قازاقستان • 27 اقپان، 2020

وڭتۇستىك كورەيادا قازاقستان ازاماتى قايتىس بولدى

2311 رەتكورسەتىلدى

وڭتۇستىك كورەيانىڭ پۋسان قالاسىندا قازاقستاندىق ازامات قايتىس بولدى. بۇل تۋرالى ءسىم رەسمي وكىلى ايبەك سمادياروۆ ءباسپاسوز ماسليحاتىندا ءمالىم ەتتى. 

ء«بىزدىڭ بۇل مالىمەتتەن حابارىمىز بار. ول سىرقاتتان كوز جۇمدى. كورەياداعى قازاقتان ەلشىلىگىنىڭ مالىمەتىنە سايكەس 21 اقپاندا ەلشىلىكتىڭ كونسۋلدىق بولىمىنە قازاقستان رەسپۋبليكاسىنىڭ ازاماتى - ونىڭ كۇيەۋى كەلىپ، ءوز جۇبايىنىڭ قايتىس بولعانىن مەملەكەتتىك تىركەۋگە ەنگىزۋدى ءوتىندى. ول پۋساندا ءبىراز ۋاقىتقا سوزىلعان اۋرۋدان كوز جۇمعان»، - دەدى ءسىم رەسمي وكىلى ايبەك سمادياروۆ ۆەدومستۆودا وتكەن ءباسپاسوز ءماسليحاتىندا.

ايبەك سمادياروۆ سونىمەن قاتار كونسۋلدىق تاراپىنان بىردەن مەملەكەتتىك قىزمەت كورسەتىلگەنىن ايتىپ ءوتتى.

«25 اقپان كۇنى ەلشىلىك قايتىس بولعان ايەلدىڭ كۇيەۋىنەن جەرگىلىكتى كلينيكاعا مەديتسينالىق قىزمەت ءۇشىن 15 ميلليون كورەيلىك ۆون، ياعني 40 مىڭ دوللار ءبولۋ تۋرالى تاعى ءوتىنىش ءتۇستى. ازاماتتارىنىڭ قارىزىن جابۋ ءۇشىن شەكارادان تىس مەكەمەلەر مەن ءسىم-دە قاراجات قاراستىرىلمايدى. الايدا اتالعان وتباسىنىڭ قارجىلىق قيىندىعىن ەسكەرە وتىرىپ، ەلشىلىك كلينيكاعا جەڭىلدىك بەرۋدى ءوتىنىپ، حات جولدادى. شەتەلگە ەمدەلۋگە كەتكەن ءبىزدىڭ كوپتەگەن ازامات ەمدەلمەس بۇرىن كلينيكامەن كەلىسىمگە كەلەدى. ول كەلىسىمدە تاراپتاردىڭ مىندەتتەمەلەرى ناقتى جازىلادى. ولار بۇل مىندەتتەمەلەردى قاتاڭ ساقتاپ، شاماسى جەتكەنشە ورىنداۋى كەرەك»، - دەدى ايبەك سمادياروۆ.



سوڭعى جاڭالىقتار

ۇقساس جاڭالىقتار