ءوزارا ۇنقاتىسۋعا ۇمتىلىس كورىنىسى

كەشە پارلامەنت سەناتىنىڭ توراعاسى قاسىم-جومارت توقاەۆ سلوۆاكيا رەسپۋبليكاسىنىڭ پرەزيدەنتى يۆان گاشپاروۆيچپەن كەزدەستى, دەپ حابارلادى وسى پالاتانىڭ ءباسپاسوز قىزمەتى. جوعارى مارتەبەلى مەيمان­مەن كەزدەسۋ بارىسىندا ق.تو­قاەۆ قا­زاق­ستان سلوۆاكيانى ەۋروپالىق وداقتاعى ماڭىزدى ساياسي ءارى ەكو­نوميكالىق ارىپتەسى رەتىندە قاراس­تى­راتىندىعىن جانە بارلىق سا­لا­لار مەن دەڭ­گەيلەردەگى ۇنقاتىسۋدى دامىتۋعا مۇددەلى ەكەندىگىن اتاپ ءوتتى. ول سلوۆاكياعا قازاق­ستان­نىڭ ەقىۇ توراعالىعىنا جانە ۇيىم­نىڭ ءسامميتىن وتكىزۋگە قا­تىستى قازاقستاندىق باستاماعا كورسەتكەن قولداۋلارى ءۇشىن شىنايى العىسىن ءبىلدىردى. قازاقستان سەناتىنىڭ باس­شى­سى سلوۆاكيا رەسپۋبلي­كا­سى­نىڭ پرەزيدەنتىن قازاقستان پار­لامەنتى قۇرىلىمى مەن قىز­مەتى, جوعارعى پالاتانىڭ مەم­لەكەتتىك ينستيتۋتتار جۇيەسىندەگى ءرولى جانە قازاقستاندىق دەپۋتات­تاردىڭ قا­زاقستاننىڭ ەقىۇ-عا توراعالىق ەتۋىمەن بايلانىستى حالىقارالىق شارالارعا بەلسەندى قاتىسۋلارى تۋرالى حاباردار ەتتى. ول, سونىمەن قاتار, “ەقىۇ-نىڭ ەۋرازيالىق ولشە­مى” ترانسازيالىق پارلا­مەنت­­شىلەر جيىنىنا دايىندىق با­رى­سى تۋرالى ايتا كەلىپ, سلوۆا­كيالىق پارلامەنتشىلەردىڭ وسى شاراعا بەلسەندى تۇردە قاتى­ساتىنىنا سەنىم ءبىلدىردى. يۆان گاشپاروۆيچ ءوز كەزە­گىندە قازاقستاننىڭ ەقىۇ-عا ءتور­اعالىعى ءتيىمدى ءارى جەمىستى بولاتىندىعىنا سەنىم ءبىلدىرىپ, قازاقستان مەن سلوۆاكيانىڭ سىن­دارلى قارىم-قاتى­ناس­تارى­نىڭ سالالارىن ودان ءارى نىعايتۋ مەن كەڭەيتۋ ەكونوميكا, ەنەر­گە­تيكالىق قاۋىپسىزدىك, تەر­روريزم­گە قارسى تۇرۋ, گۋماني­تارلىق جانە باسقا سالالاردا سىن­دارلى ماڭىز اتقاراتىن­دىعىن اتاپ ءوتتى. ول قازاقستان سەناتىنىڭ توراعاسىن سلوۆاكيا رەسپۋبليكاسىنىڭ پارلامەنتىنە رەسمي ساپارمەن كەلۋگە شا­قىردى.