2019 جىلى قازاقستان حايۋاناتتار باعىنداعى جانۋار تۇرلەرىنىڭ جالپى سانى 16,6 مىڭ بولدى, بۇل 2018 جىلمەن سالىستىرعاندا 5,2% از.
2018 جىلى ەلىمىزدە 20 حايۋاناتتار باعى بولعان. وتكەن جىلى زووباقتارعا 1,7 ميلليون ادام بارعان, تاماشالاۋشىلار سانى ءبىر جىلدا 2,6% ارتىپ وتىر.
وركەنيەتتى ەلدەردىڭ كوپشىلىگىندە وسىنداي حايۋاناتتار باعىندا جابايى جانۋارلاردى اسىراۋعا تىيىم سالۋدا, سونداي-اق جانۋارلاردىڭ تاماقتانۋى جانە ولاردى ۇستاۋ جاعدايلارىنا قاتىستى ەرەجەلەرى دە بار.. قازاقستاندا ازىرگە مۇنداي زاڭ جوق, الايدا جابايى حايۋانداردى زووباقتارعا الۋعا تىيىم ەنگىزۋ ماسەلەسى كوتەرىلۋدە.
2019 جىلى ەلىمىزدە زووباقتاردىڭ جالپى اۋدانى 100,3 گەكتار بولدى, بۇل 2018 جىلعا قاراعاندا 1,2% كوپ. بۇل اۋماقتىڭ 56,3 مىڭ شارشى مەترىندە اڭ-قۇس پەن بالىق تۇرلەرىنە ارنالعان ورىندار بار.
رەسپۋبليكا بويىنشا حايۋاناتتار باعىنداعى اۋدانىنىڭ كوپتىگى جونىنەن شىمكەنت ءبىرىنشى ورىندا, جانۋارلاردى اسىراۋعا ارنالعان اۋدانى – 21 مىڭ شارشى مەتر. الماتىداعى ەكى زووباقتىڭ جالپى اۋدانى – 20,9 مىڭ شارشى مەتر. قاراعاندى وبلىسىندا جالپى سانى ءتورت حايۋاناتتار باعى جۇمىس ىستەيدى. جانۋارلاردى ۇستاۋعا ارنالعان اۋدانى – 8,2 مىڭ شارشى مەتر.
حايۋاناتتار باعىنداعى جانۋار تۇرلەرىنىڭ سانى بويىنشا الماتى الدا: 383 ءتۇرلى جانۋار بار. ونىڭ 75-ءى – سۇتقورەكتى, 118-ءى – قۇس.
شىمكەنت زووباعى بۇل جونىنەن ەكىنشى ورىندا: 266 ءتۇرلى جانۋاردىڭ 71-ءى – سۇتقورەكتى, 89-ى – قۇس, 28-ءى – باۋىرىمەن جورعالاۋشى, ۇشەۋى – قوسمەكەندى, 70-ءى – بالىق, بەسەۋى – ومىرتقاسىز.
قاراعاندى وبلىسىنداعى حايۋاناتتار باعىندا 257 جانۋار ءتۇرى بار, ونىڭ 78-ءى – سۇتقورەكتى, 72-ءسى – قۇس, 30-ى – باۋىرىمەن جورعالاۋشى, توعىزى – قوسمەكەندى, 58-ءى – بالىق, 10-ى – ومىرتقاسىز.
