنا اۋداردى. فيليالدىڭ ۇيتقى بولۋىمەن  وبلىستىق جانە قالالىق ءماسليحات دەپۋتاتتارىنىڭ, باستاۋىش پارتيا ۇيىمدارى, وكىلەتتى جانە اتقارۋشى بيلىك ورگاندارى, كوممەرتسيالىق قۇرىلىمدار وكىلدەرىنىڭ, قالا تۇرعىندارى­نىڭ, وقۋشى-ستۋدەنت جاستاردىڭ قاتىسۋىمەن زارداپ شەككەندەر ءۇشىن قارجى جانە جىلى كيىم جيناۋ بويىنشا اكتسيا وتكىزىلدى. جالپى, اقتوبە قالاسى بويىنشا ۇستىمىزدەگى جىلعى  26 ناۋرىزعا دەيىن 182444235 تەڭگەنىڭ ونىمدەرى مەن كيىمدەرى, ءبىر بولىگى قارجىلاي  جينالدى. ونىڭ 407 مىڭ تەڭگەسى قارجىلاي كومەك. قالعاندارى – ازىق-ت ۇلىك, كيىم-كەشەك, قۇرىلىس ماتەريالدارى, ءار ءتۇرلى زاتتار. 88 قاپ پەن قوراپقا سالىنعان كيىمدەر,  220 قوراپ ازىق-ت ۇلىك ءبىر ۆاگونعا تيەلىپ, الماتى وبلىسىنداعى قىزىلاعاش اۋلىنا جونەلتىلدى. وبلىس تۇرعىندارىنان قىزىل­اعاش­تىقتارعا كومەككە جىلى كيىمدەر مەن قارجى ءالى تۇسۋدە. بۇدان باسقا  كومەك قورىنا وبلىستىق اكىمدىك – 120000000, “قازاقستان تەمىر جولى” اق 22000000,  “اۆتوپارك” جشس 1000000, “ترانسەنەرگو” اق جانە اقتوبە مەملەكەتتىك پەداگوگيكالىق ينستيتۋتى 500000 تەڭگە, باسقا دا كاسىپورىندار مەن مەكەمەلەر ءوز مۇمكىندىگىنە قاراي  قارجى اۋدارعان. ال “اقتوبە حالىقارالىق اۋەجايى” اق 1100000 تەڭگەنىڭ جىلى زاتتارىن بەرگەن. قايىرىمدىلىق شاراسىنان جەكەلەگەن ازاماتتار قالىس قالماۋدا. ولاردىڭ قاتارىندا زەينەتكەر گ.تولەپبەرگەنوۆا, كوپ بالالى انا ن. شىنعاليەۆا, جەكە كاسىپكەر د.وتەپقىزى جانە باسقالار بار. ساتىبالدى ءساۋىرباي, اقتوبە وبلىسى.