ايماقتار • 27 اقپان، 2020

الماتى قالاسىنىڭ الاتاۋ اۋدانىندا «كوكتەم-2020» وقۋ-جاتتىعۋى ءوتتى

15 رەتكورسەتىلدى

الماتى قالاسى الاتاۋ اۋداندا وتكەن «كوكتەم-2020» رەسپۋبليكالىق كوماندالىق-شتابتىق وقۋ-جاتتىعۋىنا 17 تەحنيكا مەن ارنايى جابدىقتالعان  66 ادام قاتىستى، دەپ حابارلايدى الماتى قالاسى تجد الاتاۋ اۋدانىنىڭ تج ءبولىمى.

ءىىم تج كوميتەتىنىڭ اۋماقتىق بولىمشەلەرىنىڭ قىزمەتكەرلەرىنەن باسقا وقۋ-جاتتىعۋدى وتكىزۋ ءۇشىن الماتى قالاسىنىڭ ازاماتتىق قورعاۋ قىزمەتتەرى مەن الماتى قالاسى اكىمى اپپاراتىنىڭ قۇتقارۋ قىزمەتى جۇمىلدىرىلدى.  وقۋ-جاتتىعۋدى وتكىزۋ ويىنا سايكەس الماتى قالاسىنىڭ اۆاريالىق-قۇتقارۋ قىزمەتتەرى مەن قۇرالىمدارىنىڭ وتكەن جىلدارداعى سۋ تاسقىنى تاجىريبەسىنە سۇيەنە وتىرىپ، قالانىڭ ءجيى سۋ باساتىن ۋچاسكەلەرىندە ولاردى ناقتى قولدانۋ ارقىلى دايىندىعى تەكسەرىلدى. تاجىريبەلىك ءىس-قيمىلداردى ورىنداۋ ءۇشىن ەكى جاتتىعۋ ورنى انىقتالعان: № 1 جاتتىعۋ ورنىندا – ف. وڭعارسىنوۆا كوشەسى بويىندا ورنالاسقان ۇزىندىعى 350م بولاتىن جەكە تۇرعىن ۇيلەردى سۋ باسۋىن بولدىرماۋ ءۇشىن وزەننىڭ ارناسىن تەرەڭدەتۋ جۇمىستارى جانە قار مەن مۇزدان تازالاۋ جۇمىستارى جۇرگىزىلدى. تازارتۋ ناتيجەسىندە 10 م3 قىزىل سۋ مۇزى شىعارىلدى. № 2 جاتتىعۋ ورنى – «العاباس» ىقشام اۋدانى، قوجابەكوۆ كوشەسىنىڭ كوپىر قيىلىسىنداعى بەس ارىس كوشەسىنىڭ بويىندا ورنالاسقان، ۇزىندىعى 500 م بولاتىن جەكە تۇرعىن ۇيلەردى سۋ باسۋ جانە مۇزدىڭ الدىن الۋ ءۇشىن قار مەن مۇزدان تازارتۋ جۇمىستارى جۇرگىزىلدى. تازارتۋ ناتيجەسىندە 15 م3 قىزىل سۋ مۇزى جانە 4 م3 قاتتى تۇرمىستىق قالدىقتار شىعارىلدى.

وقۋ-جاتتىعۋ اياسىندا سونداي-اق «قارعالى» وزەنىندە ۇزىندىعى 0،8 كم قۇرايتىن وزەن ارناسىن قاردان، مۇزدان جانە قاتتى تۇرمىستىق قالدىقتاردان تازارتۋ جۇمىستارى جۇرگىزىلدى. ۇيىمداستىرۋشىلاردىڭ پىكىرىنشە، جىل سايىن وتكىزىلەتىن وقۋ-جاتتىعۋلار ازاماتتىق قورعاۋدىڭ مەملەكەتتىك جۇيەسىنىڭ كوكتەم كەزەڭىندەگى ىقتيمال توتەنشە جاعدايلاردىڭ سالدارىن جويۋعا دايىندىعى مەن قابىلەتتىلىگىنىڭ دەڭگەيىن ارتتىرۋعا مۇمكىندىك بەرەدى.

وقۋ-جاتتىعۋدى وتكىزۋ كەزىندە ازاماتتىق قورعاۋ قىزمەتتەرى قالىپتاسقان جاعدايدى تولىق مەڭگەرىپ، سۋ تاسقىنى بارىسىندا توتەنشە جاعدايدىڭ الدىن الۋ جانە جويۋعا قابىلەتتى ەكەنىن كورسەتتى.

 

الماتى

سوڭعى جاڭالىقتار

ۇقساس جاڭالىقتار