ىزگى نيەتتى تىلەكتەستىك

كەشە پارلامەنت ءماجىلىسىنىڭ توراعاسى ورال مۇحامەدجانوۆ سلوۆاكيا رەسپۋبليكاسىنىڭ پرەزيدەنتى يۆان گاشپاروۆيچپەن كەزدەستى, دەپ حابارلادى وسى پالاتانىڭ ءباسپاسوز قىزمەتى. كەزدەسۋدە ءماجىلىس توراعاسى قازاقستان مەن سلوۆاكيانىڭ  ىنتىماقتاستىق  بايلانىستا ورتاق پىكىردى ۇستاناتىنىن ءمالىم ەتتى. “ەكى ەلدىڭ ەكونوميكالىق قارىم-قاتىناسى جاقسى قارقىن الىپ كەلەدى. ساۋدا اينالىمى شىعىس ەۋروپاداعى ەلدەرمەن سالىس­تىر­عاندا, جوعارى كور­سەتكىشكە يە. قازىر قازاقستاندا 17  بىرلەسكەن كاسىپ­ورىن جۇمىس ىستەپ تۇر. ساياسي, مادە­ني بايلانىستار ارتا تۇسۋدە. بۇل ەكى مەملەكەت باس­شىلارىنىڭ قول جەتكىزگەن كەلىسىمدەرىنىڭ ناتيجەسى”, – دەدى و. مۇحامەدجانوۆ. مارتەبەلى مەيمان قازاقستان تەك سلوۆاكيانىڭ عانا ەمەس, ەۋروپالىق وداققا ەنەتىن مەملەكەتتەردىڭ سەنىمدى ارىپتەسى بولىپ وتىرعانىن مالىمدەدى. سلوۆاكيا رەسپۋبليكاسىنىڭ پرەزيدەنتى يۆان گاشپاروۆيچ ەلباسى نۇرسۇلتان نازارباەۆپەن كەزدەسكەنىن, استانانى ارالاپ, بوي كوتەرگەن جاڭا زاماننىڭ عيما­راتتارىن كورگەنىن ايتتى. ءماجىلىس توراعاسى مارتەبەلى مەيمانعا ەلىمىزدىڭ اتىنا ايتقان جىلى لەبىزدەرى ءۇشىن ريزاشى­لى­عىن جەتكىزدى.